Korintoanɛ 1 14:1 - Nyangbo New Testament

¹ Nɔtɔnɔ tɛdɛdɛmɛ nɔ kidzoɔ ede gagalĩ, tɛ̀ nɔpɛ ɔfɔfuĩa mɛ bɔdɔ̃ kɔkɔ, asɛ kibuiɖɔlu bɔdɔ̃ kɔkɔ ana.

Korintoanɛ 1 14:1 Referans Kwoze

Korintoanɛ 1 14:39

Klisoɔ, mɛadzya alɛ mɔ, nɔkpɛ kemi tɛ̀ nɔɖɔ kibui elú, kɛlɛ nɔtɛ zɔkɔ kaɖɔɖɔ ɔyɔlɔ nɛ beluhũ vɔvɔ mɛ tsyɛ.

Hebrianɛ 12:14

Nɔgã idzo ka nyia ka abha tɛ nɔzã nɛ ishu yɔyɔ mɛ nɛ̀ anɔ ka nyia ka tɛ wɔnɔ shu dalɛ, ɔmɔsɛ onu anɛ tɛdadalɛ mɛɛ, anɔ nanà atɛ balà amɔ Apaleteɛ.

Timoteo 1 4:14

Tɛ shɛnɛ ahɔɛ nɛ wɔ bɔdɔ̃ kɔkɔ gɛ bakɔ wɔ ɔgana ebuiɖɔɖɔ luɔ shu, nɛ kibeɛ gɛ banɔ sheshèɛ ɛzaa nɛ̀ ɔhaa mɛ tɔɖɔ ahɔɛ nɛ wɔabhaa.

Korintoanɛ 1 16:14

Nɔbhɛtɛ kɛka nyia ka nɛ tɛdɛdɛmɛ nɔ mɛ.

Korintoanɛ 1 12:1

Mɛ adzya alɛ, otsiɛ nɛ ɔfɔfuĩa mɛ kɛdɔ̃ kɔkɔ shuɔ, ɛgɛ pɛ sɛ tɛ̀ kɛzã tikpukpũ mɛ kɔ wɔnɔ.

Korintoanɛ 1 13:13

Kliso otsiɛ nɔ ebui tatá alɛ alalɛ, tɛyɛyɛkɛŋã, kidzo mɛɖiɖi nɛ̀ tɛdɛdɛmɛ nɔ. Pɔ kɛgɛ gbogbolo ɔdɛ nɛ alɛ nɛishiɛ kɛlɛinu tɛdɛdɛmɛ nɔ.

Tesalonikanɛ 1 5:20

nɔtɛ lɔkɔ ebuiɖɔlu ebuiɛ wɔ ufù nɔ.

Timoteo 1 6:11

Pɔ wɔ, Owusoso Akaa anɔ, bu tɛtsɛɖɛ mɛ ɔshɛ nɛ ebui alɛ petee shu, tɛ ɔtɔnɔ ebui gbangbã tɛbhɛbhɛtɛ, Owusoso Akaa mɛ tɛzazã, tɛyɛyɛkɛŋã, tɛdɛdɛmɛ nɔ, kemikpɛkpɛ nɛ̀ anɔ yɔyɔ tidzidzi ede.

Korintoanɛ 1 14:37

Onupɛ abhɛtɛ anɔ teli asɛ enu ebuiɖɔluanɔ alo ayɛkɛ ɔfɔfuĩa mɛ kɛdɔ̃ kɔkɔɔ, nɔkɔ yɛetì asɛ kibuiɛ gɛ ɛfɔnɔ kɔ wɔnɔ nu Apaleteɛ ɔsha kpɛkpɛ.

Timoteo 1 5:10

pɛ benyi yɛ piapii ɔkɔ yɛ ebui gbangbã tɛbhɛbhɛtɛ, asɛ beyi abha tiɖiɖi ana, asɛ beefu tɛyɛyɛkɛ, anɔ gɛ eplu bɔtsɛɖɛkpɔ akɔ banɔ dadalɛ, anɔ gɛ aplɛnɔ bagɛ beku kibui mɛ pɛ alɔkɔ yɛishu akpɛ ebui gbangbã ka nyia ka tɛbhɛbhɛtɛ mɛ.

