Korintoanɛ 1 3:10 - Nyangbo New Testament

¹⁰ Nɛ kibhuiɛ gɛ Owusoso Akaa ebhui mɛebuɔ, mɛkpɛ buvũ niesi asɛ buvũdzudzu gbangbã elete ana, kɛlɛ anɔbhlatɔ yɛaba bhɔ bɔlɛ atɔɖɔ. Pɔ anɔ nyia anɔ eɖi piapii nɛ̀ kɛbhɔ gɛ abhɔɔ yɛuvũɔ.

Korintoanɛ 1 3:10 Referans Kwoze

Korintoanɛ 1 3:11

Ɔmɔsɛ ananà azakalà buvũ vɔvɔ kesi akpɛ ɔdɛ bɔgɛ batɛ kpɛ bɔlɛ esi eluɔ, gɛenu Yesu Kristo.

Efesoanɛ 2:20

gɛ bedzu atɔɖɔ banɔkpɛkpɛ nɛ̀ ebuiɖɔluanɔ balɛ ebui nabha, ɔplɛnɔ Kristo Yesuɔ gɛ yɛenu odekrekpu ɛklagbu hohoeɛ.

Romanɛ 15:20

Kidzi mɛtakpu tɔtɔɖɔ ɔsɛ tɛ mɛɖɔ Kibui Gbangbã nɛ ɛklɛ gɛ betinyi Kristoɔ, sɛ tɛ mɛtɛ kpɛ ɛtakpu nɛ ɛkɛlɛ gɛ anɔ bhlatɔ teli atɛkpɛ ibuiɛ tɛɖɔɖɔ esi akɔ banunɔ.

Kibui Bubú Kasɛ 21:19

Balɔkɔ aklagbu gbangbã edi edi ewoese kesikpɛkpɛ egiliɛ nɔ. Kesikpɛkpɛ aklagbuɔ gɛeputɔ enu yaspa, tɛbhɔbhɔ tɔɖɔ ɔbhalà nu safir, atramɛ enu kalkedon, kɛlɛ alɛlɛmɛ enu emaragad,

Korintoanɛ 1 9:2

Onupɛ gɛnɛ anɔkpɛkpɛ mɛinu ɔkɔ babhlatɔ ete tsyɛɛ, inu anɔkpɛkpɛ kɔ wɔnɔ xɔnɔ! Ɔmɔsɛ wɔnɔ onu kɛdɔ̃ gɛ balɔkɔ adã nɛ anɔkpɛkpɛ kɛxɔ̃ɛ gidzì nɛ Apaleteɛ mɛ nulũ.

Petro 1 4:11

Onupɛ anɔ teli aɖɔaɖɔɔ, abhɛtɛ ɛlɛ asɛ anɔ gɛ aɖɔ Owusoso Akaa nɛibui ana. Onupɛ anɔ teli adɛ axɔ̃ɛ, abhɛtɛ ɛlɛ nɛ̀ ohumiɛ gɛ Owusoso Akaa akɔɛ nɔ mɛ, sɛ tɛ̀ nɛ ebui petee mɛɛ, babà kpɛ Owusoso Akaa nɛinye nɛitití ɔganà Yesu Kristo abha. Ishu dadalɛ nɛ̀ ohumi ɔlɛ onu yɛ ɔyɛ odenɔ otsiɛ vɛnɔ tihɔɔ. Amen.

Timoteo 2 2:15

Bhɛtɛ piapii tɛ̀ ɔlɔkɔ wɔ shu ɔkɔ Owusoso Akaa, asɛ anɔ gɛ batɔɖɔ ahɔɛ nɛ yɛabha ana, axɔ̃ɛwɔa gɛ kɛma sɛ tɛ kiwũi yii pɛ enu axɔ̃ɛwɔa gɛ anyanã kibui gbã mɛ ovunɔ piapi.

Koloseanɛ 4:17

Nɔotseɖe Akipo ɔsɛ, “Ɖi ɛlɛ ɔkɔ ɔsɛ ɔwɔa kɛxɔ̃ɛ gɛ ɔyɛkɛ odenɔ Apaleteɛ ɔkɔ obeke.”

Romanɛ 12:3

Nɛ tibhui bhuibuɔ gɛ bakɔ mɛ nulũɔ, itseɖe wɔnɔ ɔmɛ anɔ ka nyia ka asɛ atɛ alɔkɔ yɛishu asɛ yɛadɛ. Nɛ kɛlɛ inye mɛɛ, nɔbhɛtɛ ekpeɖekpeɖe mɛ nɛ ishu esi zhizhinɔ ɛkpã zazãna shu boŋ, tɛ anɔ nyia anɔ ebhui ibui mɛ nɛ tɛyɛyɛkɛŋã nɛidi gɛ nɔyɛkɛ odenɔ Owusoso Akaa akɔ nɔɔ shu.

