Korintoanɛ 1 1:30 - Nyangbo New Testament

³⁰ Yɛ sopɛ nɔkpasɛ Yesu Kristo mɛ, anɔ gɛ yɛakɔ ɔlɔ bubuti odenɔ Owusoso Akaa ɔkɔ, gɛ kɛlɛinù bɔlɔ tɛzazã piapii, ishudadalɛ nɛ̀ bɔlɔ tibubuyinɔ odenɔ ebui kpa bhɛbhɛtɛ mɛ.

Korintoanɛ 1 1:30 Referans Kwoze

Efesoanɛ 1:7

Nɛ yɛ mɛɛ, bebu ɔlɔ ɔgana yɛ dzyosu nɔ mɛ, ebui kpa tɛlɔlɔkɔ tsye, nɛ Owusoso Akaa ehoeyi udɔ̃ gɛ alɔkɔ ebhui ɔlɔ ebuɔ mɛ

Filipianɛ 3:9

tɛ bamɔ mɛ tsyɛ nɛ yɛ mɛ, gɛnɛ sɛ tɛ ɛmɔ tɛzazã piapii gɛide ɔsha mɛ akɔ mɛishu, pɛ kide tɛyɛyɛkɛŋã nɛ Kristo mɛ gɛ kinu kibui gbangbã bhɛbhɛtɛ gɛide Owusoso Akaa mɛ pɛ kide tɛyɛyɛkɛŋã mɛ.

Romanɛ 8:1

Otsiɛ alɛ, kɛpɔ bubu nanà ma ɔkɔ bagɛ alɛ Kristo Yesu mɛ,

Korintoanɛ 1 1:2

Ɛfɔnɔ kalɛ sɛsɛ Owusoso Akaa ɔha gɛalɛ Korinto, nɛ̀ bagɛ badalɛ balɛishu nɛ Yesu Kristo mɛ pɛ balɛishu dalɛ, ɔlɔkɔ plɛnɔ bagɛ balɛ ɔkɔ nyia ɔkɔ pɛ beekulu Apalete Yesu Kristoɔ inyeɛ, anɔ gɛenu balɛ Apaleteɛ nɛ̀ bɔlɔ ayɛ.

Efesoanɛ 2:10

Owusoso Akaa ahɔɛ ɛdɔ̃ bhɛbhɛtɛ bunu, gɛ babhɛtɛ nɛ Kristo Yesu mɛ sɛ tɛ bɔwɔa axɔ̃ɛ gbangbã, gɛ Owusoso Akaa eputɔ abalɛ elu akɔ ɔlɔ sɛ bɔbhɛtɛ.

Koloseanɛ 1:14

anɔ gɛ yɛmɛ bebu ɔlɔ pɛ balɔkɔ ɔlɔ ebui kpa etsye ɔlɔ.

Korintoanɛ 1 6:11

Ebui alɛ wɔnɔ mɛ banɔ teli aza abhɛtɛ. Pɔ beplu wɔnɔ ishu, badalɛ wɔnɔ shu, kɛlɛ bebhui bɔtyɔa akɔ wɔnɔ nɛ Apalete Yesu Kristoɔ nɛ Owusoso Akaa Ɔfɔfuĩa nɛinyeɛ mɛ.

Galatianɛ 3:13

Kristo ebu ɔlɔ odenɔ kibuiɛ gɛ baɖɔ akpɛ ɔlɔ ɔsha niesi, kɛlɛ yɛebedzi kibuiɛ gɛ baɖɔ akpɛ ɔlɔ, ɔmɔsɛ bafɔnɔ elu asɛ, “Baɖɔ kibui akpɛ anɔ ka nyia ka gɛ akpɛ ohui oli nɛ busi mɛ.”

Galatianɛ 1:4

anɔ gɛ alɔkɔ yɛishu akɔ nɛ bɔlɔ ibui kpa nɛtakpu, ɔsɛ tɛ ebu ɔlɔ odenɔ obo kanɔ alɛ ebui kpa bhɛbhɛtɛ mɛ, nɛ tɛtɔtɔɖɔ gɛide Owusoso Akaa gɛenu bɔlɔ Akaa ɔkɔ,

Korintoanɛ 1 1:24

pɔ bagɛ Owusoso Akaa ekulu xɔnɔ, Yudanɛ nɛ̀ Helanɛ petee, Yesu yɛenu Owusoso Akaa yɛohumi nɛ̀ bubutì.

Yakobo 1:5

Onupɛ bubutì ma wɔnɔ ɔmayɛmɛ teli ahɔɛɛ, ebisi Owusoso Akaa gɛ àkɔ anɔ nyɔ̃ɔ ɔdɔ̃ nɛ̀ ɛyamɛ fãa nɔ, pɛ etiɖi ibui kpa nɛ anɔ shu flogo nɔ, kɛlɛ abalɔkɔ akɔɛ.

