Korintoanɛ 1 2:12 - Nyangbo New Testament

¹² Gɛnɛ ɔfɔfuĩa nɔ gɛode kanɔ nɔ̀ mɛ bɔyɛkɛ, pɔ ɔfɔfuĩa nɔ gɛode Owusoso Akaa ɔkɔ bɔyɛkɛ, sɛ tɛ̀ bulũ kɛgɛ Owusoso Akaa akɔ bɔlɔ kɛbhɛ mabuia mabuia niesi.

Korintoanɛ 1 2:12 Referans Kwoze

Yohanes 1 2:27

Wɔnɔ xɔnɔɔ, bɔbɔ sasara gɛ nɔyɛkɛ odenɔ yɛ mɛɛ kakpasɛ wɔnɔ mɛ. Nɔgɛ pɛ ananà tɛ akasɛ wɔnɔ ɔdɔ̃. Pɔ gɛ yɛɔbɔ sasara kasɛ wɔnɔ bɔdɔ̃ nɛ ebuiɛ petee shu pɛ butinu asɛnɛ bɔdɔ̃ kakasɛɛ, bɔdɔ̃ gɛ bɔbɔ sasara kasɛ wɔnɔɔ, nɔzã yɛ mɛ ana.

Yohanes 1 2:20

Pɔ nɔmɔ bɔbɔ sasara odenɔ Anɔ Dadalɛ Ɔkɔ, kɛlɛ wɔnɔ petee onyi kibui gbã.

Romanɛ 8:1

Otsiɛ alɛ, kɛpɔ bubu nanà ma ɔkɔ bagɛ alɛ Kristo Yesu mɛ,

Korintoanɛ 2 4:4

Obo kanɔ nɔ̀ ibudiɛ pú awuhũ akɔ bagɛ agɛ yɛkɛ aŋã, sɛ tɛ batɛmɔ tɛdadalɛ gɛlɛ Kristo yɛibuiɛ shu, anɔ gɛ alɛ asɛ Owusoso Akaa ana.

Yakobo 4:5

Pɛnɔsɛ noɖi ɔsɛ kibui ete ko baɖɔ elu nɛ Kibui fɔfɔnɔ luuɔ mɛ ɔsɛ, yɛɔfɔfuĩa nɔ gɛ akɔ asɛ lɔzã ɔlɔ mɛɛ ɔwlɔãkɛ abhã gagalĩi.

Romanɛ 8:32

Owusoso Akaa alɛ gɛ agɛkɔ ɛtakpu asɛ atɛ ashɛnɛ ahɔɛ nɛ Yɛeyiɛ shu, pɔ ashɛnɛ ahɔɛ nɛ yɛishu akɔ ɔlɔ petee nɔ, kiɖeso pɛ atɛ alɔkɔ bɔdɔ̃ pete tsyɛ aplɛnɔ akɔ ɔlɔ nɛ̀ sameɛ dza?

Kibui Bubú Kasɛ 22:6

Axɔ̃ɛdɛ etseɖe mɛasɛ, “Ebui alɛ, lalɛ alɛ ɔzãkɔ kɛlɛ lɛenu ebui igbã. Apalete, Owusoso Akaa gɛenu ɛfɔfuĩa ɔkɔ ebuiɖɔluanɛ, yɛasɛsɛ yɛaxɔ̃ɛdɛ asɛ tɛ akasɛ bagɛ adɛ yɛaxɔ̃ɛ ebui nɔnɔ gɛ ababà alɛ mɛ gulũi nɔ.”

Korintoanɛ 1 3:22

onupɛ edzi asɛ Paulo, Apolo pɛnɔsɛ Kefa tsyɛɛ, kanɔ mɛ alo ɛkpã alo butsí alo obo kanɔ nɔ̀ pɛnɔsɛ kagɛ kabàa, bɔlɛ petee wɔnɔ ɔyɛ bunù,

Efesoanɛ 2:2

gɛ alɛ mɛ nɔtɛ zã oɖi nɛ kibeɛ gɛ nɔkpà tɔnɔ kanɔ nɔ̀ mɛ edzoɔ nɛ̀ agɛ yɛaŋã bukusi nɛ bukusi ɔpã gɛ kpasɛ kɛlɛ́ɛ nɔ mɛ, ɔfɔfuĩa nɔ gɛ lɔɔwɔa axɔ̃ɛ otsiɛ nɛ batɔ̃ gagalĩ eleteɛ mɛ.

Korintoanɛ 1 2:6

Bɔkaaɖɔ bubuti ebui alɛ nɛ bagɛ batɛ kpɛ iguɔ nɛishi, pɔ gɛnɛ obo kanɔ alɛ mɛ bubuti alo bagɛ baaŋã bukusì nɛ kalɛ mɛ, gɛ beti bedzi kɛdɔ̃ nanà.

Korintoanɛ 1 1:27

Pɔɔ Owusoso Akaa alɔkɔ bɔga dɔdɔ ebuiɛ nɛ kanɔ nɔ̀ mɛ sɛ tɛ̀ alɔkɔ akpɛ bebutinɛ nawuĩ nɔ. Owusoso Akaa alɔkɔ bɔdɔ̃ gɛ bubotsoɔ akpɛ bɔgagalĩ nawuĩ nɔ.

Kibui Bubú Kasɛ 12:9

Balɔkɔ kɛtsɔpɛ hohoeɛ awɔanyã akpɛ esiakpa, eblidzya alɛ gɛ bekulu asɛ Abosam alo Satana pɛ agbana kanɔ nɔ̀ pete aganà kidzo kpa abhaa, balɔkɔ yɛ nɛ̀ yɛaxɔ̃ɛdɛ awɔanyã akpɛ esiakpa.