2 Onupɛ kibuiɖɔlu kɛdɔ̃ kɔkɔ gɛbalà ebui kpukpũ nɛ bubutì ebui bukasɛ lɛ mɛahɔɛ, kɛlɛ tɛyɛyɛkɛŋã gɛbalà betu akpa ebu lɛ mɛahɔɛ, pɛ tɛdɛdɛmɛ nɔ ma mɛahɔɛ elo, itinu kɛdɔ̃ nanà.
Anɔ nyia anɔ gɛ atɛ dɛmɛ nɛ̀ anɔ, etinyi Owusoso Akaa, ɔmɔsɛ Owusoso Akaa adɛmɛ nɛ̀ anɔ.
Onupɛ ɛlɔkɔ mɛ bɔdɔ̃ petee gɛlɛ mɛahɔɛ kɔ́ bahɔɛkpà eleteɛ pɛ ɛlɔkɔ mɛishu kɔ bapɔɛ awɔwɔɔ tsyɛ, pɛ tɛdɛdɛmɛ nɔ ɔmá mɛahɔɛ, ɛtɛba mɔ kɛdɔ̃ nanà.
Onupɛ anɔ teli agɛ dɛmɛ nɔ nɛ Apaleteɛ, kibui ɖɔɖɔ ɔkpɛ anɔ zã yiede. O, Apalete, ba!
Denɔ kibui ɛlɛ tɛkaklà mɛ, nɔobolũ mɛibui ɛlɛ mɛ piapi nɛ Kristo yɛebui kpukpũɔ shu,
Onupɛ ihu beluhũ vɔvɔ petee gɛ banɔdzyrameɛ nɛ̀ baxɔ̃ɛdɛ tsyɛ ehuɔ, pɛ tɛdɛdɛmɛ nɔ nɛ̀ anɔ ama mɛahɔɛ, kɛlɛ mɛ kaɖɔ ɖɔɖɔ edzi asɛ ɔgã alo kesipɛ̃ kpá gɛ kalɛ tiyiyi pɔɛ banɔ atɔ̃ mɛ ana.
Kliso ɛɖɔ sɛ, nɔzã nɛ̀ ɛkpã nɛ ɔfɔfuĩa nulũ, kɛlɛ nɔzɔkɔ kpɛ same nɛ̀ kanɔ alɛ mɛ ebui kpa tɛpɛpɛ nɔ shu.
gɛenu ebui kpukpũɔ gɛ balɔkɔ ekpũ agɔ kpekpè nɛ alɛ pɛ bɔmɔ̃ gelee bafala, pɔ otsi bebu ɛlɛ akasɛ banɔ dadalɛ.
Onupɛ anɔ teli eɖi asɛ enu kɛdɔ̃ tili pɔ ama kɛnanà mɛɛ, ishu yɛawɔɛ.
Pɔ Ɔfɔfuĩa nɔ eyuyuɔ yɛenu tɛdɛdɛmɛ nɔ, same mɔmɔ, ishu yɔyɔ, tɛdɔdɔ fɔ̃ɔ, ɛyamɛ gbangbã tɛbhɛbhɛtɛ, kibui gbangbã tɛbhɛbhɛtɛ, kibui gbã tɛɖɔɖɔ,
Kɛlɛ nɛ ɔhaa mɛ tsyɛ, Owusoso Akaa eputɔ ebu banɔkpɛkpɛ, babhalà balɛenu ebuiɖɔluanɔ, batramɛ balɛenu badɔkasɛ, flogo pɛ bagɛ abhɛtɛ̀ ebui gɛ abhɛtɛ̀ ibì, ɔplɛnɔ bagɛ bɔnyã bubu nɛ̀, baagɛ aplɛnɔ banɔ, bagɛ bazã banɔ ulũ nɛ̀ bagɛ behu beluhũ vɔvɔ.
Kɛhɔ̃a bhui bhui tinu kɛdɔ̃ nanà, kɛhɔ̃a gɛ begi bhui tsyɛ itinu kɛdɔ̃ nanà. Owusoso Akaa ɔshaa nabha tɛbhɛ bhɛtɛ kɛlɛinu kɛgɛ pɛ ɔdɛ.
Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.
Nɔ okulu Owusoso Akaa kɔ mɛ tsyɛ, sɛ tɛ onupɛ ɛdalɛ mɛolugbũɔ, babàkɔ mɛ ebui ɖɔɖɔ sɛ tɛ ɛdalɛ kibui kpukpũɔ gɛ kpasɛ kibui gbangbã mɛ kifù masi masi,
Klisoɔ, kɛlɛ sɛ aka nyia aka alɔkɔ bɔlɔ asɛ Kristo yɛanɔkpɛkpɛ ana, nɛ̀ asɛ bagɛ balɔkɔ Owusoso Akaa yɛebui kpũkpũɔ akpɛ ahɔɛ akɔ alɛ ana.
