Korintoanɛ 1 13:4 - Nyangbo New Testament

⁴ Tɛdɛdɛmɛ nɔ tɛdɔ fɔ̃ɔ, tɛdɛdɛmɛ nɔ nu ɛyamɛ gbangbã bhɛbhɛtɛ. Tɛdɛdɛmɛ nɔ tɛkpɛ̀ anɔ awɔ̃, tɛdɛdɛmɛ nɔ titũ ahɔɛ nɛ kitelũ, tɛdɛdɛmɛ nɔ tifeke ishu.

Korintoanɛ 1 13:4 Referans Kwoze

Petro 1 4:8

Kɛgɛ dɛ alɛ peteɛ, nu ɔsɛ nɔdɛmɛ nɔ nɛ̀ bagɔlɔ piapii, ɔmɔsɛ tɛdɛdɛmɛ nɔ dã ebui kpa bhɛbhɛtɛ gelee ulũ.

Efesoanɛ 4:32

Nɔbhɛtɛ ɛyamɛ gbangbã tɛ nɔdɛmɛ nɔ nɛ̀ bagɔlɔ, nɔlɔkɔ kibui otsye agɔlɔ, asɛ kana gɛ ɔgana Kristo mɛɛ, Owusoso Akaa alɔkɔ etsye ɔnɔ.

Koloseanɛ 3:12

Kliso asɛ banɔ gɛ Owusoso Akaa ebu elù, gɛ balɛishu dalɛ pɛ adɛmɛ nɛ alɛ ana, nɔlɔkɔ ashagabui ɖiɖi, ɛyamɛ gbangbã tɛbhɛbhɛtɛ, ishu esi zhizhini, ishu nyanyana ovunɔ nɛ̀ kitu esi lulu ɔkpɛ asɛ akpɛkpɛ.

Yohanes 1 4:11

Mɛɔbhia alɛ gɛ ɛdɛmɛ nɔ, gɛ Owusoso Akaa adɛmɛ ɔlɔ ibui soɔ, kɛlɛ sɛ bɔlɔ tsyɛ dɛmɛ nɛ̀ bagɔlɔ.

Petro 1 3:8

Gɔgɔɛ nɔ mɔ, wɔnɔ petee, nɔzã tenikpo nɛ̀ bagɔlɔ, nɔobì ɔkɔ bagɔlɔ, nɔdɛmɛ nɛ̀ anɔ asɛ baadzya ana, nɔoɖi ashagabui tɛ nɔozhinì wɔnɔ ishu esi.

Tesalonikanɛ 1 5:14

Bɔlɔ adzya alɛ mɔ, bɔkpalà ɔnɔ sɛ tɛ notseɖe nɔ nɛ̀ bagɛ benu banɔ zhɔzhɔrɛ, nɔkpɛ bagɛ kitu bhui balɛ ohuiɛ kemi, nɔplɛnɔ bagɛ ebotsoɔ, tɛ̀ nɔdɔ fɔ̃ɔ ɔkɔ anɔ ka nyia ka.

Petro 2 1:7

tɛ̀ Akaa mɛ tɛzaã plɛnɔ ɛyamɛ gbangbã bhɛbhɛtɛ ɔkɔ adzya, tɛ̀ ɛyamɛ gbangbã ɔkɔ adzya plɛnɔ tɛdɛdɛmɛ nɔ nɛ̀ anɔ.

Efesoanɛ 4:2

Nɔ ozhinì ishu esi tɛ nɔ nyanà ishu ovunɔ piapii, nɔdɔ fɔ̃ɔ, tɛ nɔmɔ̃ ɔtɔ mɛ kɔ agɔlɔ nɛ tɛdɛdɛmɛ nɔ mɛ.

Korintoanɛ 2 6:6

nɛ ekpeɖekpeɖe gbangbã mɛ, ebui esi lulũ, kitú esi lulu nɛ̀ ɛyamɛ gbangbã tɛbhɛbhɛtɛ mɛ, nɛ Ɔfɔfuĩa Gbangbã mɛ tɛzazã nɛ̀ tɛdɛdɛmɛ nɔ gidzuɔ mɛ̀,

Koloseanɛ 1:11

tɛ̀ nɔzã gagalĩ nɛ̀ ohumi petee nɛ yɛ ohumi dadalɛ nulũ, sɛ tɛ̀ nɔmɔ kemi kpɛkpɛ nɛ̀ kitu esi lulu tɛ nozohu Akaa

Galatianɛ 5:26

Nɔtɛ kɔ buzi feke ɔlɔ ishu, tɛ bɔzɛ kpɛ bagɔlɔ ɔmɔpɔɛ nɛ̀ awɔ̃.

