Korintoanɛ 1 2:9 - Nyangbo New Testament

⁹ Asɛ kana gɛ bafɔnɔ elu asɛ, “Ebuiɛ gɛ awuhũ nanà akamɔ eɖiɛ, pɛ batɔ̃ eke elũ eɖiɛ, pɛ kɛka ba ananà ekpeɖekpeɖe mɛ tsyɛ eɖiɛ, alɛ Owusoso Akaa abalɛ elu akɔ bagɛ badɛmɛ yɛibuiɛ”

Korintoanɛ 1 2:9 Referans Kwoze

Yakobo 1:12

Bebè yula akɔ anyɛ nɔnɔ gɛ akpɛ emi nɛ yɛtifefekeɖi mɛ, ɔmɔsɛ alàkpɛ emiɛ avɛnɔ adɛtɔ̃ɔ, abayɛkɛ ɛkpã ɛkutuɔ gɛ Owusoso Akaa atɔɖɔ elu akɔ bagɛ adɛmɛ niyɛ.

Romanɛ 8:28

Bunyi nɛ kɛka nyia ka mɛɛ ɔsɛ, Owusoso Akaa abhɛtɛ ɛlɛ kidzi kɛgbangbã ɔkɔ bagɛ adɛmɛ nɛ yɛ, bagɛ alɛ yɛekulu nɛ yɛtɛtɔtɔɖɔ ɔluɔ.

Yakobo 2:5

Mɛdzya alɛ gɛ ɛdɛmɛ nɔ, nɔtɛ atɔ̃ tɛ nolũ. Pɛnɔsɛ anɛ bagɛ beɖì asɛ balɛ enu betsyutsyuiɛ, balɛ Owusoso Akaa xɔnɔ ebú bedzi ehoeyielete nɛ tɛyɛyɛkɛŋã mɛ, kɛlɛ anɛ balɛ abaŋã itití ukusiɛ gɛ atɔɖɔ elu akɔ agɛ adɛmɛ yɛibuiɛ mɔɔ dza?

Hebrianɛ 11:16

Nɛ kɛlɛ nɛinye mɛɛ, baapɛ balɛ ahɔɛ esiakpa gɛ apɛ adɛ gɛ kenu itití ayɛ. Kliso kiwũi tiyi Owusoso Akaa asɛ bezekului asɛ balɛ Owusoso Akaa, ɔmɔsɛ ebhui ɔma hohoe toli elu akɔ alɛ.

Yohanes 1 4:19

Bɔdɛmɛ nɔ, ɔmɔsɛ yɛeputɔ adɛmɛ nɛ bɔlɔ.

Petro 1 1:12

Bebu ɛlɛ akasɛ alɛ sɛ gɛnɛ balɛishu baakpɛ kɛtakpu esi akɔ pɔ wɔ, nɛ kibeɛ gɛ baɖɔaɖɔ nɛ ebuiɛ gɛ bagɛ baɖɔ Owusoso Akaa ibuiɛ etitseɖe wɔnɔ ɔganà Ɔfɔfuĩa Gbangbã gɛ basɛsɛ ɔnɔ odenɔ kititiɛ mɛ. Baxɔ̃ɛdɛ tsyɛ apɛ asɛ tɛ̀ bapɔɛ ebui alɛ mɛ eɖi.