Anunɔ gɛ yɛalà ayɛkɛ wɔnɔ edzu nɛ ɛkpã ɔgana Kibui Gbangbã gɛ ɛkasɛ ɔnɔ mɛ nɛ Yesu Kristo shu, nɛ̀ kibu gɛ bebu ebui kpukpũɔ gɛ lalɛ alɛ ɔzãkɔ odenɔ kuku ibeɛ,
Ɛpɛ sɛ tɛ mɛkɔ noti kibui nɛ kibui kpukpũ ɛlɛ shu, tɛ notɛ ofeke ishu ɔsɛ nonyi ibui popopo. Kibuiɛ kɛlɛinu ɔsɛ, nɛ Israelanɛ teli atɔ̃ gagalĩ ibeɛ, kinu tɛtɔtɔɖɔ ɔsɛ onupɛ bamɔ̃ bagɛ betinu Yudanɛ tɛkaklàa gɛ aapɛ nɔɔ anaa, babàba Owusoso Akaa ɔkɔ.
Ɛdɔ bɔwɔaga, pɔ wɔnɔ gbana mɛɔkpɛ bɔlɛ tɛdɔdɔ mɛ. Tsyɛ alo kɛlɛ sɛ nɔɖɔ kibui gbangbã nɛ mɛishu flogo ɔmɔsɛ itinu agɔgɔɛ ɔkɔ “banɔkpɛkpɛ gɛ balɛ ɔzakɔ gbagbla” pɔ mɛxɔnɔ tinu kɛdɔ̃ nanà kɔ alɛ flogo.
Klisoɔ, mɛadzya alɛ mɔ, nɔkpɛ kemi tɛ̀ nɔɖɔ kibui elú, kɛlɛ nɔtɛ zɔkɔ kaɖɔɖɔ ɔyɔlɔ nɛ beluhũ vɔvɔ mɛ tsyɛ.
Kliso nɛ bɔŋaŋã gɛ batɔ akɔ ibudi shuɔ, bunyi ɔsɛ obudì otinu kɛdɔ̃ nanà nɛ kanɔ nɔ̀ mɛ, kɛlɛ Owusoso Akaa nanà abha ma ɔdɛ tenikpo alɛ ete.
Nɛ Antioxia ɔhaa mɛɛ, bebuiɖɔluanɔ nɛ̀ badɔkasɛ teli azã ɛkɛlɛ gɛ̀ balɛenu, Barnaba, Simeon gɛ bezekulu tsyɛ asɛ Anɔtutũ, Lukio gɛede Kirene, Manahem (Anɔ gɛ banyɔnɔ aplɛnɔ ekusi Herodes Antipa) ɔlɔkɔ ɔplɛnɔ Saulo.
Mɛelɛ alɛ mɔ, ɛmɔ kɛlɛ idenɔ mɛishu mɛ ɔsɛ, nodzi banɔ gbangbã nɛ bubuti mɛ, kɛlɛ nɔna gɛ nɔbɔlà kasɛ bagɔlɔ ɔdɔ̃.
Anyɛ ka nyia ka gɛ adã bɔdɔ̃ nɛ kɛtakpu flogo pɛ ekulu Owusoso Akaa alo aɖɔ ebui elúɔ, atɛ yɛ kɛtakpuɔ gɛinu Kristoɔ elu esi.
Tɛdɛdɛmɛ nɔ tɛ wɔɛ anɔ. Pɔ ɛkɛlɛ gɛ ebuiɖɔlu ebuiɛ alɛ, alɛ ulũ bafala, ɛkɛlɛ gɛ beluhũ vɔvɔ huhu alɛɛ, alɛ ulũ bazɔkɔ yɔlɔ, ɛkɛlɛ gɛ kibuititì tsyɛ lɛɛ, kɛlɛ ulũ bafala.
Anunɔ gɛ ehu beluhũvɔvɔ xɔnɔ, yɛishu ete shu yɛabhɔ ewunɔ kabha, pɔ anunɔ gɛ aɖɔ kibui elu xɔnɔɔ, ɔhaa yɛabhɔ ewunɔ kabha.
Ebuiɖɔluanɛ asɛ taabha alo tata baɖɔaɖɔ, kɛlɛ tɛ̀ bagɔgɔ banyɔ kibuiɛ gɛ kɛlɛ yɛaɖɔ shu piapii.
Nɔtaatɔ̃ tɛ̀ mɛitseɖe wɔnɔ kibui kpukpũ ɛlɛ. Bɔlɔ nyɔ̃ɔ tɛbàtsí, pɔ bebètsyina bɔlɔ nyɔ̃ɔ,