Korintoanɛ 1 12:10 - Nyangbo New Testament

¹⁰ anɔ teli tsyɛ bakɔɛ ohumi gɛ lɔbhɛtɛ ebui gɛ labhɛtɛ kibì, teli tsyɛ kibui ɖɔɖɔlu, teli tsyɛ tɛ̀ amɔ Ɛfɔfuĩa nɔ gɛinu ɛgbangbã nɛ̀ ɛkpa, teli tsyɛ kaɖɔɖɔɖɔ nɛ beluhũ bhlatɔ mɛ, kɛlɛ teliɛ tsyɛ tɛ ebu beluhũ vɔvɔ huhuɔ niesi.

Korintoanɛ 1 12:10 Referans Kwoze

Korintoanɛ 1 14:39

Klisoɔ, mɛadzya alɛ mɔ, nɔkpɛ kemi tɛ̀ nɔɖɔ kibui elú, kɛlɛ nɔtɛ zɔkɔ kaɖɔɖɔ ɔyɔlɔ nɛ beluhũ vɔvɔ mɛ tsyɛ.

Yohanes 1 4:1

Mɛadzya alɛ gɛ ɛdɛmɛ nɔ, nɔtɛ yɛkɛ ɛfɔfuĩa ka nyia ka abha ɔŋã, pɔ nɔolũ awɔ̃ oɖi ɛfɔfuĩa nɔ tɛ̀ nɔmɔ ɔsɛ̀ Owusoso Akaa ɔkɔ lide, ɔmɔsɛ asɛnɛ ebuiɖɔluanɔ kpekpèɛ etsoku kanɔ nɔ̀ mɛ.

Galatianɛ 3:5

Pɔ bɔlɔkɔ Owusoso Akaa alɔkɔ yɛ Ɔfɔfuĩa nɔ akɔ ɔnɔ pɛ abhɛtɛ yɛ atsyindzye ebui nɛ ɔnɔ ɛshi nɛ gɛ nɔbhɛtɛ ɔtɔɖɔ ɔshaa nabha so, pɛnɔsɛ gɛ nɔyɛkɛ kɛgɛ nolũ nabha ɔŋã soɔ dza?

Kibui Bubú Kasɛ 2:2

Inyi ebuiɛ gɛ ɔbhɛtɛɛ, wɔaxɔ̃ɛ gagalĩ wɔawɔa nɛ̀ emi kpɛkpɛ. Inyi sɛ ɔtɛ dɛmɛ nɔ nɛ̀ ɛtakpu mɛ gagalĩelete ibui, kɛlɛ nolu awɔ̃ oɖi agɛ beekulu alɛishu asɛ anɔ kpɛkpɛ benu, pɔ anɛ ana flogo nɔ, pɛ nɔmɔ alɛ ɔsɛ asɛnɛ elete benu.

Tesalonikanɛ 1 5:20

nɔtɛ lɔkɔ ebuiɖɔlu ebuiɛ wɔ ufù nɔ.

Korintoanɛ 1 13:8

Tɛdɛdɛmɛ nɔ tɛ wɔɛ anɔ. Pɔ ɛkɛlɛ gɛ ebuiɖɔlu ebuiɛ alɛ, alɛ ulũ bafala, ɛkɛlɛ gɛ beluhũ vɔvɔ huhu alɛɛ, alɛ ulũ bazɔkɔ yɔlɔ, ɛkɛlɛ gɛ kibuititì tsyɛ lɛɛ, kɛlɛ ulũ bafala.

Romanɛ 15:19

ɔgana ohumi udɔ̃ bubu kasɛ nɛ̀ atsyindzye ebui, ɔgana Ɔfɔfuĩa nɔ ohumi mɛ. Kliso denɔ Yerusalemuɔ, ɛgã kana Iliriko pete batsyɔa, pɛ ɛzɛɖɔ Kristo Ibui Gbangbã, gɛ kɛna piapii.

Romanɛ 12:6

Bɔdɔ̃ kɔkɔ ediedi alɛ bɔlɔ ahɔɛ nɛ tibhui bhuibuɔ gɛ bakɔ ɔlɛ nulũ. Anunɔ gɛ yɛdɔ̃ kɔkɔ kɛlɛinu ɔsɛ tɛ aɖɔ ebui eluɔ, aɖɔ alɛ elu nɛ kɛkɔ gɛ bakɔɛ nɛ yɛibui tɛyɛyɛkɛŋã nulũ.

Banɔkpɛkpɛ Axɔ̃ɛ 19:6

Gɛ Paulo atɔɖɔ yɛhɔɛ nɛ balɛ abha koɔ, Ɔfɔfuĩa Gbangbã ɔba balɛ abha kɛlɛ baɖɔaɖɔ nɛ beluhũ vɔvɔ mɛ pɛ baɖɔ ebui elú.

Banɔkpɛkpɛ Axɔ̃ɛ 11:28

Balɛ ɔmayɛmɛ tenikpo gɛ bezekulu asɛ Agaboɔ, abalɔɛtití, kɛlɛ ɔgana Ɔfɔfuĩa nɔ mɛɛ, aɖɔ elú asɛ bɔbhɛ gagalĩ tuli badɔ nɛ Roma kɛmadiɛ petee mɛ. (Kibui ɛlɛ ba ɛlɛ mɛ nɛ Klauda bukusi ŋãbe.)

Banɔkpɛkpɛ Axɔ̃ɛ 5:3

Petro ebisi yɛasɛ, “Anania, kiɖeso pɛ Abosam etsoku wɔ kitúɔ mɛ pɛ ɔsɛ asɛnɛ otseɖe Ɔfɔfuĩa Gbangbã pɛ ɔlɔkɔ ehoeyiɛ teli balɛ ɔkɔ wɔshu nɛ kesiakpa gɛ ɔdɛɛ mɛ dza?

Banɔkpɛkpɛ Axɔ̃ɛ 1:8

Onupɛ Ɔfɔfuĩa gbangbã ɔba wɔnɔ abhaa, nɔbɔ yɛkɛ ohumi, kɛlɛ nobo dzi banɔ gɛ nɔbɔ mɔ ebui alɛ ɔɖɔ nɛ mɛishu nɛ Yerusalem nɛ̀ Yudea petee ɔvɛnɔ Samaria ɔdɛtɔ̃ kanɔ nɔ̀ ɔtɔ̃kɔ.”

Hebrianɛ 2:4

Owusoso Akaa tsyɛ aɖɔaɖɔ adalɛ ɛlɛishu ɔgana ɔdɔ̃ tibubu kasɛ, ebui gɛ leku ifu nɛ̀ atsyindzye ebui edi edi mɛ, ɔlɔkɔ plɛnɔ Ɔfɔfuĩa Gbangbã ɔdɔ̃ ɔkɔkɔ nɛ yɛtɛdɛdɛ mɛ ulũ.

Banɔkpɛkpɛ Axɔ̃ɛ 11:27

Nɛ kibe ɛlɛ, bebuiɖɔluanɔ teli ede Yerusalem aba Antioxia.

Korintoanɛ 1 11:4

Anyɛ ka nyia ka gɛ adã bɔdɔ̃ nɛ kɛtakpu flogo pɛ ekulu Owusoso Akaa alo aɖɔ ebui elúɔ, atɛ yɛ kɛtakpuɔ gɛinu Kristoɔ elu esi.

Korintoanɛ 1 14:13

Nɛ kibui ɛlɛshu soɔ, anunɔ gɛ yɛehu beluhũvɔvɔ, ekulu Owusoso Akaa sɛ tɛ̀ alabù kɛgɛ yɛaɖɔ niesi.