Korintoanɛ 1 16:13 - Nyangbo New Testament

¹³ Nɔoɖi wɔnɔ shu abha piapii, nɔzã gagalĩ nɛ tɛyɛyɛkɛŋã mɛ, nɔodzi banyɛ gɛ bakpɛ̀ kemi, nɔzã gagalĩ.

Korintoanɛ 1 16:13 Referans Kwoze

Efesoanɛ 6:10

Gɔgɔɛ nɔ, nɔzã gagalĩ nɛ Apaleteɛ mɛ, nɛ̀ yɛohumi nɔ gɛɔdɛ.

Korintoanɛ 1 15:58

Klisoɔ, mɛadzya alɛ mɔ, nɔzã gagalĩ. Nɔtɛkɔ kɛnanà tii wɔnɔ. Nɔlɔkɔ wɔnɔ ishu petee ɔkɔ Apalete nɛxɔ̃ɛ wɔawɔa, ɔmɔsɛ nɔonyi ɔsɛ wɔnɔ kɛxɔ̃ɛ wɔawɔa ɔkɔ Apaleteɛ tɛbàdzì kɛlɛɛ etee.

Galatianɛ 5:1

Ishu ahɔɛmɛ zazã shu so pɛ Kristo akɔ ɔlɔ ishu ahɔɛmɛ zazã. Kliso nɔzã gagalĩi, kɛlɛ nɔtɛ ɔkɔ kɔ ɔwɔ̃nyɔnɔ zã wɔnɔ mɛ nɛ banɔ dzidzi ɛkɔɔ shu.

Filipianɛ 4:13

Ɛba là bhɛtɛ kɛka nyia ka ɔganà agɛ yɛakɔ mɛ ohumi nɔ abha.

Tesalonikanɛ 2 2:15

Klisoɔ, mɛadzya alɛ mɔ, nɔzã gagalĩi nɛ bɔdɔ̃ kakasɛ gɛ bɔlɔkɔ kpɛ wɔnɔ ahɔɛ mɛ, onupɛ kizidzì olugbũ mɛibui alo keplukpa fɔfɔnɔ mɛ tsyɛ.

Filipianɛ 1:27

Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã

Petro 1 5:8

Nɔŋã wɔnɔ ishu abha tɛ̀ nɔzã nɛ̀ awɔ. Agɛ atɛadɛmɛ wɔnɔ ɛbui gɛenu abosamuɔ aafala asɛ dzata gɛ aadzɔ̀ pɛ apɛ anɔ asɛ tɛ̀ evũ atã.

Filipianɛ 4:1

Mɛadzya alɛ mɔ, wɔnɔ agɛ ɛdɛmɛ nɔ pɛ ɛpɛ ɔnɔ amɛ sɛ mɔ, wɔnɔ agɛ onu mɛ same nɛ̀ kabha ŋaŋã ikutu, kana kɛlɛ sɛ nɔzã gagalĩi nɛ Apaleteɛ mɛ, mɛ ɔbhia alɛ gɛ ɛdɛmɛ nɔ!

Tesalonikanɛ 1 3:8

Otsiɛ nɔ bɔlɛ nɛkpã gɛ nodzi gagalĩ nɛ Apaleteɛ mɛ so.

Timoteo 2 4:7

Ɛta keyu gbangbã, ibu tɛtsɛɖɛ mɛ beke, ɛnyana mɛ tɛyɛyɛkɛŋã mɛ vunɔ.

Korintoanɛ 2 1:24

Gɛnɛ sɛ buutũ kɛlɛ kpɛ wɔnɔ ulũ ɔsɛ nɔyɛkɛ ɔŋã, pɔ bɔwɔa axɔ̃ɛ plɛnɔ wɔnɔ ɔkɔ wɔnɔ samè mɔmɔ, ɔmɔsɛ tɛyɛyɛkɛŋã kɛlɛ bakɔ ɔsɛ tɛ nɔzã gagalĩ.

Koloseanɛ 4:2

Nɔzã ɛlɛ abha tɛ nozo kulu Owusoso Akaa, nɔzã nɛ̀ awɔ̃ tɛ̀ nɔ ozohu ahɔɛ.