Efesoanɛ 1:3

Nɔkɔ bɔkpɛ Owusoso Akaa gɛenu bɔlɔ Apalete Yesu Kristo Yɛakaa nɛinye nɛitití, anɔ gɛ alɔkɔ ɔfɔfuĩa mɛ tiyuyula ka nyia ɛdi gɛ kpasɛ Kristo mɛ eyula akɔ ɔlɔ odenɔ kititiɛ.

Korintoanɛ 1 12:31

Pɔ nɔpɛ kɛdɔ̃ kɔkɔ gigboglo ɔdɛ. Kɛlɛ otsiɛnɔ ɛbakasɛ wɔnɔ kidzoɔ gɛ pɛ ɔdɛ.

Yohanes 3 1:11

Mɛɔbhia gɛ ɛdɛmɛ nɔ, tiɖi kibui kpa tɛ̀ ɔbhɛtɛ̀ nɛ kɛlɛ ulũ, pɔ ɖi kɛgɛ pɛ̃ tɛ ɔbhɛtɛ̀ nɛ ɛlɛ shu. Anunɔ gɛ abhɛtɛ kibui gbangbã, enu anɔ gɛ ede Owusoso Akaa ɔkɔ. Anunɔ gɛ abhɛtɛ̀ ebui kpa etinyi Owusoso Akaa.

Petro 2 1:7

tɛ̀ Akaa mɛ tɛzaã plɛnɔ ɛyamɛ gbangbã bhɛbhɛtɛ ɔkɔ adzya, tɛ̀ ɛyamɛ gbangbã ɔkɔ adzya plɛnɔ tɛdɛdɛmɛ nɔ nɛ̀ anɔ.

Romanɛ 12:6

Bɔdɔ̃ kɔkɔ ediedi alɛ bɔlɔ ahɔɛ nɛ tibhui bhuibuɔ gɛ bakɔ ɔlɛ nulũ. Anunɔ gɛ yɛdɔ̃ kɔkɔ kɛlɛinu ɔsɛ tɛ aɖɔ ebui eluɔ, aɖɔ alɛ elu nɛ kɛkɔ gɛ bakɔɛ nɛ yɛibui tɛyɛyɛkɛŋã nulũ.

Timoteo 2 2:22

Bu tɛtsɛɖɛ mɛ ɔshɛ nɛ bɔyisɔ̃ mɛ ebui zizĩ tɛpɛpɛ shu, tɛ ɔtɔnɔ ebuiɛ gɛ alɛishu adalɛ, gɛenu tɛyɛyɛkɛŋã, tɛdɛdɛmɛ nɔ nɛ̀ ishu yɔyɔ ede, ɔlɔkɔ plɛnɔ bagɛ bekulu Apaleteɛ odenɔ kitúɔ gɛ dalɛ mɛ.

Romanɛ 9:30

Kiɖuwoe lu bɔbaɖɔ? Gɛ bagɛ betinu Yudanɛ agɛ tɔnɔ tɛzazã piapii ede tsyɛ elo, bamɔ tɛzazã piapii ɔgana tɛyɛyɛkɛŋã mɛ,

Romanɛ 14:19

Kliso nɔkɔ bɔkpɛ emi tɛ bɔbhɛtɛ kɛgɛ bamana ishu yɔyɔɔ, tɛ bɔbhɛtɛ ebuiɛ gɛ bɔba lɔkɔ kpɛ bagɔlɔ ohumi nɔɔ nɔ̀.

Korintoanɛ 1 13:2

Onupɛ kibuiɖɔlu kɛdɔ̃ kɔkɔ gɛbalà ebui kpukpũ nɛ bubutì ebui bukasɛ lɛ mɛahɔɛ, kɛlɛ tɛyɛyɛkɛŋã gɛbalà betu akpa ebu lɛ mɛahɔɛ, pɛ tɛdɛdɛmɛ nɔ ma mɛahɔɛ elo, itinu kɛdɔ̃ nanà.

Korintoanɛ 1 14:22

Beluhũvɔvɔ xɔnɔ, kibui bubukasɛ kinu, gɛnɛ kɔ bagɛ ayɛkɛ aŋã, pɔ ɔkɔ bagɛ agɛ yɛkɛ aŋã, kibuiɖɔlu xɔnɔ, kɛlɛ ɔkɔ bagɛ ayɛkɛ aŋãa, gɛnɛ bagɛ agɛ yɛkɛŋãa.