Korintoanɛ 1 14:2 - Nyangbo New Testament

² Ɔmɔsɛ anɔka nyia ka gɛ ehu beluhũ vɔvɔ, gɛnɛ banɔ yɛehu bɔlɛ akɔ pɔ Owusoso Akaa. Kibui gbã, ananà etielũ kɛgɛ yɛaɖɔ niesi, aɖɔ ebui gɛ labhɛtɛ kibì nɛ̀ yɛ ɔfɔfuĩa nɔ ohumi.

Korintoanɛ 1 14:2 Referans Kwoze

Banɔkpɛkpɛ Axɔ̃ɛ 19:6

Gɛ Paulo atɔɖɔ yɛhɔɛ nɛ balɛ abha koɔ, Ɔfɔfuĩa Gbangbã ɔba balɛ abha kɛlɛ baɖɔaɖɔ nɛ beluhũ vɔvɔ mɛ pɛ baɖɔ ebui elú.

Banɔkpɛkpɛ Axɔ̃ɛ 10:46

Ɔmɔsɛ belũ gɛ bezehu beluhũ vɔvɔ pɛ baakpɛ Owusoso Akaa nɛinyè nɛitití. Kɛlɛ Petro aɖɔ asɛ,

Korintoanɛ 1 13:2

Onupɛ kibuiɖɔlu kɛdɔ̃ kɔkɔ gɛbalà ebui kpukpũ nɛ bubutì ebui bukasɛ lɛ mɛahɔɛ, kɛlɛ tɛyɛyɛkɛŋã gɛbalà betu akpa ebu lɛ mɛahɔɛ, pɛ tɛdɛdɛmɛ nɔ ma mɛahɔɛ elo, itinu kɛdɔ̃ nanà.

Korintoanɛ 1 2:10

pɔ Owusoso Akaa ebu alɛ akasɛ bɔlɔ xɔnɔ ganà yɛ Ɔfɔfuĩa nɔ mɛ. Ɔfɔfuĩa ɔpɔ̃ɛ ebuiɛ petee mɛ, Owusoso Akaa yɛebui dzudzuɔ mɛ tsyɛ.

Kibui Bubú Kasɛ 10:7

Pɔ nɛ kiwui nabha gɛ axɔ̃ɛdɛ gegenemiɛ ababɔ yɛexoele nɔɔ, kɛlɛ Owusoso Akaa ebui kpukpũɔ nyɔ̃ɔ ababá alɛ mɛ, asɛ kɛɖɔ gɛ aɖɔ etseɖe yɛaxɔ̃ɛdɛ gɛenu ebuiɖɔluanɛ.”

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.

Timoteo 1 3:9

Kɛlɛ sɛ bedzi banɔ gɛ banyana tɛyɛyɛkɛŋã ebui kpukpũɔ gɛedzuɔ mɛ evunɔ nɛitú dadalɛ mɛ.

Koloseanɛ 2:2

Kɛgɛ ɛtɔɖɔ kɛlɛinu ɔsɛ tɛ̀ bamɔ̃ kemikpɛkpɛ nɛ alɛ etúɔ mɛ tɛ̀ babhɛtɛ tenikpo nɛ tɛdɛdɛmɛ nɔ mɛ, sɛ tɛ bamɔ ehoeyi ɔdɔ̃ petee nɛ ebui esi lulũ mɛ, sɛ tɛ̀ betì Owusoso Akaa ebui kpukpũɔ gɛ bekulu asɛ Kristoɔ,

Efesoanɛ 6:19

Nɔ okulu Owusoso Akaa kɔ mɛ tsyɛ, sɛ tɛ onupɛ ɛdalɛ mɛolugbũɔ, babàkɔ mɛ ebui ɖɔɖɔ sɛ tɛ ɛdalɛ kibui kpukpũɔ gɛ kpasɛ kibui gbangbã mɛ kifù masi masi,

Korintoanɛ 1 15:51

Nɔtaatɔ̃ tɛ̀ mɛitseɖe wɔnɔ kibui kpukpũ ɛlɛ. Bɔlɔ nyɔ̃ɔ tɛbàtsí, pɔ bebètsyina bɔlɔ nyɔ̃ɔ,

Korintoanɛ 1 2:7

Oo, Owusoso Akaa bubutiɛ gɛ bukpũɔ shu bɔɖɔ kaɖɔ, bubutìɛ gɛ bekpũ bɔlɛ pɛ Owusoso Akaa abalɛ elú akɔ bɔlɔ shu dadalɛ flogo pɛ kanɔ nɔ̀ abakpɛ kesi.