Korintoanɛ 2 4:6

Ɔmɔsɛ Owusoso Akaa aɖɔ asɛ, “Nɔkɔ kifu dɛkɛ nɛ otumũɔ mɛ,” nɔkɔ yɛifúɔ dɛkɛ nɛ bɔlɔ etúɔ mɛ, tɛ kɛdɛkɛ kɔ bɔlɔ asɛ bubuti kifù ana tɛ kɛkɔ Owusoso Akaa shu dalɛ nɛ Kristo amɛ.

Kibui Bubú Kasɛ 14:4

Balɛ enu anɔ gɛ bagɛ dɛ badzɛ̃ shu eɖi, kɛlɛ bazã ishu dadalɛ mɛ. Bazã Obhoshieyi niede avɛ ɔkɔ nyia ɔkɔ gɛ avɛɛ. Bedzi alɛ edenɔ banɔ gelee ishi, kɛlɛ balɔkɔ alɛ akɔ Owusoso Akaa nɛ̀ Obhoshieyiɛ, ɔmɔ asɛ busieyuyu gɛ bapɔ eputɔ ana.

Petro 2 1:1

Mɛ Simon Petro, gɛinu Yesu Kristo yɛaxɔ̃ɛdɛ nɛ̀ anɔkpɛkpɛ, Mɛ fɔnɔ keplukpa alɛ sɛsɛ, bagɛ ɔganà ebui gbangbã bhɛbhɛtɛ mɛ ɔkɔ bɔlɔ Owusoso Akaa nɛ̀ Yesu Kristoɔ gɛebu ɔlɔ bayɛkɛ tɛyɛyɛkɛŋã ɛlɛ gɛ yɛkɛ edzi asɛ bɔlɔ ɛyɛ ana.

Efesoanɛ 5:26

sɛ tɛ abhɛtɛ tɛ ɔlɛ ishuɔ dalɛ nɛ tipuplu nɛ̀ ɔlɛ tiwuwulu nɔ nɛ̀ bulĩ ɔganà kibuiɛ mɛ,

Efesoanɛ 4:30

Kɛlɛ nɔtɛ kɔ Owusoso Akaa Ɔfɔfuĩa Gbangbã ɔmɔ̃ ɔwɔ̃nyɔnɔ, gɛ ɔlɛ balɔkɔ adã ɔnɔ ɔdɔ̃ elu nɔ, odiyinɔ kiwuiɛ gɛ bebè bu ɔnɔ.

Korintoanɛ 1 12:8

Anɔ teli bakɔɛ bubutì kaɖɔɖɔɖɔ ɔganà Ɔfɔfuĩa nɔ mɛ, anɔbhlatɔ tsyɛ bakɔɛ kibuititì ɔganà Ɔfɔfuĩa nɔ mɛ,

Hebrianɛ 9:12

Kristo agɛ lɔkɔ bepidzya nɛ̀ banɛtsyɔɛeyi dzyosu evunɔ flogo pɛ etsoku Ɔdadalɛ, Ɔkɔ Ɔdɛ ɔlɛ mɛ. Itsoku tunikpo nɛ ebeɛ pete ulũ yɛadɛ nɛ̀ yɛahɔɛ dzyosu, sɛ tɛ amɔ ɛkpã tihɔɔ akɔ ɔlɔ.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Efesoanɛ 1:14

gɛenu kɛdɔ̃ gɛ alɔkɔ akpɛ ide ɔkɔ ɔlɔ kaŋãsiɛ odiyinɔ kibeɛ gɛ bebu bagɛ enu Owusoso Akaa yɛanunɔ ɔkɔ yɛ tɛdadalɛ kpɛkpɛ nɛitití.

Korintoanɛ 1 12:27

Otsiɛnɔ wɔnɔ onu Ishupiɛ ɔkɔ Kristoɔ, kɛlɛ wɔnɔ petee onu kawɔ̃pɛ tieli ɔkɔ ɛlɛ.

Romanɛ 8:23

Anɛ kanɔ mɛ bɔdɔ̃ ete, pɔ bɔlɔ bagɛ buputɔ nimi nɛ Ɔfɔfuĩa mɛ ɛdɔ̃ kɔkɔ shu tsyɛ, bunimi nɛ ɔlɔ ishu mɛ, nɛ kibeɛ gɛ bupo bɔlɔ tɛyɛyɛkɛ ɔmɔ asɛ beyi anà, tɛ bɔmɔ ɔlɔ ishu ahɔɛmɛ zazã.

