Korintoanɛ 1 2:1 - Nyangbo New Testament

¹ Mɛelé alɛ mɔ, gɛba wɔnɔ ɔbha, ɛgɛba asɛ anɔ gɛenyi kaɖɔ ɖɔɖɔ piapii alo asɛ anɔ gɛ yɛ bubutì vɛ otugbà ana, nɛ kibeɛ gɛ itseɖe wɔnɔ ebuiɛ gɛ ɛzɛ mɔ nɛ Owusoso Akaa shu.

Korintoanɛ 1 2:1 Referans Kwoze

Korintoanɛ 1 1:17

Ɔmɔsɛ Kristo agɛkpɛ mɛasɛ tɛ̀ ɛdɛkpɛ bulĩ, pɔ tɛ̀ mɛdɛɖɔ kibui gbangbãa, gɛnɛ nɛ anɔdzyrame yɛ bubuti mɛ, onu gɛnanaa, Yesu butsi osiɛ ohumi nɔma kɛnanà mɛ.

Korintoanɛ 1 2:13

Ebui alɛ bɔɖɔ, gɛnɛ banɔdzyrame ebui nɛ̀ bubutì balɔkɔ akasɛ bɔlɔ ɔdɔ̃ nɔ, pɔ gana ebuiɛ gɛ Ɔfɔfuĩa nɔ kasɛ bɔlɔ abha, gɛ ladalɛ ɔfɔfuĩa mɛ ebuiɛ gɛ lakpasɛ alɛ mɛ ɔganà ɔfɔfuĩa ebuiɖɔɖɔ mɛ.

Korintoanɛ 1 2:4

Mɛ ebuiɛ gɛ ɛɖɔ nɛ Owusoso Akaa shuɔ, etinu bubutì nɛ̀ ebui gɛ batɛ elũ alɛ esi, pɔ lenu ebui gɛ Owusoso Akaa Ɔfɔfuĩa nɔ ohumi nɔ obu ɔkasɛ,

Timoteo 2 1:8

Kliso tɛkɔ kiwũi yi wɔ nɛ Apaleteɛ nɛibuiɛ tɛɖɔɖɔ shu, alo tɛ kiwũi yi wɔ nɛ mɛ ɔɖavũɔ mɛ gɛ ɛkpasɛ shu. Pɔ plɛnɔ mɛ nɛ bɔtɔ gɛ ɛmɔ nɛ kibui gbangbã shu, nɛ Owusoso Akaa ohumi nɔ shu,

Romanɛ 16:18

Ɔmɔsɛ banɔ alɛ nɛidiɛ, anɛ bɔlɔ Apalete Kristo anɔkpɛkpɛ benu, balɛ evũ shu axɔ̃ɛ baadɛ. Balɔkɔ ebui dzyɛdzyɛ nɛ̀ banɔ balɛ enye kpɛkpɛ nɛitití, pɛ balɔkɔ awɔɛ banɔ gɛ batɛ abhɛtɛ ekpeɖekpeɖe mɛ nɛ kibuiɛ shuɔ nɔ.

Korintoanɛ 2 11:6

Itinu anɔ gɛ kpasɛ kaɖɔ ɖɔɖɔ piapii, pɔ kibuititì xɔnɔ lɛ mɛahɔɛ. Bɔkɔ sɛ kibui ɛlɛmɛ dalɛ̃ kɔ wɔnɔ piapii nɛ kidzo ka nyia ka abha.

Kibui Bubú Kasɛ 1:2

Yohanes adalɛ kɛka nyia ka mɛ gɛ amɔɔ, gɛinu Owusoso Akaa ibuiɛ nɛ̀ Yesu Kristo yɛishu dadalɛ shu.

Yohanes 1 4:14

Kɛlɛ bɔmɔ pɛ bɔɖɔ kaɖɔ dalɛ kɛlɛ shu sɛ, Akaa yɛakpɛ Yɛeyiɛ sɛ tɛ̀ abayɛkɛ akɔ kanɔ nɔ̀ mɛ.

Tesalonikanɛ 2 1:10

nɛ kiwui ɛlɛ nabha gɛ ababaa sɛ tɛ badalɛ yɛishu nɛ yɛ banɔ dadalɛ nɛishiɛ, nɛ̀ tɛ yɛibui bhɛtɛ bagɛ ayɛkɛ yɛabha ŋã pete nɛibì. Wɔnɔ tsyɛ ɔkpasɛ ɛlɛ mɛ, ɔmɔsɛ nɔyɛkɛ kibuiɛ gɛ bɔmɔlú pɛ butseɖe wɔnɔ nabha ɔŋã.

