Korintoanɛ 1 2:6 - Nyangbo New Testament

⁶ Bɔkaaɖɔ bubuti ebui alɛ nɛ bagɛ batɛ kpɛ iguɔ nɛishi, pɔ gɛnɛ obo kanɔ alɛ mɛ bubuti alo bagɛ baaŋã bukusì nɛ kalɛ mɛ, gɛ beti bedzi kɛdɔ̃ nanà.

Korintoanɛ 1 2:6 Referans Kwoze

Hebrianɛ 5:14

Banɔ sheshè balɛ aŋã kɛŋaŋã gagalĩ, gɛ bakpala alɛ aganà ebui gelee mɛ soɔ benyi ibui gbangbã nɛ̀ kizizĩ.

Yakobo 3:15

“Bubuti” ɛlɛ nɛidiɛ, anɛ kitití bude ba, pɔ kanɔ mɛ ɔyɛ bunu, gɛ ɔfɔfuĩa ɔma ɔlɛ mɛ, Abosam ɔyɛ ulinu.

Korintoanɛ 2 4:4

Obo kanɔ nɔ̀ ibudiɛ pú awuhũ akɔ bagɛ agɛ yɛkɛ aŋã, sɛ tɛ batɛmɔ tɛdadalɛ gɛlɛ Kristo yɛibuiɛ shu, anɔ gɛ alɛ asɛ Owusoso Akaa ana.

Petro 1 5:10

Kɛlɛ Owusoso Akaa gɛenu tibhui bhuibu eleteɛ petee nɔ, anɔ gɛ yɛekulu wɔnɔ amana Kristo yɛ sameɛ gɛ etibeleɛ mɛɛ, gɛ onupɛ nɔmɔ bɔtɔ̀ ebekeɛ nɛ kibè gulũi lɛ, yɛabàkɔ nɔzã gagalĩi pɛ nɔ otɛbɔ hɔa.

Korintoanɛ 1 2:8

Kanɔ alɛ mɛ beekusi nanà egilũ bɔlɛ esi, ɔmɔsɛ pɛ otɛ ɔsɛ belũ bɔlɛ kesiɛ tsyɛ alo, bagɛ takpalà Apaleteɛ gɛ yɛishu dalɛ nɛ butsi osiɛ shu.

Korintoanɛ 1 1:28

Alɔkɔ bɔdɔ̃ gɛmã kɛnanà mɛ nɛ kanɔ alɛ mɛ pɛ banɔ etie ɖi akpɛ kɛnanà mɛ, nɛ̀ ebuiɛ gɛ legi yi kɛdɔ̃ nanàa, ebù ebuiɛ gɛalɛ eyinɔ,

Koloseanɛ 4:12

Epafrodito gɛenu Kristo Yesu yɛaxɔ̃ɛdɛ pɛ ede wɔnɔ mɛ tsyɛ asɛnɛ wɔnɔ. Alɔkɔ kemi kpɛkpɛ ekulu Owusoso Akaa nɛ wɔnɔ ɛtakpu kibe nyia be, sɛ tɛ nɔzã gagalĩ nɛ Owusoso Akaa tɛpɛpɛ ulũ, asɛ anɔ gɛ nɔoshè pɛ bayɛkɛ ɔnɔ abha aŋã ana.

Efesoanɛ 2:2

gɛ alɛ mɛ nɔtɛ zã oɖi nɛ kibeɛ gɛ nɔkpà tɔnɔ kanɔ nɔ̀ mɛ edzoɔ nɛ̀ agɛ yɛaŋã bukusi nɛ bukusi ɔpã gɛ kpasɛ kɛlɛ́ɛ nɔ mɛ, ɔfɔfuĩa nɔ gɛ lɔɔwɔa axɔ̃ɛ otsiɛ nɛ batɔ̃ gagalĩ eleteɛ mɛ.

Korintoanɛ 2 1:12

Pɔ otsiɛ nɔ butũ kitélũ ɔsɛ, bɔlɔ kitú mɛ ebui etseɖe bɔlɔ ɔsɛ bɔnyãna bɔlɔ shu piapii nɛ kanɔ nɔ̀ mɛ, asɛ kana gɛ bɔkpɛ ɔha nɛ̀ wɔnɔ, nɛ tɛdadalɛ kibui gɛlɛ kɛlɛ ɔzãkɔ tɛɖɔɖɔ kide Owusoso Akaa ɔkɔ. Gɛnɛ kesiakpa abha bubutì bɔlɔkɔ bhɛtɛ ebui alɛ nɔ, pɔ nɛ Owusoso Akaa tibhui bhuibu mɛ boŋ.