Romanɛ 8:9

Wɔnɔ xɔnɔ anɛ kanɔ alɛ mɛ ɛkpã kpa ɛlɛ gbana ɔnɔ, pɔ Ɔfɔfuĩa nɔ, onupɛ Owusoso Akaa Ɔfɔfuĩa nɔ ɔlɛ ɔnɔ mɛ. Kɛlɛ onupɛ Kristo yɛ Ɔfɔfuĩa nɔ ɔma anɔ teli yɛahɔɛ, etinu Kristo yɛayɛ.

Romanɛ 5:21

Asɛ kɛŋã gɛ kibui kpa ŋã bukusi nɛ bekpu mɛɛ, kidzo ɛlɛ nabha tibhui bhuibu tsyɛ baŋã bukusi ɔgana kɛgbangbã mɛ, sɛ tɛ banɔ amɔ ɛkpã tihɔɔ ɔgana Yesu Kristo bɔlɔ Apalete nabha.

Romanɛ 5:19

Ɔmɔ asɛ gana anɔ tenikpo alɛ batɔ̃ malũ malu mɛɛ, banɔ petee edzi ebui kpa bhɛbhɛtɛeleteɛ, kidzo ɛlɛ nabha ke gana anɔ tenikpo alɛ batɔ̃ lulũ mɛɛ, babàbhɛtɛ banɔ gele tɛ bedzi banɔ gbangbã.

Romanɛ 4:25

Balɔkɔɛ akpɛ ahɔɛ akɔ butsi nɛ bɔlɔ ebui kpa ɛtakpu, pɔ Kitití ayɛ akɔ yɛalɔ nɛ bekpuɔ mɛ, sɛ tɛ balɔkɔ bɔlɔ asɛ bunu banɔ gbangbã.

Romanɛ 4:6

David aɖɔ kɛlɛ idi asɛ, anɔ gɛ Owusoso Akaa alɔkɔ asɛ enu anɔ gbangbã, pɔ anɛ nɛ yɛxɔ̃ɛ wɔawɔa lũɔ, enu anɔ yuyula. Aɖɔ asɛ,

Kibui Bubú Kasɛ 5:9

Kɛlɛ bazhã ɔdzɛ vɔvɔ asɛ, “Wonu anunɔ gɛ ɔshɔnɔ ɔsɛ tɛ bɔlɔkɔ eplukpa kɔ tɛ ɔdalɛ kalɛ adadã, Ɔmɔsɛ wɔ bebhui, kɛlɛ wɔdzyosu nɔ, wɔlɔkɔ odzi banunɔ ɔkɔ Owusoso Akaa odenɔ egbogboɔ nyɔ̃ɔ mɛ, beluhũ, banɔdzyrameeyi nɛ̀ ɛmadi.

Yohanes 1 5:6

Anɔ alɛ yɛagã bulĩ nɛ̀ dzyosu mɛ aba, yɛenu Yesu Kristoɔ. Agɛ gã bulĩ ete mɛ̀ pɛ aba, pɔ bulĩ nɛ̀ dzyosu mɛ yɛagã aba. Kɛlɛ ɔfɔfuĩa nɔ ɔlɛ ɖɔaɖɔ dalɛ̃ kɛlɛishu, ɔmɔsɛ ɔfɔfuĩa nɔ ɔlɛ onu kibui gbã.

Petro 1 1:2

banɔ gɛ bebu alɛ nɛ Owusoso Akaa gɛenu bɔlɔ Akaa ekpeɖekpeɖeɛ gɛ abhɛtɛ akpɛ otugbà nulũ, ɔganà Ɔfɔfuĩa nɔ gɛ ɔlɛ axɔ̃ɛ wɔawɔa adalɛ, ɔkɔ batɔ̃ lulũ ɔkɔ Yesu Kristo nɛ yɛ dzyosu hɔɛhɔ̃ɛ niesi. Tibhui bhuibu nɛ̀ ishu yɔyɔ kɔ wɔnɔ nɛ tikpekpè mɛ.

Koloseanɛ 3:16

Nɔkɔ Kristo ibuiɛ zã wɔnɔ mɛ nɛ kedzi yɛyɛkɛ mɛ nɛ kibeɛ gɛ nɔkasɛ ɔdɔ̃ pɛ nohu buluhũ ɔkɔ agɔlɔ nɛ bubutì petee mɛ, nɛ kibeɛ gɛ nɔɔkalà ɛdzɛ zhazhã eplukpa pɛ nɔzhã ɛfɔfuĩa mɛ ɛdzɛɛ nɛ̀ ahɔɛhuhu nɛ wɔnɔ etúɔ mɛ ɔkɔ Owusoso Akaa.

