Korintoanɛ 1 3:16 - Nyangbo New Testament

¹⁶ Nɔotinyi ɔsɛ Owusoso Akaavũɔ nɔonu pɛ Owusoso Akaa Ɔfɔfuĩa nɔ kpasɛ wɔnɔ mɛ dza?

Korintoanɛ 1 3:16 Referans Kwoze

Korintoanɛ 1 6:19

Nɔotinyi ɔsɛ wɔnɔ ishupiɛ nu Owusoso Akaavũɔ ɔkɔ Ɔfɔfuĩa Gbangbã, gɛ lɔkpasɛ wɔnɔ mɛ, anunɔ gɛ nɔyɛkɛ odenɔ Owusoso Akaa ɔkɔɔ dza? Nɔma ɔkɔ wɔnɔ ishu,

Korintoanɛ 2 6:16

Kibui nyanyã ɖuwoe gɛ kpasɛ Owusoso Akaavũɔ nɛ̀ ibudi ishi? Bɔlɛinu buvũɔ ɔkɔ Owusoso Akaa enunuɔ. Asɛ kana gɛ Owusoso Akaa aɖɔ asɛ, “Ɛbazã plɛnɔ balɛ kɛlɛ ɛbagã nɛ balɛishi, kɛlɛ ɛbadzi balɛ Owusoso Akaa, kɛlɛ bebèdzi mɛ banunɔ.”

Romanɛ 8:11

Kɛlɛ onupɛ anunɔ gɛ yɛ Ɔfɔfuĩa ɔlɛ ofeke Yesu edenɔ bekpuɔ mɛ ɔlɛ wɔnɔ mɛɛ, kɛlɛ yɛ gɛ efeke Kristo edenɔ bekpuɔ mɛɛ, yɛ ke abakɔ wɔnɔ ishupi tsitsí ɛlɛ ɛkpã ɔgana yɛ Ɔfɔfuĩa nɔ, gɛ ɔlɛ wɔnɔ mɛɛ.

Romanɛ 8:9

Wɔnɔ xɔnɔ anɛ kanɔ alɛ mɛ ɛkpã kpa ɛlɛ gbana ɔnɔ, pɔ Ɔfɔfuĩa nɔ, onupɛ Owusoso Akaa Ɔfɔfuĩa nɔ ɔlɛ ɔnɔ mɛ. Kɛlɛ onupɛ Kristo yɛ Ɔfɔfuĩa nɔ ɔma anɔ teli yɛahɔɛ, etinu Kristo yɛayɛ.

Petro 1 2:5

wɔnɔ tsyɛ, asɛ aklagbu gɛalɛ nɛkpã ana, balɔkɔ ɔnɔ abhɔ ɔfɔfuĩa mɛ buvũ tɛ̀ budzi bukusi ɔŋãkɔ gɛ dalɛ, gɛ bɔkɔ ɔfɔfuĩa mɛ̀ bɔdɔ̃ pɔpɔɛ gɛ Owusoso Akaa adɛmɛ tɔɖɔ bɔlɛ abha ɔganà Yesu Kristo abha.

Timoteo 2 1:14

Nyanà kibui gbangbã gɛ balɔkɔ akpɛ wɔ ahɔɛ mɛ ovunɔ piapii, nyanà ɛlɛ mɛ ovunɔ ɔganà Ɔfɔfuĩa Gbangbã gɛ ɔkpasɛ ɔlɔ mɛ tɛpɛplɛnɔ mɛ.

Hebrianɛ 3:6

Kristo xɔnɔ alɔkɔ ibui gɛlɛ ɛlɛ ɔzãkɔ, gɛ eɖi Owusoso Akaavũ nabha asɛ Eyi ana. Kɛlɛ bɔlɔ nu yɛɔpãa, onupɛ bɔkpɛ emi zã yɛede, pɛ buɖi yɛidzo mɛ nɛ̀ awɔ̃luluɔ gɛ butù itèlũ kɔɔ.

Yohanes 1 4:12

Anana akamɔ Owusoso Akaa eɖi, pɔ onupɛ bɔdɛmɛ agɔlɔ ibuiɛ, Owusoso Akaa abazã ɔlɔ mɛ kɛlɛ yɛ tɛdɛdɛmɛ nɔ bana nɛ ɔlɔ mɛ.

Romanɛ 6:3

Pɔɔ, notinyi ɔsɛ bɔlɔ pete gɛ bakpɛ ulĩ akɔ nɛ Kristo Yesu yɛinye mɛɛ, yɛutsíɛ mɛ tsyɛ bakpɛ ulĩɛ akɔ ɔlɔ dza?

