Korintoanɛ 1 4:1 - Nyangbo New Testament

¹ Klisoɔ, kɛlɛ sɛ aka nyia aka alɔkɔ bɔlɔ asɛ Kristo yɛanɔkpɛkpɛ ana, nɛ̀ asɛ bagɛ balɔkɔ Owusoso Akaa yɛebui kpũkpũɔ akpɛ ahɔɛ akɔ alɛ ana.

Korintoanɛ 1 4:1 Referans Kwoze

Petro 1 4:10

Anɔ ka nyia ka alɔkɔ yɛdɔkɔkɔ gɛ ayɛkɛ tɛ̀ aplɛnɔ bagɔgɔɛ nɔ, gana tɛyɛyɛkɛŋã ibui gbangbã tɛbhɛbhɛtɛ mɛ tɛ̀ alɔkɔ aɖɔ Owusoso Akaa tibhui bhuibuɔ nɛ edzo gelee abha.

Tito 1:7

Gɛ balɔkɔ Owusoso Akaa ɛxɔ̃ɛ akpɛ osofo ahɔɛ soɔ, kɛma sɛ tɛ bamɛ tsitsí ebui azã yɛishu-kɛma ɔsɛ tɛ eze feke yɛishu, etidzi anɔ gɛ akpɛ ɔmɔpɔɛ nɛ ebui mɛ, etidzi enuwɔ̃ɛ, etidzi ebelapɛ, etidzi anɔ gɛ apɛ kanɔ mɛ ɔdɔ̃ ɔgana kidzo kpa abha.

Timoteo 1 3:9

Kɛlɛ sɛ bedzi banɔ gɛ banyana tɛyɛyɛkɛŋã ebui kpukpũɔ gɛedzuɔ mɛ evunɔ nɛitú dadalɛ mɛ.

Korintoanɛ 2 4:5

Ɔmɔsɛ anɛ bɔlɔ shu kibui bɔɖɔ, pɔ Yesu Kristoɔ bɔlɔ Apaleteɛ shu bɔɖɔ kaɖɔɔ, kɛlɛ budzi asɛ baxɔ̃ɛdɛ akɔ Yesu ana.

Efesoanɛ 6:19

Nɔ okulu Owusoso Akaa kɔ mɛ tsyɛ, sɛ tɛ onupɛ ɛdalɛ mɛolugbũɔ, babàkɔ mɛ ebui ɖɔɖɔ sɛ tɛ ɛdalɛ kibui kpukpũɔ gɛ kpasɛ kibui gbangbã mɛ kifù masi masi,

Koloseanɛ 2:2

Kɛgɛ ɛtɔɖɔ kɛlɛinu ɔsɛ tɛ̀ bamɔ̃ kemikpɛkpɛ nɛ alɛ etúɔ mɛ tɛ̀ babhɛtɛ tenikpo nɛ tɛdɛdɛmɛ nɔ mɛ, sɛ tɛ bamɔ ehoeyi ɔdɔ̃ petee nɛ ebui esi lulũ mɛ, sɛ tɛ̀ betì Owusoso Akaa ebui kpukpũɔ gɛ bekulu asɛ Kristoɔ,

Romanɛ 16:25

Anunɔ gɛ yɛalà ayɛkɛ wɔnɔ edzu nɛ ɛkpã ɔgana Kibui Gbangbã gɛ ɛkasɛ ɔnɔ mɛ nɛ Yesu Kristo shu, nɛ̀ kibu gɛ bebu ebui kpukpũɔ gɛ lalɛ alɛ ɔzãkɔ odenɔ kuku ibeɛ,

Koloseanɛ 4:3

Kɛlɛ nɔ okulu Owusoso Akaa nɛ bɔlɔ tsyɛ ɛtakpu, sɛ tɛ̀ Owusoso Akaa adalɛ kedulũ ɔkɔ kibuiɛ gɛ bɔɖɔɔ, sɛ tɛ̀ bɔɖɔ Kristo yɛebui kpukpũɔ ɔkanà, kibuiɛ gɛ ɛlɛ shu mɛ kpasɛ ɛɖahuiɛ mɛ.

