Korintoanɛ 1 13:1 - Nyangbo New Testament

¹ Onupɛ ihu beluhũ vɔvɔ petee gɛ banɔdzyrameɛ nɛ̀ baxɔ̃ɛdɛ tsyɛ ehuɔ, pɛ tɛdɛdɛmɛ nɔ nɛ̀ anɔ ama mɛahɔɛ, kɛlɛ mɛ kaɖɔ ɖɔɖɔ edzi asɛ ɔgã alo kesipɛ̃ kpá gɛ kalɛ tiyiyi pɔɛ banɔ atɔ̃ mɛ ana.

Korintoanɛ 1 13:1 Referans Kwoze

Timoteo 1 1:5

Kɛgɛ kɛlɛishu bakpɛ ɔsha ɔlɛ kɛlɛinu tɛdɛdɛmɛ nɔ, gɛide kitúɔ gɛ dalɛ nɛ̀ ekpeɖekpeɖeɛ gɛ yɛmɛ adalɛ ɔplɛnɔ tɛyɛyɛkɛŋã gbangbã.

Petro 1 4:8

Kɛgɛ dɛ alɛ peteɛ, nu ɔsɛ nɔdɛmɛ nɔ nɛ̀ bagɔlɔ piapii, ɔmɔsɛ tɛdɛdɛmɛ nɔ dã ebui kpa bhɛbhɛtɛ gelee ulũ.

Galatianɛ 5:22

Pɔ Ɔfɔfuĩa nɔ eyuyuɔ yɛenu tɛdɛdɛmɛ nɔ, same mɔmɔ, ishu yɔyɔ, tɛdɔdɔ fɔ̃ɔ, ɛyamɛ gbangbã tɛbhɛbhɛtɛ, kibui gbangbã tɛbhɛbhɛtɛ, kibui gbã tɛɖɔɖɔ,

Korintoanɛ 1 13:8

Tɛdɛdɛmɛ nɔ tɛ wɔɛ anɔ. Pɔ ɛkɛlɛ gɛ ebuiɖɔlu ebuiɛ alɛ, alɛ ulũ bafala, ɛkɛlɛ gɛ beluhũ vɔvɔ huhu alɛɛ, alɛ ulũ bazɔkɔ yɔlɔ, ɛkɛlɛ gɛ kibuititì tsyɛ lɛɛ, kɛlɛ ulũ bafala.

Galatianɛ 5:6

Ɔmɔsɛ nɛ Kristoɔ Yesu mɛɛ, kɛnanà ma kɛhɔ̃a bhui bhui alo kɛhɔ̃a mabhui mabhui mɛ. Kɛgɛ ɛlɛ sɛ beɖiɛ kɛlɛinu tɛyɛyɛkɛŋã gɛibu ishu kasɛ ɔgana tɛdɛdɛmɛ nɔ mɛ.

Korintoanɛ 1 8:1

Otsiɛ nɛ bɔŋaŋãa gɛ batɔ akɔ ibudiɛ shuɔ, bunyi ɔsɛ kɛlɛ tititì mɛ ɔkɔ ɔlɔ petee. Bubutì kɔ befeke ishu, pɔ tɛdɛdɛmɛ nɔ xɔnɔ bhɔ banɔ ewunɔ kabha.

Petro 2 2:18

Pɔ baaɖɔ kɛlɛ́ɛ mɛ ebui alɔkɔ ahɔɛ etũ etelũ nɔ, kɛlɛ balɔkɔ balɛ ishupiɛ nɛ̀ ebui kpa gɛ badɛmɛ nɔ, awɔɛ bagɛ akpɛ esi ebù tɛtsɛɖɛ̀ mɛ ashɛ nɛ bagɛ azanà ɛkpã kpa ɔbha.