Romanɛ 16:25

Anunɔ gɛ yɛalà ayɛkɛ wɔnɔ edzu nɛ ɛkpã ɔgana Kibui Gbangbã gɛ ɛkasɛ ɔnɔ mɛ nɛ Yesu Kristo shu, nɛ̀ kibu gɛ bebu ebui kpukpũɔ gɛ lalɛ alɛ ɔzãkɔ odenɔ kuku ibeɛ,

Banɔkpɛkpɛ Axɔ̃ɛ 22:9

Mɛɔhayɛ amɔ kifúɔ giboeleɛ, pɔ begitì anunɔ gɛ yɛoliɛ mɛ ɔlɔ ɖɔaɖɔ tseɖe mɛ.

Korintoanɛ 1 14:16

Onupɛ ɔɔkpɛ̀ Owusoso Akaa nɛinye nɛitití nɛ wɔ ɔfɔfuĩa nɔ, kiɖe anunɔ gɛ akpasɛ bagɛ begilũ kɛliesi mɛ abaɖɔ sɛ “Amen” ɔkɔ ahɔɛ gɛ ohuɔ, nɛ kibeɛ gɛ egilũ kibui nɔnɔ gɛ kɛlɛ wɔɖɔ niesiɛ dza?

Korintoanɛ 1 12:10

anɔ teli tsyɛ bakɔɛ ohumi gɛ lɔbhɛtɛ ebui gɛ labhɛtɛ kibì, teli tsyɛ kibui ɖɔɖɔlu, teli tsyɛ tɛ̀ amɔ Ɛfɔfuĩa nɔ gɛinu ɛgbangbã nɛ̀ ɛkpa, teli tsyɛ kaɖɔɖɔɖɔ nɛ beluhũ bhlatɔ mɛ, kɛlɛ teliɛ tsyɛ tɛ ebu beluhũ vɔvɔ huhuɔ niesi.

Korintoanɛ 1 12:28

Kɛlɛ nɛ ɔhaa mɛ tsyɛ, Owusoso Akaa eputɔ ebu banɔkpɛkpɛ, babhalà balɛenu ebuiɖɔluanɔ, batramɛ balɛenu badɔkasɛ, flogo pɛ bagɛ abhɛtɛ̀ ebui gɛ abhɛtɛ̀ ibì, ɔplɛnɔ bagɛ bɔnyã bubu nɛ̀, baagɛ aplɛnɔ banɔ, bagɛ bazã banɔ ulũ nɛ̀ bagɛ behu beluhũ vɔvɔ.

Korintoanɛ 1 13:1

Onupɛ ihu beluhũ vɔvɔ petee gɛ banɔdzyrameɛ nɛ̀ baxɔ̃ɛdɛ tsyɛ ehuɔ, pɛ tɛdɛdɛmɛ nɔ nɛ̀ anɔ ama mɛahɔɛ, kɛlɛ mɛ kaɖɔ ɖɔɖɔ edzi asɛ ɔgã alo kesipɛ̃ kpá gɛ kalɛ tiyiyi pɔɛ banɔ atɔ̃ mɛ ana.

Korintoanɛ 1 14:26

Mɛadzya alɛ mɔ, kiɖe buwlui zɛbaɖɔ dza? Onupɛ nobo shogòɔ, ɔdzɛ zhazhã ɔlɛ aka nyia aka ahɔɛ alo kibui gɛ balɔkɔ akpalà anɔ, kibui bubu kasɛ, beluhũ vɔvɔ tihuhu nɛ̀ bɔlɛ esi bubu lɛ aka nyia aka ahɔɛ. Kɛlɛ sɛ babhɛtɛ alɛ nyɔ̃ɔ tɛ ledzi ohumi kpɛkpɛ ɔkɔ ɔhaa.