Korintoanɛ 1 2:14 - Nyangbo New Testament

¹⁴ Anunɔ gɛ Ɔfɔfuĩa nɔ ma yɛmɛɛ, atɛyɛkɛ ebuiɛ gɛ alɛ ede Owusoso Akaa Ɔfɔfuĩa nɔ mɛ, ɔmɔsɛ lenu kɛwɔaga ibui ɔkɔɛ, kɛlɛ atɛ balà elũ alɛ esi ɔmɔsɛ ɔfɔfuĩa balɔkɔ elũ alɛ esi nɔ.

Korintoanɛ 1 2:14 Referans Kwoze

Korintoanɛ 1 1:18

Butsi osiɛ shu ebuiɛ enu bɔga ebui ɔkɔ bagɛ bayalàa, pɔ bɔlɔ bagɛ baayɛkɛ elu nɛkpã xɔnɔɔ, lɛenu Owusoso Akaa ohumi ɔkɔ bɔlɔ.

Yohanes 1 2:27

Wɔnɔ xɔnɔɔ, bɔbɔ sasara gɛ nɔyɛkɛ odenɔ yɛ mɛɛ kakpasɛ wɔnɔ mɛ. Nɔgɛ pɛ ananà tɛ akasɛ wɔnɔ ɔdɔ̃. Pɔ gɛ yɛɔbɔ sasara kasɛ wɔnɔ bɔdɔ̃ nɛ ebuiɛ petee shu pɛ butinu asɛnɛ bɔdɔ̃ kakasɛɛ, bɔdɔ̃ gɛ bɔbɔ sasara kasɛ wɔnɔɔ, nɔzã yɛ mɛ ana.

Korintoanɛ 1 15:46

Ɔfɔfuĩa mɛ anunɔ egiputɔ ba, pɔ ishupiɛ ɛlɛ putɔ flogo pɛ ɔfɔfuĩa nɔ ba.

Yuda 1:19

Banɔ alɛ balɛ ebù wɔnɔ ɔtɔ, banɔ gɛ batɔnɔ ishupi mɛ ebui ede pɛ Ɔfɔfuĩa nɔ ma balɛ mɛ.

Yakobo 3:15

“Bubuti” ɛlɛ nɛidiɛ, anɛ kitití bude ba, pɔ kanɔ mɛ ɔyɛ bunu, gɛ ɔfɔfuĩa ɔma ɔlɛ mɛ, Abosam ɔyɛ ulinu.

Yohanes 1 2:20

Pɔ nɔmɔ bɔbɔ sasara odenɔ Anɔ Dadalɛ Ɔkɔ, kɛlɛ wɔnɔ petee onyi kibui gbã.

Korintoanɛ 1 15:44

baɖa ɛlɛ asɛ ishudzya ana, pɔ befeke ɛlɛ nɛ ɔfɔfuĩa mɛ. Onupɛ ishudzya lɛɛ, kɛlɛ ɔfɔfuĩa tsyɛ ɔlɛ.

Korintoanɛ 1 2:12

Gɛnɛ ɔfɔfuĩa nɔ gɛode kanɔ nɔ̀ mɛ bɔyɛkɛ, pɔ ɔfɔfuĩa nɔ gɛode Owusoso Akaa ɔkɔ bɔyɛkɛ, sɛ tɛ̀ bulũ kɛgɛ Owusoso Akaa akɔ bɔlɔ kɛbhɛ mabuia mabuia niesi.

Banɔkpɛkpɛ Axɔ̃ɛ 16:14

Balɛ ɔmayɛmɛ tenikpo gɛ azataatɔ̃ nɛ ɔlɔ yɛenu Lidia, anɔ gɛ azadɛ apɔtɛ gɛ layɛkɛ kedzì, pɛ ehoeyi azã yɛahɔɛ pɛ ede Tiatira pɛ enu anɔ gɛ akpɛ kɛtakpu esi akɔ Owusoso Akaa. Apaleteɛ adalɛ yɛ kitúɔ mɛ ɔsɛ tɛ̀ ayɛkɛ Paulo ebui gɛ amana.

