Korintoanɛ 1 12:18 - Nyangbo New Testament

¹⁸ Pɔ nɛ kibui gbã mɛ, Owusoso Akaa alɔkɔ bɔwɔ̃pɛ ɔwɔ̃pɛ abhɔ ishupiɛ nɔ, bɔlɛ mɛ ɔkɔ nyia ɔkɔ, nɛ kana gɛ apɛ asɛ tɛ̀ bɔzã nulũ.

Korintoanɛ 1 12:18 Referans Kwoze

Korintoanɛ 1 12:28

Kɛlɛ nɛ ɔhaa mɛ tsyɛ, Owusoso Akaa eputɔ ebu banɔkpɛkpɛ, babhalà balɛenu ebuiɖɔluanɔ, batramɛ balɛenu badɔkasɛ, flogo pɛ bagɛ abhɛtɛ̀ ebui gɛ abhɛtɛ̀ ibì, ɔplɛnɔ bagɛ bɔnyã bubu nɛ̀, baagɛ aplɛnɔ banɔ, bagɛ bazã banɔ ulũ nɛ̀ bagɛ behu beluhũ vɔvɔ.

Korintoanɛ 1 12:11

Alɛ nyɔ̃ɔ enu Ɔfɔfuĩa ɔlɛ tonikpo ɔlɛ axɔ̃ɛ wɔawɔa, kɛlɛ akɔ anɔka nyia ka nɛ kana gɛ apɛ nulũ.

Romanɛ 12:3

Nɛ tibhui bhuibuɔ gɛ bakɔ mɛ nulũɔ, itseɖe wɔnɔ ɔmɛ anɔ ka nyia ka asɛ atɛ alɔkɔ yɛishu asɛ yɛadɛ. Nɛ kɛlɛ inye mɛɛ, nɔbhɛtɛ ekpeɖekpeɖe mɛ nɛ ishu esi zhizhinɔ ɛkpã zazãna shu boŋ, tɛ anɔ nyia anɔ ebhui ibui mɛ nɛ tɛyɛyɛkɛŋã nɛidi gɛ nɔyɛkɛ odenɔ Owusoso Akaa akɔ nɔɔ shu.

Korintoanɛ 1 3:5

Alɛ petee niedeɛ pɔ, afana gɛenu Apolo? Kɛlɛ afana tsyɛ gɛenu Paulo? Baxɔ̃ɛdɛ ete gɛ balɛ akɔ asɛ nɔyɛkɛ ɔŋã asɛ kɛkpɛ gɛ Apaleteɛ akpɛ kɛxɔ̃ɛ nɛ balɛ ɔmayɛmɛ aka nyia aka ahɔɛ ana.

Korintoanɛ 1 12:24

gɛ bɔgɛ lɔkɔ kabha ɖiɖi idi nanà ɔkɔ ishupiɛ ɛkɔ tili tsyɛ elo, Owusoso Akaa xɔnɔ eshogo ishup ɛlɛ gɛibotsoɔ pɛ akpɛ ɛlɛ nɛitití,

Korintoanɛ 1 15:38

Pɔ Owusoso Akaa ɔkɔ ɛlɛ ishupi asɛ gɛ apɛ ana, kɛlɛ akɔ kɛdɔ̃ɛyi ka nyia ka nɛ̀ kɛlɛ ishupi.

Kibui Bubú Kasɛ 4:11

“Bɔlɔ Apalete nɛ̀ Owusoso Akaa, wɔ kɛshɔnɔ ɔsɛ, tɛ ɔyɛkɛ tɛdadalɛ, tɛ kpɛkpɛ nɛitití nɛ̀ ohumi ɔmɔsɛ wɔbhɛtɛ kanɔ mɛɔdɔ̃ nyɔ̃ɔ, kɛlɛ gana wɔ tɛpɛpɛ ulũɔ babhɛtɛ kɛka nyia ka kɛlɛ wɔkɔ ɔsɛ bɔlɛ.”

Efesoanɛ 1:9

Kɛlɛ akɔ butì ebui kpukpũɔ gɛ akpasɛ yɛ kibui gɛ apɛ, pɛ atɔɖɔ ɔganà Kristo abha,

Efesoanɛ 1:5

atɛ tɔɖɔ ɛlɛ ɔsɛ ababhɛtɛ ɔlɔ akpɛ otugbà tɛ budzi asɛ yɛeyi alɛ ana ɔgana Yesu Kristo abha, nɛ yɛ tɛpɛpɛ nɛ̀ tɛtɔtɔɖɔ ulũ,

Romanɛ 12:6

Bɔdɔ̃ kɔkɔ ediedi alɛ bɔlɔ ahɔɛ nɛ tibhui bhuibuɔ gɛ bakɔ ɔlɛ nulũ. Anunɔ gɛ yɛdɔ̃ kɔkɔ kɛlɛinu ɔsɛ tɛ aɖɔ ebui eluɔ, aɖɔ alɛ elu nɛ kɛkɔ gɛ bakɔɛ nɛ yɛibui tɛyɛyɛkɛŋã nulũ.

Korintoanɛ 1 12:17

Onupɛ ishupiɛ petee tsyina dzi asɛ kiwuhũ ana pɔ, fakɔ kɛgɛ kɔ belũ bɔdɔ̃ bazã dza? Kɛlɛ onupɛ ishudzya petee lɛ asɛ batɔ̃ ana pɔ, fakɔ kɛgɛ ɛkɔ belũ bɔdɔ̃ bazã mɔɔ dza?

Korintoanɛ 1 12:19

Onupɛ bɔlɛ nyɔ̃ɔ nu kawɔ̃pɛ tienikpo nɔ pɔ, fakɔ ishupiɛ bazãa dza?