Korintoanɛ 1 4:17 - Nyangbo New Testament

¹⁷ Nɛ kibui ɛlɛ shuɔ ɛsɛsɛ Timoteo nɛ wɔnɔ ɔkɔ, mɛ eyianyɛ gɛ ɛdɛmɛ nɔ, anɔ gɛ abhɛtɛ kibui gɛlɛ ɛlɛ ɔzãkɔ nɛ Apaleteɛ mɛ. Yɛaba abaka wɔnɔ nɛ kɛzã gɛ ɛzã nɛkpã nɛ Kristo Yesu mɛ, gɛ kɛshɔnɔ kɛgɛ ɛkasɛ wɔnɔ nɛ ɔkɔ nyia ɔkɔ nɛ ɔhaa ka nyia ka mɛ.

Korintoanɛ 1 4:17 Referans Kwoze

Timoteo 1 1:2

Mɛ sɛsɛ Timoteo mɛeyianyɛ gɛ akpasɛ tɛyɛyɛkɛŋã mɛ keplukpa alɛ, Tibhui bhuibu, ashagabui ɖiɖi nɛ̀ ishu yɔyɔ de Owusoso Akaa nɛ̀ Kristo Yesu bɔlɔ Apaleteɛ ɔkɔ.

Korintoanɛ 1 16:10

Onupɛ Timoteo abaa, nɔoɖi ɛlɛ kɔ ɔsɛ etisì kifu nɛ kibui nanà shu, nɛ kibeɛ gɛ alɛ wɔnɔ ɔbha, ɔmɔsɛ awɔa Apalete nɛxɔ̃ɛ asɛ mɛ ana.

Korintoanɛ 1 7:17

Kɛkpasɛ kɛlɛ mɛ pɔ, anɔ ka nyia ka anyana ɔzãkɔ gɛ Apaleteɛ akpɛ ahɔɛ akɔɛ nɛ̀ kɛgɛ Owusoso Akaa ekulu yɛakɔ evunɔ. Ɔsha lɛ nabha mɛidzu ɔhaa petee tɔɖɔ.

Timoteo 2 1:2

Ɛsɛsɛ Timoteo, mɛeyianyɛ gɛ ɛdɛmɛ nɔ keplukpa alɛ, Tibhui bhuibu, ashagabui ibi nɛ̀ ishu yɔyɔ odenɔ Owusoso Akaa nɛ̀ Kristo Yesu gɛenu bɔlɔ Apaleteɛ ɔkɔ.

Korintoanɛ 1 16:1

Otsiɛ nɛ bɔdɔ̃yɛyɛkɛ ɔkɔ Owusoso Akaa nɔ shuɔ. Nɔbhɛtɛ kɛgɛ itseɖe Galiatia ɔhaa asɛ babhɛtɛ̀.

Korintoanɛ 1 14:33

Ɔmɔsɛ Owusoso Akaa etinu Akaa gɛ efutsù pɔ ishu yɔyɔ anɔ yɛenu. Asɛ gɛ kɛlɛ banɔ dadalɛ ɔha petee mɛ ana,

Kibui Bubú Kasɛ 2:10

Tɛ osí ifu nɛ bɔtɔ gɛ bàba wɔabha shu. Itseɖe wɔ ɔsɛ, Abosam abakpɛ ɔnɔ eteli nɛ ɔɖavũ mɛ, sɛ tɛ efeke ɔnɔ eɖi, kɛlɛ nɔbɔmɔ ede tɔtɔnɔ nɛ ewui gulũi mɛ. Onupɛ butsí ibui tsyɛ elo, nɔzã kɛgɛ nɔyɛkɛ ɔŋã niede, kɛlɛ ɛbakɔ ɔnɔ ɛkpã ekusikutu.

Korintoanɛ 1 11:2

Ɛkpɛ wɔnɔ kinyè nɛitití nɛ kɛbakà gɛ nɔbaka mɛ nɛ kɛka nyia ka mɛ, nɛ̀ kana gɛ nɔnyanã bɔdɔ̃ kakasɛ mɛ ovunɔ asɛ kɛkasɛ gɛ ɛkasɛ wɔnɔ ana.

