Korintoanɛ 1 16:16 - Nyangbo New Testament

¹⁶ ɔsɛ tɛ̀ nɔkpɛ kɛtakpu esi asɛ banɔ alɛ nɛidi nɛ̀ anɔ aka nyia aka tsyɛ gɛ afala eku kɛxɔ̃ɛ wɔawɔa ɛlɛ mɛ pɛ aatɔ nɛ ɛlɛ shuɔ.

Korintoanɛ 1 16:16 Referans Kwoze

Hebrianɛ 13:17

Nolũ atɔ̃ ɔkɔ bagɛ alɛ̀ ɔnɔ lũɔ, tɛ nɔkpɛ ɛtakpu esi ɔkɔ alɛ gɛ balɛ eɖi wɔnɔ abha, pɛ balɛ enu banunɔ gɛ babàkɔ akɔnta nɛ wɔnɔ shuɔ. Nolũ atɔ̃ nɛ alɛ, sɛ tɛ balɛ ɛxɔ̃ɛ wɔawɔa etsyina edzi same ibui, pɔ nɔtɛkpɛ bɔtɔ gɛ tɛba mana ɔnɔ ibui gbangbã nanà nɔ.

Tesalonikanɛ 1 5:12

Bɔlɔ adzya alɛ mɔ, otsiɛ alɛ bubisi denɔ wɔnɔ ɔkɔ ɔsɛ tɛ, nozhinɔ ishu esi ɔkɔ bagɛ awɔa axɔ̃ɛ gagalĩ nɛ wɔnɔɛshi, pɛ bagbanà nɔ nɛ Apalete nɛinye mɛ pɛ behu buluhũ akɔ ɔnɔ.

Yohanes 3 1:8

Kɛlɛ ɔsɛ bɔbhɛtɛ̀ ɛyamɛ gbangbã ɔkɔ banyɛ alɛ nɛidi sɛ tɛ̀ bɔwɔa axɔ̃ɛ kpɛitsù ɔkɔ kibui gbã.

Kibui Bubú Kasɛ 2:3

Inyi ikpɛ gɛ ɔkpɛ emi nɛ̀ ilu gɛ olu itú esi nɛ bɔtɔ mɛ gɛ ɔgã nɛ mɛtakpu, pɔ ɔgɛkɔ ɛtakpu.

Petro 1 5:5

Bayisɔ̃ mɔ, nɛ kidzo ɛlɛ nabha wɔnɔ tsyɛ nɔozhinì wɔnɔ ishu esi ɔkɔ bagɛ eshè adɛ ɔnɔ. Wɔnɔ petee nɔozhinì ishu esi ɔkɔ bagɔlɔ, ɔmɔsɛ, “Owusoso Akaa alɔɛtití nɛ bagɛ beefeke balɛishuɔ shu pɛ ebhui bagɛ bezhinì balɛ ishu esiɛ xɔnɔ ebú.”

Hebrianɛ 6:10

Owusoso Akaa etinu asɛnɛ elete, pɛ abadzɛkɛ wɔnɔ axɔ̃ɛ wɔawɔa nɛ̀ wɔnɔ tɛdɛdɛmɛ nɔ nɛ̀ banɔ gɛ nobu ɔkasɛ ɔgana nɛ tɛpɛplɛnɔɔ gɛ nɔkɔ yɛaxɔ̃ɛwɔa. Gɛ notsiɖi ɛlɛ abha ɔkɔ yɛanunɔ tɛpɛplɛnɔ ɔmana otsiɛ.

Timoteo 1 5:17

Besheshèɛ gɛ beɖì ɔhaa nabha, kɛshɔnɔ ɔsɛ balɔkɔ kɛtakpu esi kpɛkpɛ gbangbã tili idi akɔ alɛ, asɛ banunɔ gɛ balɛxɔ̃ɛ wɔawɔa kɛlɛinu kibuiɛ tɛɖɔɖɔ nɛ̀ kɛlɛ tɛkakasɛ.

