Korintoanɛ 1 10:13 - Nyangbo New Testament

¹³ Kibui nanà tifeke wɔɖi ɔdɛ kibui nɔnɔ gɛŋã anɔ ka nyia ka abha. Pɔ Owusoso Akaa xɔnɔ abhɛtɛ kibui gbã, atɛ bakɔ tifefekeɖi nɔnɔ gɛ kɛbà dɛwɔ ba wɔabha. Pɔ onupɛ befeke wɔ eɖiɛ, abapɛ kidzo nɔnɔ abha gɛ ɔbɔgã pɛ obokoeyì nɛ kɛlɛ mɛ.

Korintoanɛ 1 10:13 Referans Kwoze

Petro 2 2:9

onupɛ ana kɛlɛ́ɛ, kɛlɛ notì ɔsɛ Apaleteɛ enyi ibu gɛ ebebù bagɛ adɛmɛ nɛ̀ Owusoso Akaa odenɔ tifefekeɖi mɛ, bagɛ atɛ abhɛtɛ ebui gbã nɛ kebhu kukulu iwui nabha, nɛ kibeɛ gɛ batɔ̃ pɔpɔ̃ kɔ alɛ ɛtsiɖi ɛlɛ abha avɛ.

Timoteo 2 4:18

Apaleteɛ ebe bu mɛ odenɔ kibui kpa ka nyia ka ɛdi gɛ balɔkɔ nɛ mɛ shuɔ mɛ, kɛlɛ aba gbanà mɛ avɛnɔ yɛititì bukusi ɔŋãkɔ nɛ ishu yɔyɔ mɛ. Ishu dadalɛ ɔkɔ yɛ ɔvɛnɔ tihɔɔ. Amen.

Tesalonikanɛ 2 3:3

Pɔ Apaleteɛ atɛasɛ asɛnɛ, abakpɛ wɔnɔ ohumi kɛlɛ ebebu wɔnɔ odenɔ anɔ kpa ahɔɛ mɛ.

Hebrianɛ 12:4

Gɛ nɔgɔ̃lɛ nɛ̀ ebui kpa tsyɛ elo, kɛkà ba ɛlɛ mɛ sɛ tɛ bàbalɛ wɔnɔ dzyosu esi xɔnɔ.

Tesalonikanɛ 1 5:24

Anunɔ gɛ ekulu wɔnɔ enu kibui gbã ɖɔɖɔ elete, kɛlɛ ababhɛtɛ ɛlɛ abha.

Korintoanɛ 2 1:10

Ebú bɔlɔ odenɔ butsí ɛlɛ nɛidì mɛ̀, kɛlɛ ezebè bu ɔlɔ. Yɛabha bulu awɔ̃ sɛ abàzã kɛlɛ abha pɛ ebebu bɔlɔ,

Kibui Bubú Kasɛ 3:10

Gɛ ɔkpɛ emi olu itú esi pɛ ɔbhɛtɛ mɛɔsha nabha soɔ, mɛ tsyɛ ɛbabu wɔ odenɔ tifefekeɖi ibe gagalĩɛ gɛbàba kanɔ nɔ̀ mɛ pete abhaa mɛ, sɛ tɛ befeke bagɛ alɛ kanɔ nɔ̀ mɛɛ eɖiɛ.

Kibui Bubú Kasɛ 2:10

Tɛ osí ifu nɛ bɔtɔ gɛ bàba wɔabha shu. Itseɖe wɔ ɔsɛ, Abosam abakpɛ ɔnɔ eteli nɛ ɔɖavũ mɛ, sɛ tɛ efeke ɔnɔ eɖi, kɛlɛ nɔbɔmɔ ede tɔtɔnɔ nɛ ewui gulũi mɛ. Onupɛ butsí ibui tsyɛ elo, nɔzã kɛgɛ nɔyɛkɛ ɔŋã niede, kɛlɛ ɛbakɔ ɔnɔ ɛkpã ekusikutu.

Petro 1 4:19

Klisoɔ otsiɛ nɔ, bagɛ bamɔ ɔtɔ nɛ Owusoso Akaa tɛpɛpɛ ulũɔ, balɔkɔ balɛishu akɔ Agɛ yɛabhɛtɛ̀ alɛ pɛ aɖɔ kibui gbã tɛ̀ bazã ɛlɛ abha azabhɛtɛ ebui gbangbã.

Yohanes 1 1:9

Onupɛ bɔɖɔ ebui kpa gɛ bɔbhɛtɛ, enu anɔ gɛ aɖɔ kibui gbã ɔsɛ, abalɔkɔ bɔlɔ ebui kpa bhɛbhɛtɛ etsye bɔlɔ tɛ̀ eplu ɔlɔ odenɔ ebui kpa bhɛbhɛtɛ mɛ.

Korintoanɛ 1 1:9

Owusoso Akaa gɛ yɛekulu wɔnɔ akɔ ɔhakpɛkpɛ nɛ̀ Yɛeyianyɛ Yesu Kristo gɛenu bɔlɔ Apaleteɛ, enu kibui gɛlɛ kɛlɛ ɔzãkɔ abhɛbhɛtɛ elete.

Hebrianɛ 11:11

Nɛ tɛyɛyɛkɛŋã mɛɛ, gɛ Abraham edzì anyɛ sheshè, kɛlɛ Sara tsyɛ edzì anɔ gɛ bɔmɔ gɛzã yɛishu tsyɛ elo, ebedzi banɔ gelee akaa, ɔmɔsɛ ayɛkɛ Owusoso Akaa gɛ atɔɖɔ tɛtɔtɔɖɔ ɛlɛ akɔɛ asɛ enu anunɔ gɛ àbhɛtɛ kɛgɛ lɛ ɛlɛ ɔzãkɔ nabha aŋã.

Hebrianɛ 10:23

Nɔkɔ bɔnyana kɛgɛ kɛlɛ mɛ bɔdalɛ, pɛ buuɖi kɛlɛ idzo mɛɛ vunɔ gagalĩi, ɔmɔsɛ anunɔ gɛ yɛatɔɖɔ kibuiɛ lɛ eluɔ abhɛtɛ ibui abha.

Hebrianɛ 6:18

Owusoso Akaa abhɛtɛ ɛlɛ ana asɛ, nɛ ebui taabha alɛ gɛ atɛ balà etsyina, pɛ Owusoso Akaa ebedzi asɛnɛ eleteɛ, kɛlɛ sɛ ɔlɔ agɛ bú tɛtsɛɖɛ mɛ ba yɛdɔ̃ kɔkɔ gɛ bulu awɔ̃ nɛ ɛlɛ abha ɔkɔɔ, tɛ bɔkpɛ ishu emi.

Kibui Bubú Kasɛ 19:11

Ɛmɔ ititíɛ dalɛ zã kɛlɛ ɛmɔ ɛsɔ fufu teli, gɛ bekulu anunɔ gɛ azã yɛabha asɛ, Kibui gɛlɛ ɛlɛ ɔzãkɔelete nɛ̀ Kibui gbã elete. Alɔkɔ bamɛ maɖi maɖi ekulu ebhu pɛ atà eyu nɔ.

Banɔkpɛkpɛ Axɔ̃ɛ 27:44

Bagɔgɔɛ nɔ xɔnɔ azã isikpã nɛ̀ kelĩabhaohuɔ gɛɔyɛɛ nɔ̀ busipɛ̃ nabha, kɛlɛ nɛ kidzo ɛlɛ abhaa, aka nyia aka ezhi eku kesiakpa nabha nɛ ishu yɔyɔ mɛ.