2 Ɔgana kibui gbangbã ɛlɛ mɛ bebú wɔnɔ ɛkpã, gɛ onupɛ nɔnyanã kibuiɛ gɛ itseɖe wɔnɔ mɛ vunɔ gagalĩ. Onu gɛnanaa, wɔnɔ tɛyɛyɛkɛŋã ma kɛnanà mɛ.
Kristo xɔnɔ alɔkɔ ibui gɛlɛ ɛlɛ ɔzãkɔ, gɛ eɖi Owusoso Akaavũ nabha asɛ Eyi ana. Kɛlɛ bɔlɔ nu yɛɔpãa, onupɛ bɔkpɛ emi zã yɛede, pɛ buɖi yɛidzo mɛ nɛ̀ awɔ̃luluɔ gɛ butù itèlũ kɔɔ.
Kɛlɛ sɛ bulu awɔ̃ piapii nɛ ebuiɛ gɛ bulũ ɔshu, sɛ tɛ bɔtɛ shrɛrɛ tsrakɛ idzo.
Bɔbá sɛ tɛ bɔmɔ ɔtɔ plɛnɔ Yesu onupɛ bɔnyana kidzo mɛ ɖiɖi ebuiɛ gɛtɛ zã ɔlɔ ahɔɛ bafala nɔ mɛ vunɔ gagalĩ ɔvɛnɔ ewuiɛ gɔgɔɛ nɔ.
anɔ gɛ yɛebu ɔlɔ pɛ ekulu bɔlɔ amana ɛkpã gɛ ɛlishu dalɛ mɛ, gɛnɛ kɛnanà gɛ bɔbhɛtɛ shu so, pɔ nɛ yɛ tɛtɔtɔɖɔ nɛ̀ tibhui bhuibuɔ shu so. Bakɔ ɔlɔ tibhui bhuibu ɛlɛ nɛ Kristo Yesu mɛ flogo pɛ kanɔ alɛ mɛ abakpɛ esi,
onupɛ nɔzã ɛlɛ abha nɛ ɔnɔ tɛyɛyɛkɛŋã mɛ, pɛ nɔodzi gagalĩ, pɛ nɔgɛ shɛ nɛ wɔnɔ kidzo mɛ ɖiɖiɛ gɛlɛ kibui gbangbã mɛ shu. Kibui gbangbã ɛlɛ gɛ nɔolũɔ baɖɔ etseɖe kɛdɔ̃ bhɛbhɛtɛ ka nyia ka gɛ lɛ kitití niesi, pɛ kɛlɛ shu mɛ Paulo badzi axɔ̃ɛdɛ ɔkɔɔ.
Ɔmɔsɛ tibhui bhuibu shu so pɛ bebu ɔlɔ ɔgana tɛyɛyɛkɛŋã mɛ, kɛlɛ kɛgi de wɔnɔ ɔkɔ, pɔ Owusoso Akaa yɛdɔ kɔkɔ kinu,
Butsi osiɛ shu ebuiɛ enu bɔga ebui ɔkɔ bagɛ bayalàa, pɔ bɔlɔ bagɛ baayɛkɛ elu nɛkpã xɔnɔɔ, lɛenu Owusoso Akaa ohumi ɔkɔ bɔlɔ.
Ɔmɔ asɛ kinu gɛ anɔ teli enu anɔ tsitsí onupɛ ɔfɔfuĩa ɔma yɛmɛɛ, kidzo ɛlɛ nabha tɛyɛyɛkɛŋã tsyɛ nui idɔ̃ tsitsí onupɛ ɛxɔ̃ɛ wɔawɔa gɛ plɛnɔ nɔ ɛlɛ.
Mɛadzya alɛ mɔ, kɛgbangbã ɖuwoe lu kinu, onupɛ anɔ teli aɖɔ asɛ tɛyɛyɛkɛŋã lɛ yɛahɔɛ, pɛ ɛxɔ̃ɛ wɔawɔa nanà pɔ ma kɛlɛishuɔ, kɛlɛ́ tɛyɛyɛkɛŋã ɛlɛ nɛidiɛ balà bui mɔ dza?
Nɔkɔ bɔnyana kɛgɛ kɛlɛ mɛ bɔdalɛ, pɛ buuɖi kɛlɛ idzo mɛɛ vunɔ gagalĩi, ɔmɔsɛ anunɔ gɛ yɛatɔɖɔ kibuiɛ lɛ eluɔ abhɛtɛ ibui abha.
Kidzo ɛlɛ nabha anɔ yɛtɛyɛyɛkɛŋã lɛ́, onupɛ kɛxɔ̃ɛ wɔawɔa ma kɛlɛishuɔ, kinu kɛlɛ́ mɛ tɛyɛyɛkɛŋã.
