Korintoanɛ 1 14:4 - Nyangbo New Testament

⁴ Anunɔ gɛ ehu beluhũvɔvɔ xɔnɔ, yɛishu ete shu yɛabhɔ ewunɔ kabha, pɔ anunɔ gɛ aɖɔ kibui elu xɔnɔɔ, ɔhaa yɛabhɔ ewunɔ kabha.

Korintoanɛ 1 14:4 Referans Kwoze

Korintoanɛ 1 14:22

Beluhũvɔvɔ xɔnɔ, kibui bubukasɛ kinu, gɛnɛ kɔ bagɛ ayɛkɛ aŋã, pɔ ɔkɔ bagɛ agɛ yɛkɛ aŋã, kibuiɖɔlu xɔnɔ, kɛlɛ ɔkɔ bagɛ ayɛkɛ aŋãa, gɛnɛ bagɛ agɛ yɛkɛŋãa.

Korintoanɛ 1 14:26

Mɛadzya alɛ mɔ, kiɖe buwlui zɛbaɖɔ dza? Onupɛ nobo shogòɔ, ɔdzɛ zhazhã ɔlɛ aka nyia aka ahɔɛ alo kibui gɛ balɔkɔ akpalà anɔ, kibui bubu kasɛ, beluhũ vɔvɔ tihuhu nɛ̀ bɔlɛ esi bubu lɛ aka nyia aka ahɔɛ. Kɛlɛ sɛ babhɛtɛ alɛ nyɔ̃ɔ tɛ ledzi ohumi kpɛkpɛ ɔkɔ ɔhaa.

Korintoanɛ 1 14:12

Kana kibui ɛlɛ ɛlɛ wɔnɔ kawɔ̃pɛ mɛ. Gɛ nɔpɛ ɔsɛ tɛ̀ nɔyɛkɛ ɔfɔfuĩa mɛ bɔdɔ̃ kɔkɔ soɔ, nɔkpɛ kemi tɛ̀ wu kabha nɛ bɔdɔ̃kɔkɔ nɔnɔ gɛ bɔbà bhɔ ɔhaa wunɔ kabha mɛ.

Korintoanɛ 1 14:5

Ɛbapɛ sɛ tɛ̀ wɔnɔ mɛ aka nyia aka ezehu beluhũ vɔvɔ, pɔ kɛbapɛ ɔkɔ mɛ ɔdɛ gɛ onupɛ nɔɖɔ kibui olu boŋ. Anunɔ gɛ aɖɔ kibui elùɔ egbogblo adɛ anunɔ gɛ eehu beluhũ vɔvɔ, ɔdɛ ɔsɛ ebu kɛgɛ yɛaɖɔ niesi sɛ tɛ̀ alɔkɔ abhɔ ɔhaa ewunɔ kabha nɔ.

Korintoanɛ 1 14:3

Pɔ anɔka nyia ka gɛ aɖɔ kibui elu xɔnɔ, aɖɔaɖɔ akɔ banɔ sɛ tɛ̀ akpɛ balɛ ohumi, tɛ̀ akpɛ balɛ kemi nɛ̀ tɛ ayɔ balɛ ishumɛ.

Korintoanɛ 1 13:2

Onupɛ kibuiɖɔlu kɛdɔ̃ kɔkɔ gɛbalà ebui kpukpũ nɛ bubutì ebui bukasɛ lɛ mɛahɔɛ, kɛlɛ tɛyɛyɛkɛŋã gɛbalà betu akpa ebu lɛ mɛahɔɛ, pɛ tɛdɛdɛmɛ nɔ ma mɛahɔɛ elo, itinu kɛdɔ̃ nanà.

Romanɛ 14:19

Kliso nɔkɔ bɔkpɛ emi tɛ bɔbhɛtɛ kɛgɛ bamana ishu yɔyɔɔ, tɛ bɔbhɛtɛ ebuiɛ gɛ bɔba lɔkɔ kpɛ bagɔlɔ ohumi nɔɔ nɔ̀.

Korintoanɛ 1 12:10

anɔ teli tsyɛ bakɔɛ ohumi gɛ lɔbhɛtɛ ebui gɛ labhɛtɛ kibì, teli tsyɛ kibui ɖɔɖɔlu, teli tsyɛ tɛ̀ amɔ Ɛfɔfuĩa nɔ gɛinu ɛgbangbã nɛ̀ ɛkpa, teli tsyɛ kaɖɔɖɔɖɔ nɛ beluhũ bhlatɔ mɛ, kɛlɛ teliɛ tsyɛ tɛ ebu beluhũ vɔvɔ huhuɔ niesi.

Korintoanɛ 1 12:28

Kɛlɛ nɛ ɔhaa mɛ tsyɛ, Owusoso Akaa eputɔ ebu banɔkpɛkpɛ, babhalà balɛenu ebuiɖɔluanɔ, batramɛ balɛenu badɔkasɛ, flogo pɛ bagɛ abhɛtɛ̀ ebui gɛ abhɛtɛ̀ ibì, ɔplɛnɔ bagɛ bɔnyã bubu nɛ̀, baagɛ aplɛnɔ banɔ, bagɛ bazã banɔ ulũ nɛ̀ bagɛ behu beluhũ vɔvɔ.

Korintoanɛ 1 13:1

Onupɛ ihu beluhũ vɔvɔ petee gɛ banɔdzyrameɛ nɛ̀ baxɔ̃ɛdɛ tsyɛ ehuɔ, pɛ tɛdɛdɛmɛ nɔ nɛ̀ anɔ ama mɛahɔɛ, kɛlɛ mɛ kaɖɔ ɖɔɖɔ edzi asɛ ɔgã alo kesipɛ̃ kpá gɛ kalɛ tiyiyi pɔɛ banɔ atɔ̃ mɛ ana.