Korintoanɛ 1 14:3 - Nyangbo New Testament

³ Pɔ anɔka nyia ka gɛ aɖɔ kibui elu xɔnɔ, aɖɔaɖɔ akɔ banɔ sɛ tɛ̀ akpɛ balɛ ohumi, tɛ̀ akpɛ balɛ kemi nɛ̀ tɛ ayɔ balɛ ishumɛ.

Korintoanɛ 1 14:3 Referans Kwoze

Korintoanɛ 1 14:12

Kana kibui ɛlɛ ɛlɛ wɔnɔ kawɔ̃pɛ mɛ. Gɛ nɔpɛ ɔsɛ tɛ̀ nɔyɛkɛ ɔfɔfuĩa mɛ bɔdɔ̃ kɔkɔ soɔ, nɔkpɛ kemi tɛ̀ wu kabha nɛ bɔdɔ̃kɔkɔ nɔnɔ gɛ bɔbà bhɔ ɔhaa wunɔ kabha mɛ.

Timoteo 1 4:13

Ɔvɛnɔ kibeɛ gɛ ɛba baa, lɔkɔ wɔ ishu ɔkpɛ bɔdɔ̃ kakla ɔlɛ mɛ nɛ banɔ ɛshi, ɔkɔ kibuiɛ tɛɖɔɖɔ nɛ̀ kɛlɛ bɔdɔ̃ kakasɛ.

Yuda 1:20

Pɔ mɛbhia alɛ gɛ ɛdɛmɛ nɔ xɔnɔ, nɔbhɔ wɔnɔ shu owunɔ kabha nɛ wɔnɔ ishu dadalɛ tɛyɛyɛkɛŋã mɛ̀, tɛ̀ nokulu Owusoso Akaa nɛ Ɔfɔfuĩa Gbangbã mɛ̀.

Tito 1:9

Kɛlɛ sɛ anyana kibuiɛ gɛ lɛ ɛlɛ ɔzãkɔ pɛ balɔkɔ akpɛ yɛahɔɛ mɛ ovunɔ gagalĩ asɛ gɛ bakasɛ yɛana, sɛ tɛ alà akpɛ bagɔgɔɛ nɔ emi nɛ̀ bɔdɔ̃ kakasɛ piapi tɛ etilũ bagɛ balɔ kititì nɛishuɔ atɔ̃.

Efesoanɛ 6:22

Kibui ɛlɛ shu mɛ lɔkɔ yɛ sɛsɛ ɔnɔ, sɛ tɛ nɔotì kana gɛ bɔlɛɛ, sɛ tɛ akpɛ ɔnɔ emi.

Timoteo 2 4:2

Ɖɔ Owusoso Akaa nɛibuiɛ, balɛ sɛ onupɛ banɔ apɛ asɛ tɛ belũ kibuiɛ alo tɛ betielũ ɛlɛ tsyɛo, woese anɔ, tseɖe nɛ̀ anɔ tɛ̀ ɔkpɛ banɔ emi-nɛ kitu esi lulũ nɛ̀ bɔdɔ̃ kakasɛ piapii mɛ.

Tito 2:6

Kidzo ɛlɛ nabha, nɔkpɛ bayisɔ̃ nɔ emi tɛ baŋã balɛishu abha.

Korintoanɛ 1 14:31

Ɔmɔsɛ wɔnɔ nyɔ̃ɔ ɔbɔlà ɖɔ kibui olu, sɛ tɛ̀ aka nyia aka amɔ kibui denɔ kɛlɛ mɛ plɛnɔ kemikpɛkpɛ.

Korintoanɛ 1 14:26

Mɛadzya alɛ mɔ, kiɖe buwlui zɛbaɖɔ dza? Onupɛ nobo shogòɔ, ɔdzɛ zhazhã ɔlɛ aka nyia aka ahɔɛ alo kibui gɛ balɔkɔ akpalà anɔ, kibui bubu kasɛ, beluhũ vɔvɔ tihuhu nɛ̀ bɔlɛ esi bubu lɛ aka nyia aka ahɔɛ. Kɛlɛ sɛ babhɛtɛ alɛ nyɔ̃ɔ tɛ ledzi ohumi kpɛkpɛ ɔkɔ ɔhaa.

