Korintoanɛ 1 14:6 - Nyangbo New Testament

⁶ Mɛadzya alɛ, otsiɛnɔ onupɛ ɛba wɔnɔ ɔbhà pɛ ihu beluhũ vɔvɔɔ, kɛgbangbã ɖuwoe mɛbadzì ɔkɔ wɔnɔ, ɔdɛ ɔsɛ ɛmanà wɔnɔ kibui tili gɛ bebu akasɛ mɛ alo kibuititì alo kibui gɛ baɖɔ eluɔ alo kibui gɛ baɖɔ alɔkɔ akpalà banɔ nɔ dza?

Korintoanɛ 1 14:6 Referans Kwoze

Efesoanɛ 1:17

Itsiɖi ɛlɛ abha bisi sɛ tɛ bɔlɔ Apalete Yesu Kristoɔ, Akaa gɛ yɛishu dalɛ, sɛ akɔ ɔnɔ Ɔfɔfuĩa mɛ bubutiɛ nɛ̀ kibui bubu kasɛ, sɛ tɛ nɔoti yɛ piapii ɔdɛ.

Timoteo 2 3:16

Ebui fɔfɔnɔ luɔ petee enu Owusoso Akaa ɛbui gɛ afuĩa kpɛ ɛlɛ mɛ, kɛlɛ kɛpɛ̃ ɔsɛ balɔkɔ ɛlɛ akasɛ bɔdɔ̃ nɔ, tɛ̀ balɔkɔ ɛlɛ etseɖe nɔ nɛ̀ anɔ, tɛ balɔkɔ akpalà anunɔ, tɛ bewoese anɔ nɛ̀ bɔdɔ̃ kakasɛ nɛ ishu dadalɛ mɛ,

Romanɛ 6:17

Pɔ nohu Owusoso Akaa yɛahɔɛ ɔsɛ, wɔnɔ gɛ nodzi banɔ dzidzi ɔkɔ ebui kpa flogo nɔɔ, nɔbɔlɔkɔ wɔnɔ etúɔ nyɔ̃ɔ nɛ̀ batɔ̃ lulũ ɔyɛkɛ bɔdɔ̃ kakasɛ ɛlɛ, gɛ balɔkɔ akpɛ ahɔɛ akɔ wɔnɔ.

Korintoanɛ 1 14:1

Nɔtɔnɔ tɛdɛdɛmɛ nɔ kidzoɔ ede gagalĩ, tɛ̀ nɔpɛ ɔfɔfuĩa mɛ bɔdɔ̃ kɔkɔ, asɛ kibuiɖɔlu bɔdɔ̃ kɔkɔ ana.

Yohanes 2 1:9

Anunɔ gɛ atɛ fala eputɔ pɛ agɛ akasɛ ɔdɔ̃ nɛ Kristo yɛɔdɔ̃ kakasɛ nabhaa, Owusoso Akaa ama yɛmɛ, pɔ anunɔ gɛ etsiɖì ɛlɛ abha pɛ akasɛ Kristo ɔdɔ̃ɔ, yɛahɔɛ Akaa nɛ̀ Eyiɛ pete alɛ.

Petro 2 3:18

Pɔ nɔzã ɛlɛ tɛ nozoshè nɛ tibhui bhuibuɔ nɛ̀ bubutiɛ gɛ Apaleteɛ Yesu Kristo gɛ ayɛkɛ akɔ bɔlɔ mɛ. Yɛ bakɔ ishu dadalɛ odenɔ otsiɛ, ɔvɛnɔ tihɔɔ! Amen.

Petro 2 1:5

Kibui ɛlɛ shu soɔ, nɔga kidzo ka nyia ka abha tɛ̀ nɔlɔkɔ kibui gbangbã plɛnɔ tɛyɛyɛkɛŋã tɛ̀ ebui gbangbã tsyɛ plɛnɔ kibuititì,

Hebrianɛ 13:9

Nɔtɛkɔ ɔsɛ bɔdɔ̃ kakasɛ ka nyia ka ɛdi zɛgbana ɔnɔ. Kɛpɛ ɔkɔ ɔlɔ etúɔ asɛ tɛ lamɔ ohumi ɔgana tibhui bhuibu mɛ, pɔ anɛ bɔŋaŋã ɔsha gɛ ɛlɛ beshu pɛ lɛ tɛ plɛnɔ banunɔ gɛ baŋã ɔdɔ̃.

Tito 3:8

Kibui ɛlɛ tɛɖɔɖɔ nu kibui gbã. Kɛlɛ ɛpɛ sɛ tɛ ɔɖɔ ebui alɛ odzinɔ ɔɖɔ, sɛ tɛ bagɛ ayɛkɛ Owusoso Akaa nabha aŋãa beɖi ishu abha piapii tɛ̀ balɔkɔ balɛishu akɔ kibui gbangbã bhɛbhɛtɛ. Ebui alɛ apɛ̃ kɛlɛ labà manà kibui gbangbã ɔkɔ aka nyia aka.