Romanɛ 1:5

Gana yɛabha, kɛlɛ nɛ yɛinye mɛɛ, bɔmɔ tibhui bhuibu kɛlɛ budzi banɔkpɛkpɛ sɛ tɛ bukulu banɔ odenɔ bagɛ betinu Yudanɛ pete ishi mana batɔ̃ lulũ gɛ bede tɛyɛyɛkɛŋã mɛ.

Banɔkpɛkpɛ Axɔ̃ɛ 18:27

Kibeɛ gɛ Apolo apɛ asɛ tɛ̀ avɛ Axaya, badzya akpɛ yiemi kɛlɛ bafɔnɔ keplukpa asɛsɛ badɔkpasɛnɛ nɛ ɛkɛlɛ asɛ tɛ̀ bayɛkii. Gɛ avɛ edikuɔ, edidzì apɛplɛnɔ akɔ bagɛ bebhui balɛ ebú pɛ bayɛkɛ aŋãa.

Yakobo 3:1

Mɛadzya alɛ mɔ, anɛ ɔnɔ mɛ anɔ ka nyia ka kɛlɛ sɛ yɛalɔkɔ ishu asɛ enu adɔ̃kasɛ, ɔmɔ asɛ kinyeɛ gɛ nonyi ana, bebèkulu ebhu gagalĩ akɔ bɔlɔ agɛ ɛkasɛ ɔdɔ̃ ɔdɛ anɔ nyia anɔ.

Timoteo 1 4:16

Lu awɔ̃ nɛ̀ wɔ ɛkpã nɛ̀ bɔdɔ̃ kakasɛ shu piapii. Kpɛ kemi nɛ bɔlɛ mɛ, ɔmɔsɛ ɔbhɛtɛ ana, obo bu wɔ ishu nɛ bagɛ ɔkasɛ bɔdɔ̃.

Koloseanɛ 1:29

Ɔvɛnɔ kibui ɛlɛ ɔgɔgɔɛ ɔkɔɔ mɛɛtɔ, pɛ ɛwlɔ̃akɛ nɛ̀ yɛohumi nɔ petee, gɛ lɔwɔa axɔ̃ɛ gagalĩi nɛ mɛ mɛ̀.

Romanɛ 15:15

Ɛfɔnɔ ebui gelee kpɛ eplukpa alɛ mɛ nɛ̀ kitèkpɛkpɛ sɛ tɛ iwlui báka ɔnɔ, nɛ tibhui bhuibuɔ gɛ Owusoso Akaa ebhui mɛebuɔ shu,

Kibui Bubú Kasɛ 21:14

Buvũ esikpɛkpɛ egli edi lɔfɔ nɛ̀ taabha babhɔ akɔ ɔma egiliɛ. Kɛlɛ nɛ kɛka nyia aka abhaa, bafɔnɔ Obhoshieyiɛ yɛanɔ kpɛkpɛ lɔfɔ nɛ̀ taabha enyeɛ atɔɖɔ.

Korintoanɛ 2 10:15

Buti tũ ahɔɛ bɔlɔ etelũ falanɔ kifù faanɔ nɛ kɛxɔ̃ɛ gɛ banɔ bhlatɔ awɔa shu. Kɛgɛ buɖi kidzo mɛ kɔ kɛlɛinu ɔsɛ, kibeɛ gɛ wɔnɔ tɛyɛyɛkɛŋã bakpe tɔɖɔɔ, bɔlɔ axɔ̃ɛ wɔawɔa nɛ wɔnɔɛishiɛ tsyɛ banɛɛ tɔɖɔ.

Tesalonikanɛ 1 3:2

Bɔsɛsɛ Timoteo, gɛenu bɔlɔ adzya nɛ̀ Owusoso Akaa axɔ̃ɛwɔa ɔkɔ Kristo yɛibuiɛ tɛkakanà, sɛ tɛ akpɛ wɔnɔ ohumi nɛ̀ tɛ̀ akpɛ wɔnɔ kemi nɛ wɔnɔ tɛyɛyɛkɛŋã mɛ,

Petro 2 3:15

Nɔkɔ kɛzã wɔnɔ ekpeɖekpeɖe mɛ ɔsɛ, Apaleteɛ tɛdɔdɔ fɔ̃ɔ nu tɛyɛyɛkɛ kɔ ɔlɔ, asɛ kana gɛ Paulo bɔlɔ adzya gɛ bɔdɛmɛ nɔ̀ tsyɛ alɔkɔ bubutiɛ gɛ Owusoso Akaa akɔɛ afɔnɔ keplukpa akɔ wɔnɔ nɔ.