Romanɛ 14:19

Kliso nɔkɔ bɔkpɛ emi tɛ bɔbhɛtɛ kɛgɛ bamana ishu yɔyɔɔ, tɛ bɔbhɛtɛ ebuiɛ gɛ bɔba lɔkɔ kpɛ bagɔlɔ ohumi nɔɔ nɔ̀.

Banɔkpɛkpɛ Axɔ̃ɛ 13:15

Gɛ bakalà kibuiɛ odenɔ Mose ɔsha nɛ ebuiɖɔluanɛ buplukpa mɛ ebekeɛ, bagɛ beɖi ɔtsyɔakɔ nabha asɛsɛ alɛ ɔklasɔ̃ asɛ, “Bɔlɔ adzya alɛ mɔ, onupɛ kibui tili lɛ wɔnɔ ahɔɛ pɛ nɔbɔ lɔkɔ ɔkpɛ ɔha kemi nɔ, nɔɖɔ ɛlɛ otseɖe bɔlɔ.”

Tito 2:9

Kasɛ banɔ dzidziɛ ɔdɔ̃ tɛ bakpɛ kɛtakpu esi akɔ balɛ apalete alɛ nɛ kɛka nyia ka mɛ, babhɛtɛ tɛ beku alɛ awɔ̃, tɛɖɔ kaɖɔ kpa kpɛ balɛ ɔkɔ,

Tesalonikanɛ 1 2:3

Ɔmɔsɛ tibibisiɛ gɛ bubisiɛ gɛide kesitata alo ekpeɖekpeɖeɛ gɛ yɛishuɔ gɛ dalɛ mɛ alo sɛ tɛ bɔwɔɛ wɔnɔ.

Korintoanɛ 1 10:23

“Bakɔ kibui ka nyia ka shu kidzo,” pɔ gɛnɛ kɛka nyia ka kɛlɛ vɛnɔ anɔ nɛ otugbà. “Bakɔ kibui ka nyia ka shu kidzo-pɔ gɛnɛ kɛka nyia ka kɛlɛ pɛ̃kɔ anɔ.

Petro 1 5:12

Denɔ Sila anɔ gɛ ɛlɔkɔ yɛasɛ anɔ gɛ ɛyɛkɛŋã, denɔ yɛ tɛpɛplɛnɔ mɛ ɛfɔnɔ keplukpa alɛ gulũi kɔ wɔnɔ pɛ̀ ɛkpɛ wɔnɔ kemi tɛ̀ ɛɖɔ kaɖɔ dalɛ kɛlɛ mɛ sɛ, kɛlɛ kɛlɛinu Owusoso Akaa tibhui bhuibu gɛlɛ ɛlɛ ɔzãkɔ. Nɔzã gagalĩ nɛ kɛlɛ mɛ̀.

Hebrianɛ 13:22

Mɛadzya alɛ mɔ, ɛɛkpalà ɔnɔ gagalĩi sɛ tɛ nɔyɛkɛ uluhũɔ gɛihu kɔ ɔnɔ gana eplukpa gulũi alɛ gɛ ɛfɔnɔ sɛsɛ ɔnɔ mɛ.

Hebrianɛ 10:25

Nɔtɛkɔ bɔshɛnɛ ahɔɛ nɛ tɛtsyɔatsyɔa itsu shu, ɔmɔ asɛ kɛbhɛtɛ gɛ beteli baabhɛtɛ ana, pɔ nɔkɔ bɔkpɛ bagɔlɔ emi, kɛlɛ nɔbhɛtɛ ɛlɛ ɔtɔɖɔ ɔdɛ, gɛ nɔɔ mɔ ɔsɛ Kiwuiɛ tso ubaa.

Tito 2:15

Ebui alɛ kɛlɛ sɛ tɛ ɔkasɛ. Kpɛ balɛ emi tɛ̀ ɔlɔkɔ ɔshakpɛkpɛ petee otseɖenɔ nɛ alɛ. Tɛkɔ ananà amɔ wɔ esi.