Efesoanɛ 1:9

Kɛlɛ akɔ butì ebui kpukpũɔ gɛ akpasɛ yɛ kibui gɛ apɛ, pɛ atɔɖɔ ɔganà Kristo abha,

Korintoanɛ 2 12:6

Onupɛ edzi asɛ ɛpɛ sɛ tɛ mɛitũ ahɔ nɛitũ tsyɛ elo, ɛtɛ badzi awɔaga ɔmɔsɛ ɛbazã ɛlɛ abha zɛɖɔ kibuiɛ gɛlɛ ɛlɛ ɔzãkɔ. Pɔ ɛzakà tũ mɛitelũ, sɛ tɛ anɔ nanà etì beɖi mɛ asɛ mɛinu anɔ gbagbla ɔdɛ ɔganà kɛgɛ ɛbhɛtɛ pɛ ɛɖɔ shu.

Korintoanɛ 2 11:23

Kristo yɛaxɔ̃ɛdɛ benuɔ dza? (Ɛɖɔ kaɖɔ asɛ kɛtakpu tsitsí elete ana.) pɔ igbogblo dɛ alɛ. Ɛwɔa axɔ̃ɛ gagalĩ ɔdɛ balɛ, ɛzã ɛɖa buvũ mɛ gelee ɔdɛ balɛ, behuisi mɛ ɖɔtɔɖɔtɔ dɛ balɛ, kɛlɛ ɛzakɔ butsi kibe nyia be.

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.

Timoteo 1 3:6

Kɛma ɔsɛ tɛ̀ edzi anɔ gɛ etsyina avɔvɔ, onu gɛnɛ ana, ebefeke yɛishu kɛlɛ ebeku kebhu kukulu mɛ asɛ gɛ abosam tsyɛ ezhieku ana.

Korintoanɛ 2 6:4

Pɔ asɛ Owusoso Akaa axɔ̃ɛdɛ ana, bɔlɔkɔ bɔlɔshu kɔ nɛ kidzo ka nyia ka abha, nɛ̀ kemi kpɛkpɛ gbagbla, bɔtɔ nɛ̀ ɔwɔ̃nyɔnɔ mɛ,

Korintoanɛ 1 4:13

onupɛ banɔ aɖɔaɖɔ kpa nɛ ɔlɔ shuɔ, bubù ebui mɛ kɔ alɛ nɛ̀ eyamɛ gbangbã. Boyinɔ oboɔ, budzì kɛtɔ abha ɔdɔ̃ nɛ̀ kanɔ mɛ tɛwɔnɔ̃.

Korintoanɛ 1 3:5

Alɛ petee niedeɛ pɔ, afana gɛenu Apolo? Kɛlɛ afana tsyɛ gɛenu Paulo? Baxɔ̃ɛdɛ ete gɛ balɛ akɔ asɛ nɔyɛkɛ ɔŋã asɛ kɛkpɛ gɛ Apaleteɛ akpɛ kɛxɔ̃ɛ nɛ balɛ ɔmayɛmɛ aka nyia aka ahɔɛ ana.

Korintoanɛ 1 2:7

Oo, Owusoso Akaa bubutiɛ gɛ bukpũɔ shu bɔɖɔ kaɖɔ, bubutìɛ gɛ bekpũ bɔlɛ pɛ Owusoso Akaa abalɛ elú akɔ bɔlɔ shu dadalɛ flogo pɛ kanɔ nɔ̀ abakpɛ kesi.

Romanɛ 11:25

Ɛpɛ sɛ tɛ mɛkɔ noti kibui nɛ kibui kpukpũ ɛlɛ shu, tɛ notɛ ofeke ishu ɔsɛ nonyi ibui popopo. Kibuiɛ kɛlɛinu ɔsɛ, nɛ Israelanɛ teli atɔ̃ gagalĩ ibeɛ, kinu tɛtɔtɔɖɔ ɔsɛ onupɛ bamɔ̃ bagɛ betinu Yudanɛ tɛkaklàa gɛ aapɛ nɔɔ anaa, babàba Owusoso Akaa ɔkɔ.

Korintoanɛ 1 4:2

Kliso bebisì edenɔ bagɛ balɛ ahɔɛ balɔkɔ, ebuiɛ akpɛ asɛ tɛ bamɔ alɛ sɛ babhɛtɛ kibui gɛlɛ kɛlɛ ɔzãkɔ.