Petro 1 4:7

Ebuiɛ petee alɛ ɔtɔ̃kɔ tso ɔbà. Klisoɔ nɔkɔ wɔnɔ ekpeɖekpeɖeɛ mɛ adalɛ tɛ nɔŋã wɔnɔ ishu abha sɛ tɛ̀ nɔlà okulu Owusoso Akaa.

Timoteo 1 6:12

Bu tɛyɛyɛkɛŋã tɛtsɛɖɛ gbangbã mɛ. Nyana kanɔ tihɔɔ ɛkpã mɛ ovunɔ, agɛ alɛ shu bekulu wɔ nɛ kibeɛ gɛ ɔdalɛ ishumɛ nɛ banɔ kpekpèɛ gɛ bazã mɔ ebuiɛ namɛ.

Korintoanɛ 1 14:20

Mɛadzya alɛ, nɔyɔlɔ ekpeɖekpeɖe mɛ tɛbhɛbhɛtɛ asɛ bunuvɔɛ ana. Nɛ ebui kpa tɛbhɛbhɛtɛ shu xɔnɔ, nɔzã asɛ bunuvɔɛ ana, pɔ nɛ wɔnɔ ekpeɖekpeɖe bhɛbhɛtɛ mɛ xɔnɔ nɔzã asɛ banɔ sheshè ana.

Koloseanɛ 4:12

Epafrodito gɛenu Kristo Yesu yɛaxɔ̃ɛdɛ pɛ ede wɔnɔ mɛ tsyɛ asɛnɛ wɔnɔ. Alɔkɔ kemi kpɛkpɛ ekulu Owusoso Akaa nɛ wɔnɔ ɛtakpu kibe nyia be, sɛ tɛ nɔzã gagalĩ nɛ Owusoso Akaa tɛpɛpɛ ulũ, asɛ anɔ gɛ nɔoshè pɛ bayɛkɛ ɔnɔ abha aŋã ana.

Timoteo 2 2:1

Wɔ, mɛeyianyɛ, zã gagalĩi nɛ tibhui bhuibuɔ gɛ kpasɛ Kristo Yesuɔ mɛ.

Koloseanɛ 1:23

onupɛ nɔzã ɛlɛ abha nɛ ɔnɔ tɛyɛyɛkɛŋã mɛ, pɛ nɔodzi gagalĩ, pɛ nɔgɛ shɛ nɛ wɔnɔ kidzo mɛ ɖiɖiɛ gɛlɛ kibui gbangbã mɛ shu. Kibui gbangbã ɛlɛ gɛ nɔolũɔ baɖɔ etseɖe kɛdɔ̃ bhɛbhɛtɛ ka nyia ka gɛ lɛ kitití niesi, pɛ kɛlɛ shu mɛ Paulo badzi axɔ̃ɛdɛ ɔkɔɔ.

Tesalonikanɛ 1 5:6

Klisoɔ, nɔtɛkɔ bɔzã asɛ bagɔgɔ̃ gɛ adɔ taɖa, pɔ nɔkɔ bɔzã nɛ awɔ̃ tɛ bɔnyana ishu ovunɔ.

Efesoanɛ 3:16

Ikulu Owusoso Akaa asɛ odenɔ yɛ ehoeyi ɔdɔ̃ dadalɛ mɛɛ, tɛ akɔ nɔ gagalĩ nɛ̀ yɛohumi nɔ ɔgana yɛ Ɔfɔfuĩa nɔ gɛ ɔlɛ ɔnɔ mɛ,

Kibui Bubú Kasɛ 16:15

“Ɖio, ɛba ɔmɔ asɛ ezĩ ana! Beyula anunɔ gɛ alɛ nɛ awɔ̃, pɛ alɔkɔ yɛɔdɔ̃ kpɛkpɛ elu yɛɔbha sɛ tɛ atɛzã bɔdɔ̃ makpɛ makpɛ, sɛ tɛ etibu yɛishu elu nɛ awuĩ mɛ.”

Timoteo 2 4:5

Pɔ wɔ xɔnɔɔ, zã gagalĩi nɛ kɛka nyia ka mɛ, kpɛ emi nɛ ebui gagalĩ mɛ, wɔa kɛxɔ̃ɛ asɛ anɔ gɛ akanà kibuiɛ ana, wɔa axɔ̃ɛ petee ɔkɔ wɔ ɔhaa.