Korintoanɛ 1 7:25

Otsiɛ nɛ bubiteɛ gɛ betinyi anyɛ shuɔ, ɛgɛ yɛkɛ ɔsha nanà odenɔ Apaleteɛ ɔkɔ, pɔ ikulu kebhu asɛ anɔ gɛ denɔ Apaleteɛ ashagabui ɖiɖi mɛɛ bayɛkɛ yɛabha aŋã.

Kibui Bubú Kasɛ 2:13

Inyi wɔzãkɔ nɛ ɛkɛlɛ gɛ Satana yɛekusiegbuɔ alɛ, pɔ ogitso dzi nɛ miede. Ɔgɛɖɔ ɔsɛ ɔshɛnɛ ahɔɛ nɛ mɛabha tɛyɛyɛkɛŋã shu olu. Nɛibeɛ gɛ Antipa azaɖɔ mɛibuiɛ nɛ kɛlɛ ɔzãkɔ pɛ beyí nɛ wɔnɔ ɔma hohoe mɛ tsyɛ elo, owlui ɔzã miede kokoko nɛ ɛkɛlɛ gɛ Satana alɛɛ.

Timoteo 2 3:10

Wɔ, onyi ibui odenɔ mɛɔdɔ̃ kakasɛ petee shu, mɛ ɛkpã gɛ idzinɔ, kɛgɛ ɛtɔɖɔ, mɛ tɛyɛyɛkɛŋã, mɛ kitú esi lulu, mɛ tɛdɛdɛmɛ nɔ, mɛ kemì tɛkpɛkpɛ,

Timoteo 2 2:2

Nɛ̀ ebuiɛ gɛ olũ mɛɖɔ nɛ banɔ kpekpèɛ gɛ azã amɔ ebui alɛ amɛ, lɔkɔ ɛlɛ ɔkɔ banɔ gɛ belu awɔ̃ nɛ balɛ abha pɛ balɛ tsyɛ ashɔ̃ asɛ bakasɛ banɔ bhlatɔ ɔdɔ̃.

Koloseanɛ 4:9

Yɛ nɛ̀ Onesimo balɛ aba. Bɔlɔ adzya gbangbã nɛ tɛyɛyɛkɛŋã mɛ pɛ enu wɔnɔ mɛ anɔ tenikpo nɔ. Bebè tseɖe wɔnɔ kɛka nyia ka gɛ ba ɛlɛ mɛ nɛ ɛkɛlɛ̀.

Koloseanɛ 1:7

Nɔ kpasɛ ɛlɛ odenɔ Epafro bɔlɔ adzya gɛ aadɛ axɔ̃ɛ aplɛnɔ ɔlɔ ɔkɔ, anɔ gɛ aɖɔ tɛyɛyɛkɛŋã ebui nɛ ɔlɔ ɛtakpu,

Filipianɛ 2:19

Ilù awɔ̃ nɛ Apalete Yesu abha sɛ ɛbàkpɛ Timoteo nɛ ɔnɔ ɔkɔ odunũ ɔlɛ, sɛ tɛ mɛtsyɛ mɔ same gɛ onupɛ ɛyɛkɛ ɔklasɔ̃ nɛ wɔnɔ shuɔ.

Efesoanɛ 6:21

Tixiko, adzyaa gɛ ɛdɛmɛ nɔ pɛ enu axɔ̃ɛdɛ gbangbã nɛ Apaleteɛ mɛ, ebetseɖe ɔnɔ kɛka nyia ka, sɛ tɛ wɔnɔ tsyɛ otì kana gɛ ɛlɛɛ nɛ kɛnɔnɔ gɛ ɛbhɛtɛɛ.