Timoteo 1 6:2

Bagɛ balɛ apaleteɛ ayɛkɛ Kristo abha ŋã batɛ ɖɔ ɔsɛ badzya benu soɔ batɛ akpɛ kɛtakpu esi akɔ balɛ apalete alɛ. Nɛ kɛlɛ inye mɛɛ, kɛlɛ sɛ tɛ bedzi baxɔ̃ɛdɛ gbangbã ɔkɔ alɛ, ɔmɔsɛ bagɛ amɔ kibui gbangbã odenɔ balɛ axɔ̃ɛ wɔawɔa mɛ enu bayɛyɛkɛŋã, pɛ badɛmɛ alɛ kibui. Ebui alɛ kɛlɛ sɛ tɛ ɔkasɛ tɛ nɔlɔkɔ kpalà alɛ nɔ.

Timoteo 1 1:4

alo tɛ̀ balɔkɔ ishu ashɔkpɛ asɛnɛ ebui nɛ̀ eshopo tɛshɔshɔrɔ gɛeti beleɛ mɛ. Ebui alɛ amana kawlɔ̃akɛ ebui ɔdɛ Owusoso Akaa kɛxɔ̃ɛ-gɛinu tɛyɛyɛkɛŋã.

Tesalonikanɛ 2 3:12

Banɔ alɛ nɛidi bɔkɔ ɔsha pɛ bɔkpalà alɛ nɛ Apalete Yesu mɛ sɛ bapɛ ɔkɔ toli azã tɛ bawɔa kɛxɔ̃ɛ tɛ baŋã ɔdɔ̃.

Tesalonikanɛ 1 4:18

Klisoɔ nɔkpɛ bagɔlɔ kemi nɛ̀ ebui alɛ.

Tesalonikanɛ 1 4:1

Otsi alɛ mɛ adzya alɛ mɔ, bɔkɔ wɔnɔ ɔsha nɛ kana gɛ nɔbɔzã nɛ̀ ɛkpã pɛ lɛba shɔnɔ Owusoso Akaa, asɛ ɛkpã gɛ nodzinɔ. Otsi nɔ bubisi denɔ wɔnɔ ahɔɛ mɛ kɛlɛ bɔkpalà wɔnɔ nɛ Apaleteɛ Yesu mɛ tɛ nɔbhɛtɛ kana odzinɔ bhɛtɛ.

Tesalonikanɛ 1 3:2

Bɔsɛsɛ Timoteo, gɛenu bɔlɔ adzya nɛ̀ Owusoso Akaa axɔ̃ɛwɔa ɔkɔ Kristo yɛibuiɛ tɛkakanà, sɛ tɛ akpɛ wɔnɔ ohumi nɛ̀ tɛ̀ akpɛ wɔnɔ kemi nɛ wɔnɔ tɛyɛyɛkɛŋã mɛ,

Tesalonikanɛ 1 2:11

Ɔmɔsɛ nonyi kana gɛ bɔnyana wɔnɔ mɛ aka nyia aka vunɔ asɛ kana gɛ eyiaka abhɛtɛ̀ yɛeyi alɛ ana,

Koloseanɛ 4:8

Ɛsɛsɛ yɛ nɛ wɔnɔ ɔkɔ, sɛ tɛ akɔ wɔnɔ tititì nɛ bɔlɔ ɔtɔ shu tɛ alɔkɔ akpɛ wɔnɔ etúɔ emi nɔ.

Efesoanɛ 4:29

Nɔtɛ kɔ kibui kpa nanà de koeyi nɛ ɔnɔ olugbũɔ mɛ oɖi, pɔ kɛgɛ ba plɛnɔ pɛ nɔ bɔbhɔ babhlatɔ ɔtɔɖɔ nɛ kɛpɛɛ gɛ bapɛ ulũ, tɛ kɛkɔ sɛ bagɛ elũ kibuiɛ amɔ kibui tili edenɔ ɛlɛ mɛ.

Korintoanɛ 2 2:7

Pɔ otsiɛnɔ, kɛlɛ sɛ tɛ nɔlɔkɔ otsye yɛ tɛ nɔyɔ yɛishu mɛ, sɛ tɛ ɔwɔ̃nyɔnɔ gbagbla ɔtɛbɔ ŋã yɛabha.