Efesoanɛ 1:10

sɛ tɛ balɔkɔ ɛlɛ akpɛ axɔ̃ɛ wɔawɔa mɛ gɛ onupɛ kibeɛ bana sɛ tɛ laba alɛ mɛɛ, tɛ balɔkɔ ebuiɛ petee nɛititíɛ nɛ̀ kesiakpa nabha akpɛ itsu tɛ lazã anɔ tenikpo esi, anɔ gɛenu Kristoɔ.

Korintoanɛ 1 12:18

Pɔ nɛ kibui gbã mɛ, Owusoso Akaa alɔkɔ bɔwɔ̃pɛ ɔwɔ̃pɛ abhɔ ishupiɛ nɔ, bɔlɛ mɛ ɔkɔ nyia ɔkɔ, nɛ kana gɛ apɛ asɛ tɛ̀ bɔzã nulũ.

Romanɛ 16:11

Sɛnɔ mɛeshopo Herodion. Sɛnɔ Narkiso nɛ̀ yɛɔpãmɛanɛ gɛ balɛ ɔha kpɛkpɛ mɛ nɛ̀ Apalete Kristoɔ.

Romanɛ 16:7

Sɛnɔ mɛeshopo alɛ Androniko nɛ̀ Yunio, balɛ nɛ̀ mɛ bɔzã ɔɖavũ. Banɔkpɛkpɛ enyi alɛ piapii gɛ bedzi Kristoelete akpɛ otugbà akɔ mɛ.

Romanɛ 12:5

kana ɛbe gana Kristo mɛɛ, bɔlɔ banɔ kpekpè alɛ pete bɔbhɛtɛ tenikpo, kɛlɛ bɔlɔ ishupi ɔwɔ̃pɛ nɔ kpɛ olũgbu nɛ bagɔlɔ mɛ.

Romanɛ 11:36

Owusoso Akaa yɛabhɛtɛ kɛka nyia ka, kɛlɛ yɛahɔɛ mɛ lalɛ, kɛlɛ yɛahɔɛ mɛ lagã. Kɛtakpu esi kpɛkpɛ inu yɛyɛ́ tihɔɔ! Amen.

Romanɛ 1:17

Ɔmɔsɛ denɔ Kibui Gbangbã mɛɛ bebu kɛlɔkɔ gɛ Owusoso Akaa alɔkɔ anɔ teli asɛ enu anɔ dadalɛ, gɛ kinu tɛyɛyɛkɛŋã ibui odenɔ kesi kpɛkpɛ mɛ ɔvɛnɔ ɔtɔ̃kɔ, asɛ kɛfɔ̀nɔ gɛ bafɔnɔ ɛlɛ elu asɛ, “Anɔ dadalɛ abazã nɛ̀ ɛkpã ɔgana tɛyɛyɛkɛŋã mɛ.”

Banɔkpɛkpɛ Axɔ̃ɛ 26:18

tɛ̀ ɔkpà balɛ awuhũɔ, tɛ̀ otsyinà alɛ odenɔ otumũ mɛ̀, ɔmana kanɔ dadalɛ mɛ̀, nɛ̀ odenɔ Satana yɛohumi ahɔɛ mɛ̀, ɔmana Owusoso Akaa ɔkɔ. Sɛ tɛ̀ balɔkɔ ebui kpa etsye alɛ, tɛ̀ bamɔ ɔzãkɔ nɛ bagɛ badalɛ balɛ ishu ɔganà mɛabha tɛyɛyɛkɛŋã mɛ.’

Korintoanɛ 2 12:2

Inyi anyɛ teli gɛ akpasɛ Apaleteɛ mɛ gɛ asɛ agɔ lɔfɔ nɛ talɛ nɛ alɛ befeke yɛ avɛnɔ kititi tramɛ mɛ. Onupɛ ishupi mɛ alo gɛnɛ ishupi mɛ o, mɛxɔnɔ itinyi, Owusoso Akaa xɔnɔ enyi ɛlɛ.

Korintoanɛ 1 4:15

Gɛ banɔ asɛ ihotu lɔfɔ lɛ wɔnɔ ahɔɛ nɛ Kristo mɛ tsyɛ elo, wɔnɔ akaa alɛ egikpè, ɔmɔsɛ nɛ Yesu Kristoɔ mɛ, ɛbadzì akaa ɔkɔ wɔnɔ ɔgana kibui gbangbã mɛ.

Tesalonikanɛ 1 5:23

Owusoso Akaa, yɛahɔɛ ishu yɔyɔ, dalɛ wɔnɔ shu tɛ̀ edzinɔ adalɛ. Tɛ̀ Wɔnɔ ɔfɔfuĩa nɔ petee, kɛtɔwuiɛ nɛ̀ ishudzyaa zã kɛpɔ mabu mabu nɛ Apalete Yesu Kristo tɛbabaa shu.