Tesalonikanɛ 1 2:9

Mɛ adzya alɛ mɔ, kibui gbã, bɔtɔ nɛ ɛkpã zazãna gɛ gagalĩ ɔkɔ bɔlɔ, bɔwɔa axɔ̃ɛ elishi nɛ̀ kemuze sɛ tɛ butidzi bɔtɔ ɔkɔ ananà gɛ onupɛ bɔɖɔ Owusoso Akaa kibuiɛ tseɖe wɔnɔ.

Tesalonikanɛ 1 1:3

Butsiɖi ɛlɛ abha bakà wɔnɔ nɛ bɔlɔ Owusoso Akaa namɛ, anɔ gɛenu bɔlɔ Akaa nɛ wɔnɔ kɛxɔ̃ɛ wɔawɔa gɛ mana tɛyɛyɛkɛŋã shu, wɔnɔ bɔtɔ mana tɛdɛdɛmɛ nɔ, nɛ̀ wɔnɔ kemi kpɛkpɛ gɛ mana ohumi kpɛkpɛ nɛ bɔlɔ Apalete Yesu Kristo mɛ.

Filipianɛ 4:3

Ee, kɛlɛ ibisi odenɔ wɔnɔ agɛ onu mɛ ɔhagbo axɔ̃ɛwɔa ɔkɔ ɔsɛ tɛ, nɔ plɛnɔ badzɛ alɛ gɛ gɛazã aplɛnɔ mɛ gagalĩi nɛ kibui gbangbã axɔ̃ɛ wɔawɔa mɛ, ɔlɔkɔ plɛnɔ Klemens nɛ̀ mɛ ɔhagbo axɔ̃ɛwɔa gɔgɔɛ nɔ, gɛ balɛ inyeɛ kpasɛ ɛkpã eplukpa mɛ.

Efesoanɛ 5:21

nɔkpɛ kɛtakpu esi ɔkɔ agɔlɔ tɛ nɔlɔkɔ kpɛ bagɔlɔ same ɔkɔ Kristo.

Korintoanɛ 1 12:28

Kɛlɛ nɛ ɔhaa mɛ tsyɛ, Owusoso Akaa eputɔ ebu banɔkpɛkpɛ, babhalà balɛenu ebuiɖɔluanɔ, batramɛ balɛenu badɔkasɛ, flogo pɛ bagɛ abhɛtɛ̀ ebui gɛ abhɛtɛ̀ ibì, ɔplɛnɔ bagɛ bɔnyã bubu nɛ̀, baagɛ aplɛnɔ banɔ, bagɛ bazã banɔ ulũ nɛ̀ bagɛ behu beluhũ vɔvɔ.

Korintoanɛ 1 3:9

Ɔmɔsɛ bɔlɔ nyɔ̃ɔ nu Owusoso Akaa kɛxɔ̃ɛ tinikpo awɔawɔa, kɛlɛ wɔnɔ onu Owusoso Akaa yɛɔyà, nɛ yɛ̀ buvũɔ.

Romanɛ 16:12

Sɛnɔ Trifaena nɛ̀ Trisofa gɛ benu banunɔ gɛ bazadɛ axɔ̃ɛ akɔ Apaleteɛ. Sɛnɔ mɛɔbhia Persis, anɔ gɛ akpɛ emi nɛ Apalete nɛxɔ̃ɛ wɔawɔa mɛ.

Romanɛ 16:9

Sɛnɔ Urbano, anunɔ gɛ azadɛ Kristo axɔ̃ɛ nɛ̀ mɛ, nɛ̀ Staxis anunɔ gɛ ɛdɛmɛ nɔɔ.

Romanɛ 16:6

Sɛnɔ Maria, gɛ edzi anunɔ gɛ azawɔa axɔ̃ɛ nɛ̀ kemikpɛkpɛ akɔ ɔnɔ.

Romanɛ 16:3

Nɔsɛnɔ Priskila nɛ̀ Akwila, mɛaxɔ̃ɛdɛ ɔhagbo alɛ nɛ Yesu Kristo mɛ.

Hebrianɛ 13:24

Nɔsɛnɔ bagɛ agbana ɔnɔ nɛ̀ Owusoso Akaa anɔ petee. Bagɛ bede Italia aba pete asɛnɔ ɔnɔ.