Korintoanɛ 1 1:6

ɔmɔsɛ ebuiɛ gɛ bɔɖɔ nɛ Kristo shuɔ awɔɛ nɛ wɔnɔ ɛkpã mɛ.

Banɔkpɛkpɛ Axɔ̃ɛ 22:18

kɛlɛ ɛmɔ Apaleteɛ yɛaɖɔaɖɔ etseɖe mɛ. Aɖɔ asɛ ‘Hɔa! Shɛ nɛ Yerusalem otsiɛ tsiɔ, ɔmɔsɛ batɛ bayɛkɛ wɔɛbuiɛ gɛ ɔbɔɖɔ nɛ mɛishuɔ.’

Banɔkpɛkpɛ Axɔ̃ɛ 20:21

Ɛdalɛ kɛlɛ mɛ ɔkɔ Yudanɛ nɛ̀ Helanɛ ɔsɛ tɛ betsyina atɔnɔ Owusoso Akaa nɛ̀ balɛ etúɔ tɛ̀ bayɛkɛ Apalete Yesu abha aŋã.

Kibui Bubú Kasɛ 19:10

Nɛ yɛibui ɛlɛ shuɔ, idzu ekluisi esi sɛ tɛ mɛkpɛ ɛtakpu esi kɔɛ, pɔ etseɖe mɛasɛ, “Tɛbhɛtɛ ibui ɛlɛ! Wɔhagbo axɔ̃ɛdɛ mɛinu plɛnɔ wɔ, ɔlɔkɔ ɔplɛnɔ wɔadzya alɛ gɛ baɖɔaɖɔ adalɛ Yesu shuɔ. Kpɛ ɛtakpu esi ɔkɔ Owusoso Akaa! Ɔmɔsɛ ebuiɛ gɛ baɖɔ adalɛ Yesu shuɔ alɛ enu ɔfɔfuĩa mɛ ebui gɛ baɖɔ eluɔ.”

Kibui Bubú Kasɛ 1:9

Mɛ, wɔnɔ adzya Yohanɛs, gɛ bɔzã itsu nɛ bɔtɔ mɛ pɛ bɔkpɛ emi, dɔ fɔ̃ɔ ɔkɔ bukusiɛ gɛinu ɔlɔ ɔyɛ ɔgana Yesu mɛ, ɛzã Patmo bulĩetukpɔ nabha, nɛ Owusoso Akaa ibuiɛ gɛ ɛɖɔ dalɛ Yesu shu so.

Timoteo 1 1:11

ɔsha gɛ lɔbhɛtɛ tenikpo nɛ̀ Owusoso Akaa gɛ beyulà yɛibui gbangbã, kibui gɛ alɔkɔ akpɛ mahɔɛ mɛ.

Korintoanɛ 2 10:10

Ɔmɔsɛ beteli aɖɔ asɛ, “Bupù kpasɛ yɛ buplukpa mɛ kɛlɛ butũ kibui ɔkpɛ banɔ ulũ, pɔ nɛ yɛɔkɔɔ xɔnɔ atɛ akpɛ̀ banɔ kemi kɛlɛ yɛebuiɖɔɖɔ tsyɛ atɛ avɛ ɔkɔ nanà.”

Romanɛ 16:25

Anunɔ gɛ yɛalà ayɛkɛ wɔnɔ edzu nɛ ɛkpã ɔgana Kibui Gbangbã gɛ ɛkasɛ ɔnɔ mɛ nɛ Yesu Kristo shu, nɛ̀ kibu gɛ bebu ebui kpukpũɔ gɛ lalɛ alɛ ɔzãkɔ odenɔ kuku ibeɛ,

Korintoanɛ 1 2:7

Oo, Owusoso Akaa bubutiɛ gɛ bukpũɔ shu bɔɖɔ kaɖɔ, bubutìɛ gɛ bekpũ bɔlɛ pɛ Owusoso Akaa abalɛ elú akɔ bɔlɔ shu dadalɛ flogo pɛ kanɔ nɔ̀ abakpɛ kesi.