Korintoanɛ 1 16:1 - Nyangbo New Testament

¹ Otsiɛ nɛ bɔdɔ̃yɛyɛkɛ ɔkɔ Owusoso Akaa nɔ shuɔ. Nɔbhɛtɛ kɛgɛ itseɖe Galiatia ɔhaa asɛ babhɛtɛ̀.

Korintoanɛ 1 16:1 Referans Kwoze

Yohanes 1 3:17

Onupɛ kanɔ mɛ ɔdɔ̃ lɛ anɔ teli ahɔɛɛ pɛ amɔ asɛ yɛadzya apɛ ɛdɔ̃ɔ pɛ egibì yɛ ashagabuiɛ, kɛlɛ́ Owusoso Akaa tɛdɛdɛmɛ nɔ baza yɛ mɛ̀ dza?

Romanɛ 12:13

Nɔplɛnɔ ɔhamɛeyi nɔnɔ́ gɛ kɛdɔ̃ nanà ma yɛahɔɛ. Nɔzã ɛyamɛ gbangbã tɛbhɛbhɛtɛ abha ɔkɔ befu.

Galatianɛ 2:10

Kɛgɛ bebisi odenɔ bɔlɔkɔ kɛlɛinu ɔsɛ tɛ bɔzã ɛlɛ abha tɛ bɔzɛ bakà betsyuitsyuiɛ tsyɛ, kibuiɛ gɛ ɛlɛ mɛpɛ ɔsɛ tɛ ɛbhɛtɛɛ.

Banɔkpɛkpɛ Axɔ̃ɛ 24:17

“Gɛ agɔ kpekpè teli abafalaa, ɛba Yerusalem ɔsɛ tɛ ɛbakɔ betsyuitsyuiɛ bɔdɔ̃, nɛ̀ tɛ ɛlɔkɔ tuli tsyɛ kpɛ ahɔɛ asɛ bɔdɔ̃ kɔkɔ.

Filimon 1:7

Wɔ tɛdɛdɛmɛ nɔ kɔ mɛ mɔ same gbagbla nɛ̀ kemi kpɛkpɛ, ɔmɔsɛ wɔ, asɛ adzya ana, ɔkɔ sɛ bagɛ ayɛkɛ aŋãa etúɔ mɛ etsyina edzì avɔvɔ.

Filimon 1:5

ɔmɔsɛ ilũ wɔ tɛyɛyɛkɛŋã nɛ Apalete Yesu abha nɛ̀ wɔtɛdɛdɛmɛ nɔ ɔkɔ bagɛ ayɛkɛ yɛabha aŋãa petee nɔ.

Hebrianɛ 6:10

Owusoso Akaa etinu asɛnɛ elete, pɛ abadzɛkɛ wɔnɔ axɔ̃ɛ wɔawɔa nɛ̀ wɔnɔ tɛdɛdɛmɛ nɔ nɛ̀ banɔ gɛ nobu ɔkasɛ ɔgana nɛ tɛpɛplɛnɔɔ gɛ nɔkɔ yɛaxɔ̃ɛwɔa. Gɛ notsiɖi ɛlɛ abha ɔkɔ yɛanunɔ tɛpɛplɛnɔ ɔmana otsiɛ.

Banɔkpɛkpɛ Axɔ̃ɛ 11:30

Kɛgɛ babhɛtɛ kɛlɛinu ɔsɛ, basɛsɛ besheshèɛ bɔdɔ̃ ɔganà Barnaba nɛ̀ Saulo abha.

Banɔkpɛkpɛ Axɔ̃ɛ 16:6

Paulo nɛ̀ yɛɔbhia alɛ azagã kidzo fala nɛ Frigia nɛ̀ Galatia, pɔ Ɔfɔfuĩa Gbangbã gɛkɔ balɛ kidzo asɛ baɖɔ kibui gbangbã nɛ Asia bɔdɔ̃ mɛ.

Galatianɛ 1:2

nɛ̀ ɔhamɛ anunɔ petee gɛ alɛ mɛɔbhaa, Bɔlɔ sɛsɛ keplukpa alɛ nɛ Galatia ɔha mɛ.

Banɔkpɛkpɛ Axɔ̃ɛ 18:23

Gɛ azã Antioxia odiyinɔ kibè tiliɛ, Paulo azagã kidzo edenɔ ɛkɛlɛ pɛ azakanà nɛ Galatia nɛ̀ Frigia bɔdɔ̃ petee mɛ pɛ akpɛ badɔkpasɛanɛ petee kemi.

Banɔkpɛkpɛ Axɔ̃ɛ 11:28

Balɛ ɔmayɛmɛ tenikpo gɛ bezekulu asɛ Agaboɔ, abalɔɛtití, kɛlɛ ɔgana Ɔfɔfuĩa nɔ mɛɛ, aɖɔ elú asɛ bɔbhɛ gagalĩ tuli badɔ nɛ Roma kɛmadiɛ petee mɛ. (Kibui ɛlɛ ba ɛlɛ mɛ nɛ Klauda bukusi ŋãbe.)

Banɔkpɛkpɛ Axɔ̃ɛ 9:41

Petro anyana yɛahɔkpɔɔ, pɛ aplɛni yɛalɔ azã yɛtsɛɖɛ nabha. Kɛlɛ ekulu bayɛyɛkɛŋã nɛ̀ bavɛvɛ edzini alɛ pɛ alɔkɔɛ akpɛ ahɔɛ akɔ alɛ enunù.

Banɔkpɛkpɛ Axɔ̃ɛ 9:13

Anania ebuiliulũ asɛ, “Apalete, bakɔ mɛ tititì gelee nɛ anyɛ alɛ shu, nɛ̀ bɔdɔ̃ gɛ ezĩ nɛ banɔ dadalɛ shu nɛ Yerusalemuɔ.

Korintoanɛ 1 4:17

Nɛ kibui ɛlɛ shuɔ ɛsɛsɛ Timoteo nɛ wɔnɔ ɔkɔ, mɛ eyianyɛ gɛ ɛdɛmɛ nɔ, anɔ gɛ abhɛtɛ kibui gɛlɛ ɛlɛ ɔzãkɔ nɛ Apaleteɛ mɛ. Yɛaba abaka wɔnɔ nɛ kɛzã gɛ ɛzã nɛkpã nɛ Kristo Yesu mɛ, gɛ kɛshɔnɔ kɛgɛ ɛkasɛ wɔnɔ nɛ ɔkɔ nyia ɔkɔ nɛ ɔhaa ka nyia ka mɛ.

Korintoanɛ 1 11:34

Onupɛ bɔbhɛ yì wɔnɔ mɛ anɔ teliɛ, baŋã bɔdɔ̃ nɛ bɔpã mɛ, sɛ tɛ̀ onupɛ nɔbɔ tsyɔaa, kɛtɛbà tsyina dzì kebhu kukulu. Kɛlɛ onupɛ ɛzɛ ba wɔnɔ ɔbhaa tsyɛɛ, ɛba tseɖe wɔnɔ kɛgɛ nɔbɔ bhɛtɛɛ.

Korintoanɛ 1 16:15

Nɔonyi ɔsɛ Stefana yɛɔpã mɛ anɛ balɛenu banɔ gɛ beputɔ pɛ etsyinà nɛ Axaya, kɛlɛ balɔkɔ balɛishu akpɛ banɔ dadalɛ axɔ̃ɛ wɔawɔa mɛ. Ɛkpalà wɔnɔ, badzya,