Korintoanɛ 1 4:12 - Nyangbo New Testament

¹² Bɔwɔa axɔ̃ɛ gagalĩ nɛ̀ bɔlɔ ahɔɛ. Onu baɖɔ kibui akpɛ bɔlɔɔ, bɔlɔ xɔnɔ yula tutu esi kɔ alɛ, onupɛ batɔnɔ bɔlɔ ɛkpã niedeɛ, bɔkpɛ kemi nɛ kɛlɛishu,

Korintoanɛ 1 4:12 Referans Kwoze

Petro 1 3:9

Nɔtɛ lɔkɔ kibui kpa ɔlɔkɔ buia kɛbhɛ ɔkɔ kibui kpa nɔ, alo nɔtsɛɖakɛ̀ aklɔatu, pɔ nɔoyulà ɔkɔ bagɔlɔ, ɔmɔsɛ kibui ɛlɛ shu so pɛ bekulu wɔnɔ sɛ tɛ̀ nɔbɔmɔ tiyuyulà.

Romanɛ 12:14

Noyula tutu esi ɔkɔ bagɛ atɔ̃nɔ wɔnɔ edeɛ, noyula ɔkɔ alɛ, pɔ nɔtɛɖɔ kibui ɔkpɛ alɛ.

Romanɛ 12:20

Nɛ kɛlɛ nɛinye mɛɛ, “Onupɛ bɔbhɛ iyi anunɔ gɛ atɛ dɛmɛ nɛ wɔɔ, wɔ kɔɛ ɛŋaŋã yɛaŋã, onupɛ oluwɔ̃ɛ oyi yɛɛ, kɔɛ kɛdɔ̃ tili yɛawɔ̃ɛ. Nɛ kidzo ɛlɛ nabhaa, kɛbazã asɛ gɛ ɔlɔkɔ afɔɛifu ɔtɔɖɔ yɛada mɛ.”

Banɔkpɛkpɛ Axɔ̃ɛ 18:3

kɛlɛ gɛ enu anɔ gɛ enyi kagbabhɛtɛ asɛ balɛ soɔ, azã balɛ ɔbha pɛ awɔa axɔ̃ɛ nɛ balɛ.

Petro 1 3:14

Pɔ onupɛ edzi asɛ kɛlɛ sɛ ɔmɔ bɔtɔ nɛ kibui gɛpɛ tɛbhɛbhɛtɛ shu tsyɛ elo, beyulà ɔkɔ wɔnɔ. “Nɔotɛ osifù nɛ̀ kɛgɛ kɛlɛ besì kifù nɔɔ, nɔtɛkɔ kifù yi wɔnɔ.”

Petro 1 2:23

Kibeɛ gɛ baza kwɔalà yɛɛ tsyɛ elo, egibu kɛlɛilũ, gɛ azamɔ bɔtɔɔ, agɛkã ɔkɔ ananà. Pɔ alɔkɔ yɛishu ɔkɔ agɛ yeekulù kebhu gbangbãa.

Banɔkpɛkpɛ Axɔ̃ɛ 7:60

Kɛlɛ edzu ekluisi esi pɛ akpɛ ozĩ gagalĩi asɛ, “Apalete tɛbhɛtɛ kibui kpa ɛlɛ ɔkpɛ kɛliulũ ɔkɔ alɛ.” Gɛ aɖɔ kibui ɛlɛ ebeke koɔ kɛlɛ adã olugbũ.

Yuda 1:9

Pɔ otugbà axɔ̃ɛdɛ Mixael, nɛ kibeɛ gɛ aza wlɔãkɛ kibui nɛ̀ abosam nɛ Mose ishudzya shu tsyɛ, agɛ kpɛité aɖɔaɖɔ kpa alɔɛtití nɛ yɛishu, pɔ aɖɔ asɛ, “Apaleteɛ etseɖenɔ nɛ̀ wɔ!”

Timoteo 1 4:10

(ɔmɔsɛ kibui ɛlɛ shu bɔmɔ̃ bɔtɔ pɛ wlɔãkɛ ɔkɔ), sɛ bɔlɔkɔ bɔlɔ otugbà mɛ ɖiɖiɛ ɔkpɛ Owusoso Akaa enunuɔ ahɔɛ mɛ, anɔ gɛ yɛebu banunɔ petee nɛ butsi mɛ, asɛ bɔnɔ nɔ̀ gɛ bayɛkɛ aŋã ana.

Tesalonikanɛ 2 3:8

alo pɛ bɔŋã anɔ teli bɔdɔ̃ gɛ bɔgɛ buia bɔlɛ ɛbhɛ. Kibui ɛlɛ shu soɔ, bɔwɔa axɔ̃ɛ elishi nɛ̀ kemuze, kɛlɛ buuwu pɛ buuzhì nɛ bɔtɔ mɛ sɛ tɛ bɔtɛ badzi bɔtɔ ɔkɔ wɔnɔ mɛ anɔ nanà.

Tesalonikanɛ 1 2:9

Mɛ adzya alɛ mɔ, kibui gbã, bɔtɔ nɛ ɛkpã zazãna gɛ gagalĩ ɔkɔ bɔlɔ, bɔwɔa axɔ̃ɛ elishi nɛ̀ kemuze sɛ tɛ butidzi bɔtɔ ɔkɔ ananà gɛ onupɛ bɔɖɔ Owusoso Akaa kibuiɛ tseɖe wɔnɔ.

Korintoanɛ 1 9:6

Pɛnɔsɛ mɛ nɛ Barnaba ete kɛlɛ sɛ tɛ̀ bɔwɔa axɔ̃ɛ tɛ̀ bɔpɛ kɛŋaŋã ɔkɔ ishuɔ dza?

Banɔkpɛkpɛ Axɔ̃ɛ 20:34

Nɔonyi ɔsɛ mɛahɔɛ alɛ shu axɔ̃ɛ mɛwɔa lɔkɔ pɛ bɔdɔ̃ ɔkɔ mɛishu nɛ̀ mɛɔhagbo alɛ.

Petro 1 4:19

Klisoɔ otsiɛ nɔ, bagɛ bamɔ ɔtɔ nɛ Owusoso Akaa tɛpɛpɛ ulũɔ, balɔkɔ balɛishu akɔ Agɛ yɛabhɛtɛ̀ alɛ pɛ aɖɔ kibui gbã tɛ̀ bazã ɛlɛ abha azabhɛtɛ ebui gbangbã.

Romanɛ 8:35

Afana gɛ ebebhui tɛdɛdɛmɛ nɔ gɛlɛ bɔlɔ nɛ̀ Kristo ishi? Kɛba dzi bɔtɔ alo banɔ buluhũ kpɛkpɛ alo banɔ edetɔtɔ nɔ alo bɔbhɛ alo kɛdɔ̃ makpɛ makpɛ alo kifu ibui alo bɛtɛ̀ɛ dza?

Korintoanɛ 2 11:8

Gana tɛpɛplɛnɔ gɛ ɛyɛkɛ denɔ ɔhaa bhlatɔ mɛɛ ɛlɔkɔ ba plɛnɔ wɔnɔ nɔ.

Efesoanɛ 4:28

Agɛ yɛezuruɔ, ayɔlɔ yɛuzĩɛ gɛ ezuruɔ, pɔ awɔa axɔ̃ɛ, tɛ alɔkɔ yɛahɔɛ aza bhɛtɛ kibui tili gɛbà plɛnɔ, sɛ tɛ amɔ kɛdɔ̃ tili akɔ bagɛ apɛ ɛdɔ̃.