Korintoanɛ 1 4:6

Mɛdzya alɛ mɔ, mɛ nɛ̀ Apolo lɔkɔ ebui alɛ kɔ wɔnɔ nɛ wɔnɔ tɛpɛpɛ̃ shu, ɔsɛ tɛ nɔkpasɛ bɔdɔ̃ odenɔ bɔlɔkɔ tɛ nolũ ebui alɛ niesi ɔsɛ “Nɔtɛ bhɛtɛ ɔfalanɔ kɛgɛ bafɔnɔ eluɔ shu.” Sɛ tɛ notibo feke anana owunɔ kabha ɔdɛ yɛɔhagbo.

Timoteo 2 4:2

Ɖɔ Owusoso Akaa nɛibuiɛ, balɛ sɛ onupɛ banɔ apɛ asɛ tɛ belũ kibuiɛ alo tɛ betielũ ɛlɛ tsyɛo, woese anɔ, tseɖe nɛ̀ anɔ tɛ̀ ɔkpɛ banɔ emi-nɛ kitu esi lulũ nɛ̀ bɔdɔ̃ kakasɛ piapii mɛ.

Timoteo 2 3:10

Wɔ, onyi ibui odenɔ mɛɔdɔ̃ kakasɛ petee shu, mɛ ɛkpã gɛ idzinɔ, kɛgɛ ɛtɔɖɔ, mɛ tɛyɛyɛkɛŋã, mɛ kitú esi lulu, mɛ tɛdɛdɛmɛ nɔ, mɛ kemì tɛkpɛkpɛ,

Petro 1 2:1

Klisoɔ nɔobu ishu oyinɔ odenɔ banɔ shu zizĩ nɛ̀ banɔ wɔɛwɔɛ mɛ, asɛnɛ sɛsɛ, kawɔ̃kpɛ nɛ̀ banɔ ishutibui tɛɖɔɖɔ ka nyia ka ɛdi mɛ.

Tito 3:3

Kibè tili gɛ bafala, bɔlɔ tsyɛ zɛdɔ bɔga, bugizi lũ atɔ̃, bawɔɛ ɔlɔ budzi banɔ dzidzi ɔkɔ kanɔ mɛ bɔdɔ̃ nɛ̀ kalɛ mɛ same ebuiɛ petee. Bɔzana ɛkpã kpa kɛlɛ bɔkpɛ banɔ awɔ̃, bɔkɔ sɛ banɔ anyanã ɔlɔ akpɛ ɛyamɛ kɛlɛ bɔlɔ tsyɛ nyanã bagɔlɔ kpɛ ɛyamɛ.

Korintoanɛ 1 3:3

Kanɔ mɛ banɔ ete nonu. Gɛ kiwuhũ dzadzã nɛ̀ ebela ebui akpasɛ wɔnɔɛishiɛɛ, kɛlɛ kanɔ mɛ anɔ nonuɔ dza? Nɔtɛ ɔbhɛtɛ ebui ɔmɔ asɛ kanɔ nɔ̀ mɛ banɔ nɔ ete dza?

Banɔkpɛkpɛ Axɔ̃ɛ 7:9

Gɛ balɔkɔ kawɔ̃kpɛ nɛ Yosef shu soɔ, badɛ̀ yɛakɔ Egipteanɛ asɛ anɔ dzidzì ana. Pɔ, Owusoso Akaa azã aplɛnii,

Timoteo 2 2:25

Bagɛ balɔ kititì nɛishuɔ tsyɛɛ, kɛlɛ sɛ yɛishu mɛ yɔ tɛ ebu ebui esi ɔkɔ alɛ, nɛ̀ kidzo mɛ ɖiɖi ɔsɛ Owusoso Akaa abakɔ alɛ etú mɛ tsyitsyina gɛ ɛba gbana alɛ vɛnɔ kibui titìɛ gɛinu kibui gbã mɛ,

Timoteo 1 6:4

efeke yɛishu kɛlɛ etielũ kɛnanà esi. Enu anɔ gɛ akpɛ same nɛ ebui wɔawlɔ̃akɛ gɛ kesilulũ nanà ama alɛ shuɔ mɛ, ebela pɛpɛɛ nɛ̀ ebui gɛ la mana kiwuhũ dzadzã, anɔ nyanyana kpɛ ɛyamɛ, anɔ shu zizĩ ebui tɛɖɔɖɔ, kizizĩ tɛlɔlɔkɔ nɛ anɔ shu,

Korintoanɛ 1 8:1

Otsiɛ nɛ bɔŋaŋãa gɛ batɔ akɔ ibudiɛ shuɔ, bunyi ɔsɛ kɛlɛ tititì mɛ ɔkɔ ɔlɔ petee. Bubutì kɔ befeke ishu, pɔ tɛdɛdɛmɛ nɔ xɔnɔ bhɔ banɔ ewunɔ kabha.