Kliso gɛ banɔlũazazã gbagbla, gɛ agã iwusoso nɔ mɛ pɛ yɛenu Owusoso Akaa Yɛeyi Yesu soɔ, nɔkɔ bɔnyana bɔlɔ tɛyɛyɛkɛŋã gɛ ɛlɛ mɛ bɔdalɛ vunɔ gagalĩi.
Klisoɔ, mɛadzya alɛ mɔ, nɔzã gagalĩi nɛ bɔdɔ̃ kakasɛ gɛ bɔlɔkɔ kpɛ wɔnɔ ahɔɛ mɛ, onupɛ kizidzì olugbũ mɛibui alo keplukpa fɔfɔnɔ mɛ tsyɛ.
Bɔwɔã tɔ nɔtɔ̀ ɔkɔ kɛdɔ̃ nanà mamɔ mamɔ dza, gɛ onupɛ kɛgbã kinu ɔsɛ bɔtɔ ɔlɛ ma kɔ kɛdɔ̃ nanà dza?
Asɛ Owusoso Akaa ɔhaxɔ̃ɛwɔa anaa, bɔkpalà wɔnɔ sɛ nɔtɛ yɛkɛ Owusoso Akaa tibhui bhuibuɔ asɛ kɛlɛ́ɛ mɛdɔ̃ ana.
Ɔmɔsɛ Kibui Gbangbã tinu kiwuĩbui ɔkɔ mɛ, ɔmɔsɛ kinu Owusoso Akaa yɛohumi ɔkɔ, anɔ nyia anɔ gɛ ayɛkɛ aŋãa yɛtibubu. Putɔ nɔɔ, ɔkɔ Yudanɛ flogo pɛ bagɛ betinu Yudanɛ.
Ɔmɔsɛ bɔlɛinu Kristo yɛ tɛlɔlɔ̃ huhuhuɔ ɔkɔ Owusoso Akaa asɛ nɛ bagɛ bayɛkɛ elu nɛkpã nɛ̀ bagɛ balɛ atɔwuiɛ ayala nɛishi ana.
Kɛlɛ onupɛ begi feke Kristoɔ tsyɛ edenɔ bekpuɔ mɛ, kɛlɛ bɔlɔ kibui ɖɔɖɔ nɛ̀ wɔnɔ tɛyɛyɛkɛŋã ma kɛnanà mɛ.
Nɛ Owusoso Akaa bubuti nulũ soɔ, kanɔ alɛ mɛ gana kalɛ bubutiɛ mɛ betinyi yɛ, bɔwɔaga kibuiɛ gɛ baɖɔ tɛ bebù bagɛ ayɛkɛ aŋã elu nɛkpã ku Owusoso Akaa nɔ awɔ ɔdɛ.
Kliso nɔbaka Owusoso Akaa yɛyamɛ gbangbã bhɛbhɛtɛ nɛ̀ yɛahɔɛ gagalĩ nɛ wɔnɔ abha shu. Agagalĩ ahɔɛ nɛ bagɛ betsodzi nɛ yɛedeɛ shu, kɛlɛ wɔnɔ xɔnɔ aabhɛtɛ ɛyamɛ gbangbã akɔ wɔnɔ onupɛ nogitsodzi nɛ yɛedeɛ. Onu gɛna naa, abashɛnɛ ahɔɛ nɛ wɔnɔ tsyɛ shu atɛ elu.
Simon tsyɛ ayɛkɛ aŋã kɛlɛ bakpɛ bulĩ nɛ kɛtakpu akɔɛ. Kɛlɛ azã Filipo kede ɔvɛnɔ ɔkɔ nyia ɔkɔ gɛ avɛɛ, ɔmɔsɛ ebui bubukasɛ nɛ̀ atsyindzye ebuiɛ gɛ amɔɔ abhɛtɛ yɛibi.
pɛ bazakpɛ Owusoso Akaa nɛinyè nɛitití kɛlɛ balɛ ebuiɛ ezeku banunɔ petee awɔ̃. Kɛlɛ Apaleteɛ akɔ bagɛ ayɛkɛ elú nɛkpã abaplɛnɔ balɛ bekpè atɔɖɔ kiwui nyia wui.
Ɛkpɛ wɔnɔ kinyè nɛitití nɛ kɛbakà gɛ nɔbaka mɛ nɛ kɛka nyia ka mɛ, nɛ̀ kana gɛ nɔnyanã bɔdɔ̃ kakasɛ mɛ ovunɔ asɛ kɛkasɛ gɛ ɛkasɛ wɔnɔ ana.