Timoteo 2 4:2

Ɖɔ Owusoso Akaa nɛibuiɛ, balɛ sɛ onupɛ banɔ apɛ asɛ tɛ belũ kibuiɛ alo tɛ betielũ ɛlɛ tsyɛo, woese anɔ, tseɖe nɛ̀ anɔ tɛ̀ ɔkpɛ banɔ emi-nɛ kitu esi lulũ nɛ̀ bɔdɔ̃ kakasɛ piapii mɛ.

Timoteo 2 3:10

Wɔ, onyi ibui odenɔ mɛɔdɔ̃ kakasɛ petee shu, mɛ ɛkpã gɛ idzinɔ, kɛgɛ ɛtɔɖɔ, mɛ tɛyɛyɛkɛŋã, mɛ kitú esi lulu, mɛ tɛdɛdɛmɛ nɔ, mɛ kemì tɛkpɛkpɛ,

Timoteo 2 2:14

Zã kɛlɛ abha tɛ ɔzɔ bakà alɛ nɛ̀ ebui alɛ shu. Kpɛ alɛ ɔsha nɛ Owusoso Akaa namɛ nɛ ebelà ebui ɖɔɖɔ shu, gɛ kɛnanà maɛlɛ mɛ, bagɛ elũ ɛlɛ ete kiizĩ.

Filipianɛ 3:15

Kɛlɛ sɛ bɔlɔ agɛ ishèɛ petee zilu awɔ̃ ɖi ebuiɛ ana. Kɛlɛ onupɛ nɛ kawɔ̃pɛ tieli mɛ wɔ bhɛtɛ ekpeɖekpeɖe bhlatɔ mɛ tsyɛɛ, kɛlɛ tsyɛ Owusoso Akaa abadãlɛ ɛlɛ mɛ akɔ wɔ.

Efesoanɛ 3:4

Denɔ kibui ɛlɛ tɛkaklà mɛ, nɔobolũ mɛibui ɛlɛ mɛ piapi nɛ Kristo yɛebui kpukpũɔ shu,

Korintoanɛ 2 12:7

Tɛ kibu mɛ oyinɔ denɔ ishu fefeke mɛ gɛ, nɛ ebui gɛ labhɛtɛ kibi alɛ gɛ bebu akasɛ mɛ so, balɔkɔ kiwú akpɛ mɛishuɔ mɛ, gɛenu Satana yɛanɔkpɛkpɛ sɛ tɛ̀, ahɔhɔlɛ mɛ.

Korintoanɛ 2 12:1

Kɛlɛ sɛ tɛ ɛzã kɛlɛ abha tɛ itũ ahɔɛ nɛ mitelũ. Kɛnanà ma gɛ ɛbamɔ nɛlɛ mɛ pɔ, ɛbazã kɛlɛ abha bhɛtɛ tɔɖɔ mɛɔdɔ̃ mɔmɔ nɛ tibubukasɛ gɛide Apaleteɛ ɔkɔ nabha.

Korintoanɛ 2 11:6

Itinu anɔ gɛ kpasɛ kaɖɔ ɖɔɖɔ piapii, pɔ kibuititì xɔnɔ lɛ mɛahɔɛ. Bɔkɔ sɛ kibui ɛlɛmɛ dalɛ̃ kɔ wɔnɔ piapii nɛ kidzo ka nyia ka abha.

Korintoanɛ 1 10:33

asɛ gɛ ɛpɛ sɛ tɛ mɛiku aka nyia aka awɔ̃ nɛ kidzo ka nyia ka abhaa. Gɛnɛ mɛ ete tɛpɛpɛ̃ mɛpɛɛ, pɔ banɔ kpekpèɛ tɛpɛpɛ̃, ɔsɛ tɛ bayɛkɛ alɛ elù nɛkpã.

Romanɛ 16:17

Mɛelɛ alɛ mɔ, ihu buluhũ kɔ ɔnɔ sɛ tɛ nolú awɔ̃ nɛ̀ bagɛ bamana kishi zizĩ nɛ banɔ ishi, pɛ babhɛtɛ ebui gɛ etsu awuhũ, pɛ lagã ɔtɔ nɛ ebuiɛ gɛ bɔkasɛ pɛ nɔkpasɛ shu. Nɔtɛkpɛ alɛ ɔha.

Romanɛ 15:14

Mɛelɛ alɛ mɔ, ɛmɔ kɛlɛ idenɔ mɛishu mɛ ɔsɛ, nodzi banɔ gbangbã nɛ bubuti mɛ, kɛlɛ nɔna gɛ nɔbɔlà kasɛ bagɔlɔ ɔdɔ̃.

Banɔkpɛkpɛ Axɔ̃ɛ 2:42

Balɔkɔ balɛishu ashɔkpɛ banɔkpɛkpɛ bɔdɔ̃ kakasɛ nɛ̀ ɔha kpɛkpɛ mɛ, ɔvɛnɔ kifufulũɔ tɛyaya nɛ̀ Owusoso Akaa tikukulu mɛ.

Korintoanɛ 1 14:7

Nɛ bɔdɔ̃ gɛ ɛkpã ma bɔlɛ mɛ, pɛ bɔɔkpɛ ozĩ asɛ baabe nɛ̀ sangũ tsyɛ, afana gɛbetì ɔdzɛ nɔnɔ gɛ beebhoɔ onupɛ iliɛmɛ ediedi gibu ɔdzɛ kasɛ gikoeyiɛ dza?