Romanɛ 1:29

Banunɔ mɛ eyuku nɛ̀ atakpu mɛ gagalĩ, ebui zizĩ, mɛete ɛyɛ tɛpɛpɛ̃ nɛ̀ banɔ tidzyidzyini ɔkpɛ, alɛ ayɛkɛ alɛ mɛ. Ebui kpa bhlatɔ enu awuhũ dzadzã nɛ banɔ shu, banɔ yiyí, ebla pɛpɛ, banɔ wɔɛwɔ̀ɛ nɛ̀ ɔhagbo shu tizizĩ. Benu olugbũedzi agagã anɔ,

Yakobo 4:5

Pɛnɔsɛ noɖi ɔsɛ kibui ete ko baɖɔ elu nɛ Kibui fɔfɔnɔ luuɔ mɛ ɔsɛ, yɛɔfɔfuĩa nɔ gɛ akɔ asɛ lɔzã ɔlɔ mɛɛ ɔwlɔãkɛ abhã gagalĩi.

Korintoanɛ 1 4:18

Wɔnɔ mɛ beteli ezefeke balɛishu, asɛ gɛ onupɛ ɛka bà wɔnɔ ɔbha oɖi ana.

Romanɛ 13:13

Nɔkɔ bɔzã nɛ ɛkpã gbangbã asɛ kiwui dadalɛ mɛ ana, tɛ bɔta bhɛtɛ agbagbà ebui asɛ bɔmɔ same, tɛ bɔzɛwɔ̃ɛ bunũ tizì buku, tɛ bɔɔbhɛtɛ banyɛ nɛ̀ badzɛ ebui pɛ bɔbaatɛ ishu lu esi. Kɛgɛ pɛ ɔsɛ tɛ bɔɔkpɛ ɔmɔpɔɛ tɛ bɔzɛpɛ ebalá alo tɛ bɔzɛdzã awuhũ nɛ bagɔlɔ shu.

Koloseanɛ 2:18

Nɔtɛkɔ anɔ nanà gɛ adɛmɛ ezhini ishu esi nɛ asɛnɛ mɛ, pɛ aakpɛ kɛtakpu esi ɔkɔ baxɔ̃ɛdɛ abhɛtɛ akɔ nɔtɛ mɔ kɛbhɛ̃ babuia nɔ. Anɔ alɛ nɛidiɛ anyɔ̃ ebui mɛ nɛ ebuiɛ gɛ amɔ̃ shu, kɛlɛ yɛ ekpeɖekpeɖeɛ gɛ ama ɔfɔfuĩa nɔ mɛ akɔ efeke yɛishu nɛ kɛgɛ ma kɛnanà mɛ shu.

Filipianɛ 1:15

Kibui gbã kinu ɔsɛ, beteli aɖɔ Kristo ibuiɛ nɛ kiwuhũ dzadzã nɛ̀ kabhã wɔawlɔ̃akɛ mɛ, pɔ teli xɔnɔ̃ aɖɔ ɛlɛ ɔganà kibui gbangbã mɛ.

Korintoanɛ 2 12:20

Ɔmɔsɛ kifù yimɛ sɛ onupɛ ɛba wɔnɔ ɔkɔ, ɛtɛbà mɔ wɔnɔ asɛ kana gɛ ɛpɛ sɛ nɔzã, kɛlɛ wɔnɔ tsyɛ ɔtɛbɔ mɔ mɛ asɛ kana gɛ nɔpɛ ɔsɛ tɛ mɛzã. Kifù yimɛ ɔsɛ ebelà pɛpɛ ebui, kabhãwawlakɛ ebui, ɔmɔpɔɛ kpɛkpɛ, ɔhakpa yaya, kaɖɔ kpa tɛɖɔɖɔ, banɔ shu tizizĩ, ishu fefeke nɛ̀ kawlɔ̃akɛ ebui ebeku wɔnɔ mɛ.

Korintoanɛ 1 5:2

Kɛlɛ nofeke wɔnɔ ishu! Gɛnɛ ɔwɔ̃nyɔnɔ boŋ ɔlɔtɔzã wɔnɔ mɛ pɛ notobu anyɛ gɛ abhɛtɛ kibui ɛlɛ oyinɔ nɛ wɔnɔ ɛshiɛ dza?