Korintoanɛ 1 11:26 - Nyangbo New Testament

²⁶ Kibe nyia be gɛ nɔtã kifufulũ alɛ pɛ nɔwɔɛ nɛ kayintse alɛ nulũɔ, nɔ ɔɖɔɛ ɛlɛ ɔkanà nɛ Apaleteɛ yɛutsiɛ shu odiyinɔ sɛ etsyina aba.

Korintoanɛ 1 11:26 Referans Kwoze

Kibui Bubú Kasɛ 1:7

Noɖio abà nɛ̀ ɔmɔlɔ̃, kɛlɛ kiwuhũ ka nyia ka bamɔɛ, bagɛ bashɔɛ nɛ̀ bɔɖadɔ̃ tsyɛ abamɔɛ, yɛ soɔ, kanɔmanɛ pete abamɔ̃ ɔwɔ̃nyɔnɔ. Kana kɛbàba ɛlɛ mɛ! Amen.

Hebrianɛ 9:28

kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.

Yohanes 1 2:28

Mɛeyi alɛ gɛ ɛdɛmɛ nɔ, otsiɛ nɔ, nɔzã yɛmɛ, sɛ tɛ̀ onupɛ ebekoeyìɛ, bɔbàmɔ awɔ̃ lulu kɛlɛ kiwũi tɛbàyì bɔlɔ nɛ yɛamɛ nɛ kibeɛ gɛ ebekuɔ.

Banɔkpɛkpɛ Axɔ̃ɛ 1:11

Pɛ baɖɔ asɛ, “Galileanɛ, kiɖe gɛkɔ ɔsɛ nozhioli pɛ noɖi kɛlɛɛ nɔ mɛ ana dza? Yesu alɛ gɛ befeke ashɛnɔ nɛ wɔnɔ ɔbha avɛnɔ kititiɛ, aza babà asɛ kɛmɔ gɛ nɔmɔ yɛ pɛ avɛ kititíɛ ana.”

Petro 2 3:10

Pɔ Apaleteɛ nɛiwuiɛ babà asɛ kɛba gɛ ezĩ aba ana. Nɛ iwui ɛlɛ nabhaa, kititíɛ bayalà nɛ̀ ozĩ gagalĩ, kifu bapɔɛ kititì udɔ̃, kɛlɛ kesiakpa nɛ̀ kalɛ kɛka nyia ka batã.

Kibui Bubú Kasɛ 22:20

Anɔ nɔ̀ gɛ aɖɔaɖɔ adalɛ ebui alɛ shuɔ aɖɔ asɛ, “Ee, ɛɛba otsiɛ tsĩɔɔ.” Amen, Apalete Yesu ba.

Yuda 1:14

Henox, anɔ gegenemiɛ odenɔ Adamu mɛ̀, aɖɔ ebui elú nɛ banɔ alɛ nɛidì shu asɛ̀, “Nɔoɖi mɔ, Apaleteɛ aba nɛ̀ yɛanɔ dadalɛ nɛ ihotu, ihotu mɛ

Tesalonikanɛ 1 4:16

Ɔmɔsɛ Apaleteɛ ebezhi aba odenɔ kititiɛ, nɛ ɔsha kɔkɔ nɛ̀ ozĩ, nɛ axɔ̃ɛdɛ gɛeɖi ulugbũ nyanyã aɖaka nɔ nabha yɛozĩ kpɛkpɛ, nɛ Owusoso Akaa kexoele nɔ gɛ ebe kulu banɔ nɔ, kɛlɛ́ bagɛ etitsí nɛ Kristo mɛɛ bebè putɔ alɔ.

Korintoanɛ 1 15:23

Pɔ anɔ nyia anɔ nɛ yɛibè gɛ batɔɖɔ akɔɛ. Kristo gɛenu anɔ gɛiputɔ, gɛ onupɛ etsodzi aba ebefeke bagɛ benu yɛayɛ.

Tesalonikanɛ 2 1:10

nɛ kiwui ɛlɛ nabha gɛ ababaa sɛ tɛ badalɛ yɛishu nɛ yɛ banɔ dadalɛ nɛishiɛ, nɛ̀ tɛ yɛibui bhɛtɛ bagɛ ayɛkɛ yɛabha ŋã pete nɛibì. Wɔnɔ tsyɛ ɔkpasɛ ɛlɛ mɛ, ɔmɔsɛ nɔyɛkɛ kibuiɛ gɛ bɔmɔlú pɛ butseɖe wɔnɔ nabha ɔŋã.

Korintoanɛ 1 4:5

Kliso nɔoti kulu kebhu kpɛ otugbà flogo tɛ̀ kibeɛ ba na, nɔzã opo odiyinɔ ɔsɛ Apaleteɛ aba. Yɛaba ebu ebui kpukpũ nɔnɔ gɛ akpasɛ otumũɔ mɛ oyinɔ amana ɔtɔ̃, kɛlɛ ebebu ebuiɛ gɛ lakpasɛ anɔdzyrame yɛitùɔ mɛ akasɛ. Nɛ kibe ɛlɛ Owusoso Akaa aba kpɛ bagɛ kɛlɛ sɛ akpɛ nititíɛ.