Korintoanɛ 1 15:10 - Nyangbo New Testament

¹⁰ Pɔ nɛ kana gɛ Owusoso Akaa ebhui mɛ ebuɔ shu soɔ, idzi kɛdɔ̃ nɔnɔ gɛ kɛlɛ mɛinu oboɔ, kɛlɛ yɛ tibhui bhuibuɔ wɔa axɔ̃ɛ. Oo, ɛwɔa axɔ̃ɛ gagalĩ ɔdɛ balɛ petee, pɔ gɛnɛ mɛ, Owusoso Akaa tibhui bhuibuɔ kɛlɛ zã ɔplɛnɔ mɛ so.

Korintoanɛ 1 15:10 Referans Kwoze

Filipianɛ 4:13

Ɛba là bhɛtɛ kɛka nyia ka ɔganà agɛ yɛakɔ mɛ ohumi nɔ abha.

Korintoanɛ 2 3:5

Etinu asɛ gɛ bɔna nɛ kɛxɔ̃ɛ dɛdɛ mɛ ɔsɛ tɛ bɔyɛkɛ kɛdɔ̃ nanà kɔ bɔlɔshu, pɔ Owusoso Akaa yɛakɔ bɔlɔ kɛxɔ̃ɛ gbangbã tɛwɔawɔa ɛlɛ nɛidi.

Filipianɛ 2:13

ɔmɔsɛ Owusoso Akaa yɛawɔa axɔ̃ɛ nɛ ɔnɔ mɛ, flogo tɛ ɔtɔɖɔ ɛbui tili, nɛ̀ tɛ obu katsɛɖɛ tieli nɛ yɛ tɛtɔtɔɖɔ gbangbã nɔlũ.

Galatianɛ 2:8

Ɔmɔsɛ Owusoso Akaa gɛ awɔa axɔ̃ɛ ɔplɛnɔ Petro asɛ anɔkpɛkpɛ ɔkɔ Yudanɛ anaa, yɛawɔa axɔ̃ɛ nɛ mɛ tsyɛ asɛ anɔkpɛkpɛ ɔkɔ bagɛ etinu Yudanɛ.

Romanɛ 12:3

Nɛ tibhui bhuibuɔ gɛ bakɔ mɛ nulũɔ, itseɖe wɔnɔ ɔmɛ anɔ ka nyia ka asɛ atɛ alɔkɔ yɛishu asɛ yɛadɛ. Nɛ kɛlɛ inye mɛɛ, nɔbhɛtɛ ekpeɖekpeɖe mɛ nɛ ishu esi zhizhinɔ ɛkpã zazãna shu boŋ, tɛ anɔ nyia anɔ ebhui ibui mɛ nɛ tɛyɛyɛkɛŋã nɛidi gɛ nɔyɛkɛ odenɔ Owusoso Akaa akɔ nɔɔ shu.

Korintoanɛ 2 12:11

Ɛdɔ bɔwɔaga, pɔ wɔnɔ gbana mɛɔkpɛ bɔlɛ tɛdɔdɔ mɛ. Tsyɛ alo kɛlɛ sɛ nɔɖɔ kibui gbangbã nɛ mɛishu flogo ɔmɔsɛ itinu agɔgɔɛ ɔkɔ “banɔkpɛkpɛ gɛ balɛ ɔzakɔ gbagbla” pɔ mɛxɔnɔ tinu kɛdɔ̃ nanà kɔ alɛ flogo.

Korintoanɛ 2 6:1

Asɛ Owusoso Akaa ɔhaxɔ̃ɛwɔa anaa, bɔkpalà wɔnɔ sɛ nɔtɛ yɛkɛ Owusoso Akaa tibhui bhuibuɔ asɛ kɛlɛ́ɛ mɛdɔ̃ ana.

Korintoanɛ 1 4:7

Ɔmɔsɛ afana gɛ abhɛtɛ wɔ pɛ ɔgã ɔtɔ nɛ banɔ bhlatɔ shu? Kiɖe gɛlɛ wɔ ahɔɛ pɛ gɛnɛ bɔyɛkɛ wɔ yɛkɛ ɛlɛɛ dza? Kɛlɛ onu pɛ ɔyɛkɛ ɛlɛɛ, kiɖe so pɛ ofeke ishu ɔmɔ asɛ gɛnɛ bɔkɔ bakɔ wɔɔ dza?

Korintoanɛ 1 15:2

Ɔgana kibui gbangbã ɛlɛ mɛ bebú wɔnɔ ɛkpã, gɛ onupɛ nɔnyanã kibuiɛ gɛ itseɖe wɔnɔ mɛ vunɔ gagalĩ. Onu gɛnanaa, wɔnɔ tɛyɛyɛkɛŋã ma kɛnanà mɛ.

Romanɛ 11:1

Kɛlɛ ibisi sɛ, Owusoso Akaa ashɛnɛ ahɔɛ nɛ yɛmadiɛ shu dza? Kɛma kɛlɛ mɛ ana! Israelaeyi mɛinu, kɛlɛ Abraham yɛeshui mɛinu gɛ ide Benyamin yɛigbogboɔ mɛ.

Korintoanɛ 1 3:6

Mɛɖa bɔdɔ̃eyiɛ, Apolo yɛakpɛ bulĩ nɛ bɔlɛ shu, pɔ Owusoso Akaa yɛakɔ bushè.

Korintoanɛ 1 3:10

Nɛ kibhuiɛ gɛ Owusoso Akaa ebhui mɛebuɔ, mɛkpɛ buvũ niesi asɛ buvũdzudzu gbangbã elete ana, kɛlɛ anɔbhlatɔ yɛaba bhɔ bɔlɛ atɔɖɔ. Pɔ anɔ nyia anɔ eɖi piapii nɛ̀ kɛbhɔ gɛ abhɔɔ yɛuvũɔ.

Korintoanɛ 1 15:11

Kidzi asɛ mɛ alo balɛ tsyɛ, kibui ɛlɛ bɔɔɖɔ, kɛlɛ kibui ɛlɛ abha nɔyɛkɛ ɔŋã.

Tesalonikanɛ 1 5:12

Bɔlɔ adzya alɛ mɔ, otsiɛ alɛ bubisi denɔ wɔnɔ ɔkɔ ɔsɛ tɛ, nozhinɔ ishu esi ɔkɔ bagɛ awɔa axɔ̃ɛ gagalĩ nɛ wɔnɔɛshi, pɛ bagbanà nɔ nɛ Apalete nɛinye mɛ pɛ behu buluhũ akɔ ɔnɔ.

Timoteo 1 4:10

(ɔmɔsɛ kibui ɛlɛ shu bɔmɔ̃ bɔtɔ pɛ wlɔãkɛ ɔkɔ), sɛ bɔlɔkɔ bɔlɔ otugbà mɛ ɖiɖiɛ ɔkpɛ Owusoso Akaa enunuɔ ahɔɛ mɛ, anɔ gɛ yɛebu banunɔ petee nɛ butsi mɛ, asɛ bɔnɔ nɔ̀ gɛ bayɛkɛ aŋã ana.