Korintoanɛ 1 11:16

Onupɛ anɔ teli apɛ asɛ tɛ̀ awlɔ̃akɛ kibui ɛlɛ, kibui nanà bha má bɔlɔ nɛ̀ Owusoso Akaa ɔhaa xɔnɔ ahɔɛ bɔɔ bhɛtɛ̀.

Korintoanɛ 1 4:15

Gɛ banɔ asɛ ihotu lɔfɔ lɛ wɔnɔ ahɔɛ nɛ Kristo mɛ tsyɛ elo, wɔnɔ akaa alɛ egikpè, ɔmɔsɛ nɛ Yesu Kristoɔ mɛ, ɛbadzì akaa ɔkɔ wɔnɔ ɔgana kibui gbangbã mɛ.

Korintoanɛ 1 4:2

Kliso bebisì edenɔ bagɛ balɛ ahɔɛ balɔkɔ, ebuiɛ akpɛ asɛ tɛ bamɔ alɛ sɛ babhɛtɛ kibui gɛlɛ kɛlɛ ɔzãkɔ.

Banɔkpɛkpɛ Axɔ̃ɛ 16:1

Paulo agã edikoeyi nɛ Derbe nɛ̀ Listra, ɛkɛlɛ adɔkpasɛanɛ teli gɛ bezekulu asɛ Timoteo azã, anɔ gɛ yɛelĩ enu Yudadzi nɛ̀ anɔ gɛ ayɛyɛkɛŋã, pɔ yɛakaa edzi Helanɔ.

Korintoanɛ 1 4:14

Ɛtɛɛ́ fɔnɔ ebuiɛ alɛ kɔ ɔnɔ ɔsɛ tɛ ɛlɔkɔ kpɛ wɔnɔ awuĩ nɔ, pɔ tɛ̀ ɛlɔkɔ kpalà wɔnɔ, ɔmɔ asɛ mɛeyi alɛ gɛ ɛdɛmɛ nɔ ana.

Korintoanɛ 1 11:34

Onupɛ bɔbhɛ yì wɔnɔ mɛ anɔ teliɛ, baŋã bɔdɔ̃ nɛ bɔpã mɛ, sɛ tɛ̀ onupɛ nɔbɔ tsyɔaa, kɛtɛbà tsyina dzì kebhu kukulu. Kɛlɛ onupɛ ɛzɛ ba wɔnɔ ɔbhaa tsyɛɛ, ɛba tseɖe wɔnɔ kɛgɛ nɔbɔ bhɛtɛɛ.

Korintoanɛ 2 8:18

Kɛlɛ bɔɔkpɛ adzya teli plɛnii gɛ ɔhaa petee adɛmɛ nɔ nɛ yɛ kibui gbangbã axɔ̃ɛ wɔawɔa shu so.

Filipianɛ 2:22

Pɔ nɔonyi ɔsɛ Timoteo alɔkɔ yɛishu akɔ, ɔmɔsɛ asɛ eyi gɛ alɛ yɛakaa ɔbhaa, akpɛ kɛtakpu esi aplɛnɔ mɛ nɛ Owusoso Akaa ebuiɛ axɔ̃ɛ wɔawa mɛ.

Timoteo 1 1:18

Mɛeyianyɛ Timoteo, ɛkɔ wɔ ɔsha ɔlɛ sɛ tɛ ebuiɛ gɛ ebuiɖɔluanɔ aɖɔ nɛ wɔshuɔ aba alɛ mɛ, sɛ tɛ onupɛ ɔzã alɛ edeɛ, obodzi axɔ̃ɛ gbangbã wɔawɔa elete,

Tito 1:5

Kɛnɔnɔ shu so pɛ ɛshɛ yɔlɔ wɔ nɛ Kreta kɛlɛinu ɔsɛ tɛ owoese ebuiɛ gɛatɔ̀ pɛ balɔkɔ akpɛ wɔahɔɛ tɛ obu bagɛ abazã ɔha nulũ nɛ ɔma ka nyia ka mɛ, asɛ kana gɛ ɛkasɛ wɔ ana.