Korintoanɛ 1 1:26 - Nyangbo New Testament

²⁶ Mɛele alɛ mɔ, nɔbakà kɛzã gɛ nɔzã flogo pɛ bekulu wɔnɔ. Gɛnɛ wɔnɔ banɔ kpekpèɛ balɛ edzi bebutinɛ nɛ banɔdzyrame bɔdɔ̃ mɔmɔ ulũ, gɛnɛ banɔ gelee gɛazã wɔnɔɛshiɛ balɛ edzì bagɛ eku banɔ awɔ, gɛnɛ wɔnɔ banɔ gelee balɛ ede baapã gbangbã mɛ.

Korintoanɛ 1 1:26 Referans Kwoze

Yakobo 2:5

Mɛdzya alɛ gɛ ɛdɛmɛ nɔ, nɔtɛ atɔ̃ tɛ nolũ. Pɛnɔsɛ anɛ bagɛ beɖì asɛ balɛ enu betsyutsyuiɛ, balɛ Owusoso Akaa xɔnɔ ebú bedzi ehoeyielete nɛ tɛyɛyɛkɛŋã mɛ, kɛlɛ anɛ balɛ abaŋã itití ukusiɛ gɛ atɔɖɔ elu akɔ agɛ adɛmɛ yɛibuiɛ mɔɔ dza?

Korintoanɛ 1 2:8

Kanɔ alɛ mɛ beekusi nanà egilũ bɔlɛ esi, ɔmɔsɛ pɛ otɛ ɔsɛ belũ bɔlɛ kesiɛ tsyɛ alo, bagɛ takpalà Apaleteɛ gɛ yɛishu dalɛ nɛ butsi osiɛ shu.

Korintoanɛ 1 1:20

Fakɔ ebutinɛ alɛ? Fakɔ buplukpaeleteɛ alɛ. Fakɔ bagɛ apɛɛ obo kanɔ nɔ̀ bubutì idzoɔ alɛ dza? Owusoso Akaa egitsyina kanɔ alɛ mɛ bubutiɛ budzi bɔga dɔdɔ dza?

Korintoanɛ 1 2:13

Ebui alɛ bɔɖɔ, gɛnɛ banɔdzyrame ebui nɛ̀ bubutì balɔkɔ akasɛ bɔlɔ ɔdɔ̃ nɔ, pɔ gana ebuiɛ gɛ Ɔfɔfuĩa nɔ kasɛ bɔlɔ abha, gɛ ladalɛ ɔfɔfuĩa mɛ ebuiɛ gɛ lakpasɛ alɛ mɛ ɔganà ɔfɔfuĩa ebuiɖɔɖɔ mɛ.

Yohanes 2 1:1

Denɔ Esheshèɛ ɔkɔ, Ɔsɛsɛ apãlĩɛ gɛ bebu eluɔ nɛ̀ yɛeyi alɛ, gɛ ɛdɛmɛ nɔ alɛ nɛ kibui gbã mɛ, gɛnɛ mɛ ete pɔ bagɛ balɛ enyi kibui gbã tsyɛ petee,

Filipianɛ 4:22

Banɔ dadalɛ pete asɛnɛ wɔnɔ asɛsɛ, asɛ banunɔ gɛalɛ Romanɛ Ekusi Gbagbla ɔpãmɛ ana.

Banɔkpɛkpɛ Axɔ̃ɛ 17:34

Banɔ bhlui teli ebedzi Paulo yiedeazazã kɛlɛ bayɛkɛ aŋã. Balɛ mɛ banɔ nɔ teli balɛenu, Dionisio gɛenu Areopago yɛ kɛtakpu ɔtɔ̃kɔ anɔ, nɛ̀ adzɛ teli tsyɛ gɛ bezekulu yɛasɛ Damaris nɛ̀ banɔ kasasà tieli.

Banɔkpɛkpɛ Axɔ̃ɛ 13:12

Gɛ ɔma ekusiɛ amɔ kɛgɛ ba ɛlɛ mɛɛ, ayɛkɛ aŋã ɔmɔsɛ Apaleteɛ shu bɔdɔ̃ kakasɛ bhɛtɛ yɛibi.

Banɔkpɛkpɛ Axɔ̃ɛ 13:7

anyɛ alɛ azadɛ axɔ̃ɛ akɔ ekusi Sergio Paulo. Ɔma ekusi alɛ edzì ebuitinɛ teli idi kliso akpɛ banɔ nɛ Barnaba nɛ̀ Saulo ɔkɔ, ɔmɔsɛ apɛ asɛ tɛ elũ Owusoso Akaa nɛibuiɛ.

Romanɛ 11:29

ɔmɔsɛ Owusoso Akaa yɛbɔdɔ̃ kɔkɔ anɔ nɛ̀ yɛ banɔ tikukuluɔ titsyina ɖa.