Romanɛ 14:15

Onupɛ kɛgɛ ɔŋãa, kɛkɔ ɔsɛ tɛ wɔele akpɛ ɔmɔpɔɛ nɔ, kɛlɛ ɔtsakɛ nɛ tɛdɛdɛmɛ nɔ nɛ̀ elé idzo abha. Tɛkɔ ɔsɛ wɔɛŋaŋã kizĩ anɔ teli yɛkpã, anunɔ gɛ yɛtakpu so pɛ Kristo ebetsíɛ.

Korintoanɛ 1 12:8

Anɔ teli bakɔɛ bubutì kaɖɔɖɔɖɔ ɔganà Ɔfɔfuĩa nɔ mɛ, anɔbhlatɔ tsyɛ bakɔɛ kibuititì ɔganà Ɔfɔfuĩa nɔ mɛ,

Korintoanɛ 1 12:16

Kɛlɛ onupɛ batɔ̃ aɖɔ asɛ, “Gɛ itinu kiwuhũ soɔ, ɛma ɔkɔ ishupiɛ,” gɛnɛ kibui ɛlɛ tɛɖɔɖɔ shu so pɛ batɔ̃ ebebu ɔtɔ nɛ ishupiɛ shu.

Korintoanɛ 2 12:4

bavɛnɔ yɛ nɛ paradiso mɛ. Elũ ebui gɛ atɛ balà alɛ esi bu, ebui gɛ bagɛ kɔ anɔ kidzo sɛ tɛ alà aɖɔ.

Korintoanɛ 1 12:10

anɔ teli tsyɛ bakɔɛ ohumi gɛ lɔbhɛtɛ ebui gɛ labhɛtɛ kibì, teli tsyɛ kibui ɖɔɖɔlu, teli tsyɛ tɛ̀ amɔ Ɛfɔfuĩa nɔ gɛinu ɛgbangbã nɛ̀ ɛkpa, teli tsyɛ kaɖɔɖɔɖɔ nɛ beluhũ bhlatɔ mɛ, kɛlɛ teliɛ tsyɛ tɛ ebu beluhũ vɔvɔ huhuɔ niesi.

Korintoanɛ 1 14:2

Ɔmɔsɛ anɔka nyia ka gɛ ehu beluhũ vɔvɔ, gɛnɛ banɔ yɛehu bɔlɛ akɔ pɔ Owusoso Akaa. Kibui gbã, ananà etielũ kɛgɛ yɛaɖɔ niesi, aɖɔ ebui gɛ labhɛtɛ kibì nɛ̀ yɛ ɔfɔfuĩa nɔ ohumi.

Korintoanɛ 1 14:4

Anunɔ gɛ ehu beluhũvɔvɔ xɔnɔ, yɛishu ete shu yɛabhɔ ewunɔ kabha, pɔ anunɔ gɛ aɖɔ kibui elu xɔnɔɔ, ɔhaa yɛabhɔ ewunɔ kabha.

Korintoanɛ 1 14:5

Ɛbapɛ sɛ tɛ̀ wɔnɔ mɛ aka nyia aka ezehu beluhũ vɔvɔ, pɔ kɛbapɛ ɔkɔ mɛ ɔdɛ gɛ onupɛ nɔɖɔ kibui olu boŋ. Anunɔ gɛ aɖɔ kibui elùɔ egbogblo adɛ anunɔ gɛ eehu beluhũ vɔvɔ, ɔdɛ ɔsɛ ebu kɛgɛ yɛaɖɔ niesi sɛ tɛ̀ alɔkɔ abhɔ ɔhaa ewunɔ kabha nɔ.

Kibui Bubú Kasɛ 14:2

Kɛlɛ ilũ kaɖɔ odenɔ ititíɛ ɔmɔ asɛ bulĩ gɛɛtsɛ̀ gagalĩ, nɛ̀ asɛ subha tɛlɛlɛ̀ɛ ana. Kɛlɛ ozĩɛ gɛ izilũɔ oyi asɛ ihui asangũelete gɛ bebho balɛ asangũ ana.