Korintoanɛ 1 3:13 - Nyangbo New Testament

¹³ yɛxɔ̃ɛ bakasɛ kɛgɛ yɛalɔkɔ abhɔ bɔlɛ nɔ, ɔmɔsɛ Kiwuiɛ babu ɛlɛ kasɛ. Bebebù ɛlɛ akasɛ nɛ̀ kifú, kɛlɛ kifúɔ badalɛ aka nyia aka yɛ ɛxɔ̃ɛ wɔawɔa shu.

Korintoanɛ 1 3:13 Referans Kwoze

Petro 1 1:7

Ebui alɛ aba ɛlɛ mɛ ana sɛ tɛ̀ wɔnɔ tɛyɛyɛkɛŋã, gɛ kigbogbolo ɔdɛ sikãɛkpã gɛ bazĩ, gɛ balɔkɔ kifù adalɛ ɛlɛ shu nɔ pɔ flogo. Tɛ babhɛtɛ ɛlɛ kidzi kibui ɛgbã gɛ babakpɛ ɛlɛ inye nɛitití, pɛ ishu dadalɛ nɛ̀ inyè gbangbã tsyɛ bazã ɛlɛ shu gɛ onupɛ Yesu Kristo ebekoeyìɛ.

Kibui Bubú Kasɛ 20:12

Kɛlɛ ɛmɔ banɔ tsitsí, besheshè nɛ̀ bunuvɔɛ gɛ bazã itití nɛ ekusiegbuɔ otugbà, kɛlɛ badalɛ uplukpa mɛ elu. Baza dalɛ eplukpa bhlatɔ tsyɛ gɛenu ɛkpã eplukpa. Bekulu ebhu nɛ̀ banɔ tsitsíɛ nɛ kɛzã gɛ bazã nɛ ɛkpã, pɛ bafɔnɔ elu nɛ buplukpa mɛ nulũ.

Korintoanɛ 1 4:5

Kliso nɔoti kulu kebhu kpɛ otugbà flogo tɛ̀ kibeɛ ba na, nɔzã opo odiyinɔ ɔsɛ Apaleteɛ aba. Yɛaba ebu ebui kpukpũ nɔnɔ gɛ akpasɛ otumũɔ mɛ oyinɔ amana ɔtɔ̃, kɛlɛ ebebu ebuiɛ gɛ lakpasɛ anɔdzyrame yɛitùɔ mɛ akasɛ. Nɛ kibe ɛlɛ Owusoso Akaa aba kpɛ bagɛ kɛlɛ sɛ akpɛ nititíɛ.

Petro 1 4:12

Mɛɔbhia alɛ gɛ ɛdɛmɛ nɔ, tifefekeɖiɛ mɛ gɛ nɔgã tɛbhɛtɛ wɔnɔ ibì, asɛ gɛ onupɛ kibui gɛ ɛbhɛtɛ ibi kɛlɛ bà wɔnɔ abha ana.

Petro 2 3:10

Pɔ Apaleteɛ nɛiwuiɛ babà asɛ kɛba gɛ ezĩ aba ana. Nɛ iwui ɛlɛ nabhaa, kititíɛ bayalà nɛ̀ ozĩ gagalĩ, kifu bapɔɛ kititì udɔ̃, kɛlɛ kesiakpa nɛ̀ kalɛ kɛka nyia ka batã.

Romanɛ 2:16

Kɛbàba kɛlɛ mɛ nɛ kiwui nabha gɛ Owusoso Akaa ebekulu ebhu nɛ banɔdzyrame ebui kpukpũɔ, ɔgana Yesu Kristo abha asɛ ɛɖɔɔ gɛ mɛibui gbangbã ɖɔ luɔ ana.

Timoteo 2 1:18

Kɛkɔ sɛ tɛ̀ Apaleteɛ aplɛnɔ yɛ tɛ amɔ ashagabui ɖiɖi nɛ kiwui ɛlɛ nabha. Onyi edzo kpekpèɛ gɛ alɛ abha yɛaplɛnɔ mɛ piapii nɛ Efesoɔ.

Korintoanɛ 1 1:8

Abakɔ nɔzã gagalĩ ɔvɛnɔ kiwui gɔgɔ nabha, kɛba kɔsɛ nɔtɛ bɔmɔ bamɛ tsitsí nɛ bɔlɔ Apalete Yesu Kristo yɛiwui nabha.

Romanɛ 2:5

Pɔ nɛ wɔnɔ atɔ̃ gagalĩ nɛ̀ ɛtúɔ mɛ gɛ nogitsyina shuɔ, noshogò ɔmɔpɔɛ olu ɔkɔ ishu nɛ Owusoso Akaa ɔmɔpɔɛ iwui nabha gɛ ebèbu yɛebhu kukulu gbangbã akasɛ.

Timoteo 2 3:9

Pɔ batɛ bamɔ otugbà vɛvɛ, ɔmɔsɛ asɛ kana gɛ kɛlɛ nɛ banɔ alɛ shuɔ, balɛ bɔga dɔdɔ mɛ badalɛ ɔkɔ aka nyia aka.

Korintoanɛ 1 3:12

Onupɛ anɔ teli alɔkɔ sikãɛkpã, sikãfufu, aklagbu gɛ layɛkɛ kedzi, osi, ekeɖè alo bushìi abhɔ ɔlɛ atɔɖɔɔ,

Timoteo 2 1:12

Kliso pɛ ɛmɔ bɔtɔ ɔlɛ asɛ gɛ ɛmɔ ana. Pɔ kiwũi tiyi mɛ, ɔmɔsɛ inyi anunɔ gɛ yɛabha mɛyɛkɛŋã, kɛlɛ ɛyɛkɛŋã sɛ abalà anyanã kibuiɛ gɛ ɛkpɛ yɛahɔɛ ovunɔ ɔvɛnɔ kiwui ɛlɛ nabha.

Timoteo 2 4:8

Otsi alɛ xɔnɔ, balɔkɔ kibui gbangbã tɛbhɛbhɛtɛ kikutuɔ abalɛ elu akɔ mɛ, kɛgɛ Apalete gɛenu kebhu gbangbã kukulu eleteɛ, abalɔkɔ akɔ mɛ nɛ kiwui ɛlɛ nabhaa, kɛlɛ gɛnɛ mɛ ete yɛabakɔ, pɔ abakɔ bagɛ eɖi yɛ tɛbaba idzo mɛ tsyɛ.

Hebrianɛ 10:25

Nɔtɛkɔ bɔshɛnɛ ahɔɛ nɛ tɛtsyɔatsyɔa itsu shu, ɔmɔ asɛ kɛbhɛtɛ gɛ beteli baabhɛtɛ ana, pɔ nɔkɔ bɔkpɛ bagɔlɔ emi, kɛlɛ nɔbhɛtɛ ɛlɛ ɔtɔɖɔ ɔdɛ, gɛ nɔɔ mɔ ɔsɛ Kiwuiɛ tso ubaa.

Petro 2 3:7

Ganà kibui ɛlɛ tinikpo mɛɛ, babàlɛ obo iwusosonɔ nɛ̀ kesiakpa elu akɔ kebhu kukulu iwui nabha ɔkɔ bagɛ etinyi Owusoso Akaa balɛ tiyiyí.