Korintoanɛ 1 9:24

Nɔ otinyi ɔsɛ nɛ tɛtsɛɖɛmɛ tibubu mɛɛ, banɔ nɔ nyɔ̃ɔ ebu tɛtsɛɖɛmɛ, pɔ anɔ tenikpo ko yɛaŋã kabha dza? Nɔobu tɛtsɛɖɛmɛ nɛ kidzoɔ gɛ kɛlɛ abha nɔbɔmɔ kabha ŋaŋã.

Korintoanɛ 1 9:13

Nɔotinyi ɔsɛ bagɛ awɔa axɔ̃ɛ nɛ Owusoso Akaavũɔ mɛ bamɔ bɔŋaŋã edenɔ ɛkɛlɛ dza, kɛlɛ osubha gɛ ɔlɛ abha banɔ nɔ apɔɛ bɔdɔ̃, gɛnɛ ɛkɛlɛ baŋã bɔdɔ̃ edenɔɔ dza?

Korintoanɛ 1 6:9

Nɔotinyi ɔsɛ atakpu mɛ gagalĩ eleteɛ atɛba vɛ Owusoso Akaa bukusi ɔŋãkɔɔ dza? Nɔtɛkɔ bawɔɛ wɔnɔ, bagɛ baŋã kɛgɔlɔ tsyɛ, ibudi eleteɛ, bagɛ badɛ ɔmamɛ, banyɛ gɛ bawɔsɔ̃ nɛ̀ balɛ banyɛ ɔhagbo alɛ,

Korintoanɛ 1 6:16

Nɔotinyi ɔsɛ anyɛ nɔnɔ gɛ abhɛtɛ tenikpo nɛ adzɛ gɛ azã kedulũɔ, abhɛtɛ tenikpo nɛ yɛ nɛ ishudzyaa mɛɛ dza? Ɔmɔsɛ baɖɔ ɛlɛ lú asɛ, “Balɛ taabha ebedzi ishudzya tenikpo.”

Korintoanɛ 1 5:6

Wɔnɔ ishuɔ gɛ nofekeɛ gɛ pɛ. Nɔoti nyi ɔsɛ amɔwɔ tsɔtsɔ̃mɔ bhlui teli yɛakɔ avɔvɔ gɛ ekpéɛ tsyɛ atsɔmɔ̃ɔ dza?

Yakobo 4:4

Wɔnɔ ɔmamɛ dɛdɛelete, notinyi ɔsɛ nɔɔŋã ɛbhia nɛ̀ kanɔ alɛ mɛɛ, kɛlɛ notsyina odzi banɔ gɛ banyana Owusoso Akaa akpɛ ɛya mɛɛ dza? Anɔ nyia anɔ gɛ edzi ɔbhia ɔkɔ kanɔ alɛɛ, kɛlɛ etsyina edzi anunɔ gɛ agɛ dɛmɛ nɛ Owusoso Akaa.

Romanɛ 6:16

Notinyi ɔsɛ nɔlɔkɔ batɔ̃ lulũ ɔkɔ anɔ teli asɛ banɔ dzidzi anaa, nonu banɔ dzidzi ɔkɔ anunɔ gɛ nolũ atɔ̃ ɔkɔɔ, nonu banɔ dzidzi ɔkɔ kibui kpa gɛ gbanà anɔ ɔvɛnɔ butsí mɛ, alo ɔkɔ batɔ̃ lulũ gɛ gbanà anɔ ɔkpɛ kibui gbangbã bhɛbhɛtɛ mɛɛ dza?

Korintoanɛ 1 3:9

Ɔmɔsɛ bɔlɔ nyɔ̃ɔ nu Owusoso Akaa kɛxɔ̃ɛ tinikpo awɔawɔa, kɛlɛ wɔnɔ onu Owusoso Akaa yɛɔyà, nɛ yɛ̀ buvũɔ.

Korintoanɛ 1 3:17

Onupɛ anɔ teli ayɛɛ Owusoso Akaavũɔ, Owusoso Akaa ebezĩ yɛ tsyɛ, ɔmɔsɛ Owusoso Akaavũɔ shu dalɛ, kɛlɛ wɔnɔ onu Owusoso Akaavũ lɛ.

Timoteo 1 3:15

onupɛ ɛbawɔ kideɛ, obotì kana gɛ kɛlɛ sɛ anɔ azã nɛ̀ ɛkpã nɛ Owusoso Akaa bɔpã mɛ, ɔhaa gɛenu Owusoso Akaa enunuɔ ɔyɛ, kɛgɛ inu bubhi asha, nɛ̀ buvũ esi kpɛkpɛ ɛklagbuɔ ɔkɔ kibui gbã.