Korintoanɛ 1 3:8 - Nyangbo New Testament

⁸ Tɛtɔtɔɖɔ tinikpo kɛlɛ ɛlɛ anunɔ gɛ yɛaɖaa bɔdɔ̃ nɛ̀ agɛ yɛakpɛ bulĩɛ nɛ bɔlɛ shuɔ ahɔɛ, kɛlɛ babà buia kɛbhɛ kɔ aka nyia aka nɛ yɛ kɛxɔ̃ɛ wɔawɔa shu.

Korintoanɛ 1 3:8 Referans Kwoze

Romanɛ 2:6

Owusoso Akaa aɖɔ asɛ, “ebebhui ibui mɛ akɔ anɔ nyia anɔ nɛ kɛgɛ abhɛtɛ nulũ.” (Psalomo 62.12)

Yohanes 2 1:8

Nɔoɖi ɛlɛ ɔkɔ sɛ̀ nɔgɛ yala kɛnanà gɛ nɔwɔa axɔ̃ɛ ɔkɔ, pɔ sɛ tɛ̀ babuia ɛlɛ shu kɛbhɛ akɔ wɔnɔ tɛ̀ kɛna.

Kibui Bubú Kasɛ 22:12

“Noɖio, ɛɛba otsiɛ tsĩɔɔ! Ivũnɔ kɛbhɛ gɛ ɛbabuia nɔ, kɛlɛ ɛbakɔ anɔ ka nyia ka nɛ kɛbhɛtɛ gɛ abhɛtɛ nulũ.

Korintoanɛ 1 15:58

Klisoɔ, mɛadzya alɛ mɔ, nɔzã gagalĩ. Nɔtɛkɔ kɛnanà tii wɔnɔ. Nɔlɔkɔ wɔnɔ ishu petee ɔkɔ Apalete nɛxɔ̃ɛ wɔawɔa, ɔmɔsɛ nɔonyi ɔsɛ wɔnɔ kɛxɔ̃ɛ wɔawɔa ɔkɔ Apaleteɛ tɛbàdzì kɛlɛɛ etee.

Petro 1 5:4

Kɛlɛ onupɛ Ibhoshiɛ Agbagbana Ekusiɛ ebekoeyìɛ, nɔbɔ yɛkɛ ishu dadalɛ ɛkpã kikutuɔ gɛ ɛtɛbà zĩ ɖiɛ.

Hebrianɛ 6:10

Owusoso Akaa etinu asɛnɛ elete, pɛ abadzɛkɛ wɔnɔ axɔ̃ɛ wɔawɔa nɛ̀ wɔnɔ tɛdɛdɛmɛ nɔ nɛ̀ banɔ gɛ nobu ɔkasɛ ɔgana nɛ tɛpɛplɛnɔɔ gɛ nɔkɔ yɛaxɔ̃ɛwɔa. Gɛ notsiɖi ɛlɛ abha ɔkɔ yɛanunɔ tɛpɛplɛnɔ ɔmana otsiɛ.

Galatianɛ 6:4

Anɔ ka nyia ka elu awɔ̃ eɖi yɛebui bhɛbhɛtɛ. Kɛlɛ abalà etũ yɛahɔɛ itelũ, gɛ atɛbà lɔkɔ yɛishu ashɔnɔ anɔ nanà,

Korintoanɛ 1 3:14

Onupɛ kɛgɛ yɛabhɔ eluɔ zã nɛ̀ ɛkpãa, aba yɛkɛ yɛbhɛ babuia.

Korintoanɛ 1 3:9

Ɔmɔsɛ bɔlɔ nyɔ̃ɔ nu Owusoso Akaa kɛxɔ̃ɛ tinikpo awɔawɔa, kɛlɛ wɔnɔ onu Owusoso Akaa yɛɔyà, nɛ yɛ̀ buvũɔ.

Kibui Bubú Kasɛ 2:23

Ɛbahu yɛeyi alɛ bho bebètsí. Kɛlɛ baha nyɔ̃ɔ bebèti asɛ mɛinu anunɔ gɛ ɛmɔ banɔ etúɔ nɛ̀ alɛ ekpeɖekpeɖe mɛ. Kɛlɛ ɛbabuia ɛbhɛ ɔkɔ ɔnɔ mɛ anɔ nyia anɔ nɛ wɔ tɛbhɛbhɛtɛ ulũ.

Korintoanɛ 1 3:7

Klisoɔ gɛnɛ agɛ yɛaɖa bɔdɔ̃eyiɛ pɛnɔsɛ agɛ yɛakpɛ bulĩɛ nɛ bɔlɛ shuɔ yɛabhɛtɛ̀ kɛnanà, pɔ Owusoso Akaa yɛakɔ bɔdɔ̃eyiɛ eshè.

Korintoanɛ 1 4:15

Gɛ banɔ asɛ ihotu lɔfɔ lɛ wɔnɔ ahɔɛ nɛ Kristo mɛ tsyɛ elo, wɔnɔ akaa alɛ egikpè, ɔmɔsɛ nɛ Yesu Kristoɔ mɛ, ɛbadzì akaa ɔkɔ wɔnɔ ɔgana kibui gbangbã mɛ.

Korintoanɛ 1 9:7

Keyuadɛ ɖuwoelu gɛ awɔa kɛxɔ̃ɛ pɛ azabuia kɛbhɛ akɔ ishu dza? Afana gɛ adɛ wain bɔyɛ pɛ atɛ aŋã yɛ eyuyuɔ dza? Afana gɛ elú ibhoshì pɛ atɛ awɔ̃ɛ ɛlɛ kɛmɔlĩɛ dza?

Galatianɛ 6:5

ɔmɔsɛ kɛlɛ sɛ anɔ ka nyia ka alɔkɔ yɛɔtɔ etuku.