Korintoanɛ 1 1:23

pɔ bɔlɔ xɔnɔɔ, Kristoɔ gɛ bakpalà nɛ butsi osiɛ shu nɛibui bɔɖɔ, kibui gɛ kinu kɛdɔ̃ kpakpatà ɔkɔ Yudanɛ pɛ bɔga kibui kinu ɔkɔ bagɛ betinu Yudanɛ xɔnɔ,

Yohanes 1 5:20

Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.

Banɔkpɛkpɛ Axɔ̃ɛ 25:19

Pɔ, ebuiɛ teli gɛ lakpà aplɛnɔ balɛ ɛkɔɔ baza wlɔãkɛ niyɛ, nɛ̀ anyɛ teli gɛetitsí pɛ beekulu yɛasɛ Yesuɔ shu, anɔ gɛ Paulo xɔnɔ aɖɔ asɛ akalɛ nɛkpã.

Banɔkpɛkpɛ Axɔ̃ɛ 18:15

Pɔ gɛ kinu kibui gɛ kɛkpà ɔplɛnɔ ebui, enyè nɛ̀ wɔnɔ ɔsha shu soɔ, nowoese wɔnɔ ahɔɛ ibui, itɛbadzi anɔ gɛ ɛbakulu kebhu nɛ ebui alɛ nɛidi shu.”

Banɔkpɛkpɛ Axɔ̃ɛ 17:32

Gɛ belũ kibuiɛ odenɔ bekpuɔ tɛlɔlɔ shuɔ, beteli amɔ̃ɛ yɛ, pɔ bagɔgɔ xɔnɔ aɖɔ asɛ, “Bɔpɛ ɔsɛ buwlui lũ wɔ kaɖɔ ɖɔɖɔ nɛ kibui ɛlɛ shu kidegba.”

Banɔkpɛkpɛ Axɔ̃ɛ 17:18

Epikoroanɛ teli gɛ beshogò ishu ɔplɛnɔ Stoanɛ teli gɛenu bebutìnɛ abakpà kibui wlɔãkɛ nɛ̀ Paulo. Balɛ mɛ beteli ezebisi yɛasɛ, “Kinuvɔ ibui ɖuwoe idi yɛaɖɔ ana?” Bagɔgɔɔ tsyɛ aɖɔ asɛ, “Abhɛtɛ asɛ aɖɔaɖɔ tɛ alɔkɔ ebu amadi bhlatɔ ibudi ulũ nɔ.” Baɖɔ kibui ɛlɛ ɔmɔsɛ Paulo azaɖɔ kibui gbangbã nɛ Yesu shu, nɛ̀ tɛlɔlɔ odenɔ bekpuɔ mɛ shu.

Korintoanɛ 1 1:21

Nɛ Owusoso Akaa bubuti nulũ soɔ, kanɔ alɛ mɛ gana kalɛ bubutiɛ mɛ betinyi yɛ, bɔwɔaga kibuiɛ gɛ baɖɔ tɛ bebù bagɛ ayɛkɛ aŋã elu nɛkpã ku Owusoso Akaa nɔ awɔ ɔdɛ.

Korintoanɛ 1 1:25

Owusoso Akaa yɛ bɔgadɔdɔ nu bubutì ɔdɛ anɔdzyrame yɛubutì, kɛlɛ Owusoso Akaa tibobotsòɔ gagalĩ ɔdɛ banɔdzyrame ohumi.

Korintoanɛ 1 3:1

Mɛelé alɛ mɔ, ɛtɛɖɔ kaɖɔ ɔkɔ wɔnɔ asɛ ɔfɔfuĩa mɛ anɔ, pɔ asɛ anɔdzyrame ana, asɛ beyì vɔvɔ gɛ akpasɛ Kristo mɛ ana.