Yakobo 3:2

Bɔlɔ pete ɛta esi nɛ ebui gelee mɛ. Onupɛ anɔ teli atɛtà esi nɛ kɛgɛ aɖɔ mɛɛ, kɛlɛ anɔ alɛ ana piapii, kɛlɛ abalà eɖi yɛishu pete tsyɛ abha.

Korintoanɛ 2 13:11

Otsi alɛ mɛ adzya alɛ, ɛshɛ mɔ̃ o. Nɔoɖi kɛgɛ bakɔ nɔbɔ pɛ ɔtɔɖɔ ɔkɔ, nɔolũ mɛibuiɛ gɛ ibisi denɔ wɔnɔ ɔkɔ, nɔzã ekpeɖekpeɖe tenikpo mɛ, nɔzã ishu yɔyɔ mɛ. Kɛlɛ Owusoso Akaa gɛ alɛ ɔkɔ tɛdɛdɛmɛ nɔ nɛ̀ ishu yɔyɔ mɛɛ abazã plɛnɔ wɔnɔ.

Korintoanɛ 1 14:20

Mɛadzya alɛ, nɔyɔlɔ ekpeɖekpeɖe mɛ tɛbhɛbhɛtɛ asɛ bunuvɔɛ ana. Nɛ ebui kpa tɛbhɛbhɛtɛ shu xɔnɔ, nɔzã asɛ bunuvɔɛ ana, pɔ nɛ wɔnɔ ekpeɖekpeɖe bhɛbhɛtɛ mɛ xɔnɔ nɔzã asɛ banɔ sheshè ana.

Korintoanɛ 1 2:13

Ebui alɛ bɔɖɔ, gɛnɛ banɔdzyrame ebui nɛ̀ bubutì balɔkɔ akasɛ bɔlɔ ɔdɔ̃ nɔ, pɔ gana ebuiɛ gɛ Ɔfɔfuĩa nɔ kasɛ bɔlɔ abha, gɛ ladalɛ ɔfɔfuĩa mɛ ebuiɛ gɛ lakpasɛ alɛ mɛ ɔganà ɔfɔfuĩa ebuiɖɔɖɔ mɛ.

Korintoanɛ 1 2:1

Mɛelé alɛ mɔ, gɛba wɔnɔ ɔbha, ɛgɛba asɛ anɔ gɛenyi kaɖɔ ɖɔɖɔ piapii alo asɛ anɔ gɛ yɛ bubutì vɛ otugbà ana, nɛ kibeɛ gɛ itseɖe wɔnɔ ebuiɛ gɛ ɛzɛ mɔ nɛ Owusoso Akaa shu.

Korintoanɛ 1 3:1

Mɛelé alɛ mɔ, ɛtɛɖɔ kaɖɔ ɔkɔ wɔnɔ asɛ ɔfɔfuĩa mɛ anɔ, pɔ asɛ anɔdzyrame ana, asɛ beyì vɔvɔ gɛ akpasɛ Kristo mɛ ana.

Korintoanɛ 1 12:8

Anɔ teli bakɔɛ bubutì kaɖɔɖɔɖɔ ɔganà Ɔfɔfuĩa nɔ mɛ, anɔbhlatɔ tsyɛ bakɔɛ kibuititì ɔganà Ɔfɔfuĩa nɔ mɛ,

Korintoanɛ 2 4:3

Kɛlɛ onupɛ kidzi asɛ badã kibui gbangbã nɔdɔ̃ tsyɛ elo, badã kɛlɛ bɔdɔ̃ ɔkɔ bagɛ balɛ ɛkpã yalaa.

Koloseanɛ 1:28

Bɔɖɔ yɛebuiɛ ɔkanà, kɛlɛ bɔlɔkɔ bubutì petee kpalà anɔ pɛ bɔkasɛ alɛ ɔdɔ̃, sɛ tɛ̀ bɔkɔ aka nyia aka ana nɛ Kristo mɛ.

Hebrianɛ 6:1

Kliso nɔkɔ bɔshɛnɛ ahɔɛ nɛ kesi kpɛkpɛ ɔdɔ̃ kakasɛ nɛ Kristo shuɔ lu, tɛ bushe tɔɖɔ. Nɔtɛ ɔkɔ buwlui zɛkasɛ ɔdɔ̃ nɛ kitú mɛ tsyitsyina ebuiɛ gɛ lagbana anɔ akpɛ butsí mɛɛ shu, nɛ̀ ɔdɔ̃ kakasɛ vɔvɔ nɛ kɛyɛkɛ gɛ bɔba yɛkɛ Owusoso Akaa nabha ɔŋã shu,