Korintoanɛ 2 1:4

anɔ gɛ yɛayɔ bɔlɔ ishumɛ odenɔ bɔlɔ bɔtɔ petee gɛ bɔmɔ mɛ, sɛ tɛ bɔlɔ tsyɛ lɔkɔ ishumɛ yɔyɔ gɛ bɔmɔ denɔ Owusoso Akaa ɔkɔ yɔ ishumɛ ɔkɔ bagɛ bamɔ bɔtɔ.

Korintoanɛ 1 14:17

Obozohu ahɔɛ piapii xɔnɔ, pɔ ɔgɛbhɔ anɔbhla xɔnɔ ewunɔ kabha.

Korintoanɛ 1 8:1

Otsiɛ nɛ bɔŋaŋãa gɛ batɔ akɔ ibudiɛ shuɔ, bunyi ɔsɛ kɛlɛ tititì mɛ ɔkɔ ɔlɔ petee. Bubutì kɔ befeke ishu, pɔ tɛdɛdɛmɛ nɔ xɔnɔ bhɔ banɔ ewunɔ kabha.

Romanɛ 15:2

Kɛlɛ sɛ tɛ bɔlɔ ɔmayɛmɛ aka nyia aka abhɛtɛ kɛgɛ baku yɛɔhagbo awɔ̃, pɛ ebeshe atɔɖɔ nɛ yɛtɛyɛyɛkɛŋã mɛ.

Romanɛ 12:8

onupɛ anɔ teli yɛyɛ́ kɛlinu sɛ tɛ akpɛ banɔ emiɛ, nɔkɔ yɛakpɛ banɔ emi, anunɔ gɛ àkɔ bagɛ kɛdɔ̃ nanà ma balɛ ahɔɛɛ, azakɔ balɛ nɛ̀ ɛyamɛ gbangbã, onupɛ banɔ gbagbana ɛxɔ̃ɛ anunɔ ayɛkɛ, agbana banunɔ piapii, kɛlɛ onupɛ ashagabui ɖiɖi anunɔ ayɛkɛ tsyɛɛ, eɖi ashagabuiɛ nɛ same mɔmɔ mɛ.

Banɔkpɛkpɛ Axɔ̃ɛ 15:32

Yuda nɛ̀ Sila gɛedzi ebuiɖɔluanɔ baɖɔ ebui gele alɔkɔ akpɛ badzya kemi nɛ̀ ohumi nɔ.

Banɔkpɛkpɛ Axɔ̃ɛ 14:22

pɛ bazakpɛ badɔkpasɛnɛ ohumi nɛ̀ kemi tɛ̀ bazã tɛyɛyɛkɛŋã gɛinu kibui gbã nabha. “Kɛlɛ ɔsɛ bɔgã bɔtɔ̀ gele mɛ flogo tɛ bɔmɔ kidzo ɔvɛ Owusoso Akaa bukusi ŋaŋã mɛ.”

Banɔkpɛkpɛ Axɔ̃ɛ 9:31

Kɛlɛ ɔhaa petee gɛzã Yudea, Galilea nɛ̀ Samaria ɔdɔ̃ mɛɛ abamɔ ishu yɔyɔ nɛ kibè ɛlɛ. Ɔfɔfuĩa Gbangbã ɔkpɛ kemì ɔkɔ ɔhaa, kɛlɛ ɔhamɛ banunɔ ekpè atɔɖɔ kɛlɛ bazã nɛ̀ ɛkpã pɛ beesi Apaleteɛ nifù.

Hebrianɛ 3:13

Pɔ nɔkpɛ bagɔlɔ emi iwui nyiɛ iwui, gɛ kiwui lɛ bekulu asɛ Oboɔ nɔ, sɛ tɛ wɔnɔ mɛ ananà aba gagalĩ atɔ̃ nɛ anɔ wɔɛwɔɛ mɛ.

Banɔkpɛkpɛ Axɔ̃ɛ 4:36

Yosef Levieyi teli gɛede Kipro pɛ banɔkpɛkpɛ ekulu yɛasɛ Barnaba (kinye niesi kɛlɛinu ɔsɛ, eyi gɛ akpɛ anɔ kemi).