Korintoanɛ 1 1:23 - Nyangbo New Testament

²³ pɔ bɔlɔ xɔnɔɔ, Kristoɔ gɛ bakpalà nɛ butsi osiɛ shu nɛibui bɔɖɔ, kibui gɛ kinu kɛdɔ̃ kpakpatà ɔkɔ Yudanɛ pɛ bɔga kibui kinu ɔkɔ bagɛ betinu Yudanɛ xɔnɔ,

Korintoanɛ 1 1:23 Referans Kwoze

Korintoanɛ 1 2:14

Anunɔ gɛ Ɔfɔfuĩa nɔ ma yɛmɛɛ, atɛyɛkɛ ebuiɛ gɛ alɛ ede Owusoso Akaa Ɔfɔfuĩa nɔ mɛ, ɔmɔsɛ lenu kɛwɔaga ibui ɔkɔɛ, kɛlɛ atɛ balà elũ alɛ esi ɔmɔsɛ ɔfɔfuĩa balɔkɔ elũ alɛ esi nɔ.

Petro 1 2:8

kɛlɛ “Kɛklagbuɔ gɛkɔ asɛ bɔnɔ akpatà nɛ̀ ɔxɔa gɛɔkɔ asɛ baadɔ oboeɛ.” Bakpatà bɔdɔ̃ ɔmɔsɛ bagɛ yɛkɛ kibuiɛ, kibuiɛ gɛ babalɛ elu asɛ kɛba alɛ abha.

Korintoanɛ 1 2:2

Ɔmɔsɛ gɛzã wɔnɔ ɛshiɛ, ɛbhɛtɛ mɛishu asɛ itinyí kɛnanà ɔdɛ Yesu Kristo, nɛ̀ kana gɛ bakpalà yɛ nɛ butsi osiɛ shu.

Galatianɛ 5:11

Mɛadzya alɛ mɔ, onupɛ itsiɖi ɛlɛ abha ɖɔ kaɖɔ nɛ kɛhɔ̃a bhui bhuiɛ shuɔ pɔ, kiɖeso pɛ baka atɔnɔ miede? Nɛ Kibui ɛlɛ shuɔ, kibui kpa gɛ babhɛtɛ nɛ butsi osiɛ shuɔ batsà odì akpɛ ɛlɛ mɛ.

Korintoanɛ 1 1:18

Butsi osiɛ shu ebuiɛ enu bɔga ebui ɔkɔ bagɛ bayalàa, pɔ bɔlɔ bagɛ baayɛkɛ elu nɛkpã xɔnɔɔ, lɛenu Owusoso Akaa ohumi ɔkɔ bɔlɔ.

Galatianɛ 6:14

Kɛnanà tɛkɔ mɛitũ mɛitelũ ɖi, ɔdɛ Apalete Yesu Kristo yɛ butsi osiɛ shu ibui ete, gɛ ɔgana yɛabhaa bakpalà kanɔ nɔ̀ nɛ butsi osiɛ shu akɔ mɛ, kɛlɛ mɛtsyɛ kɔ kanɔ nɔ̀.

Efesoanɛ 3:8

Gɛ mɛinu anɔ bhlui ɔdɛ nɛ bagɛ edzì bhlui nɛ Owusoso Akaa yɛanɔ petee ishi tsyɛ elo, mɛ ɛyɛkɛ tibhui bhui ebu ɛlɛ, sɛ tɛ mɛɖɔ Kristo ehoeyi ɔdɔ̃ gɛ ɔtɛ bɔmɔ nɛ ɔkɔ nanà ibui otseɖe bagɛ etinu Yudanɛ,

Galatianɛ 3:1

Wɔnɔ Galatianɛ awɔaga! Afana gɛ atã ɔnɔ nɛ̀ ohui ana dza? Nɛ wɔnɔ amɛɛ, nɔmɔ piapii ɔsɛ bakpalà Yesu Kristo nɛ butsi osiɛ shu.

Korintoanɛ 2 4:5

Ɔmɔsɛ anɛ bɔlɔ shu kibui bɔɖɔ, pɔ Yesu Kristoɔ bɔlɔ Apaleteɛ shu bɔɖɔ kaɖɔɔ, kɛlɛ budzi asɛ baxɔ̃ɛdɛ akɔ Yesu ana.

Korintoanɛ 1 1:28

Alɔkɔ bɔdɔ̃ gɛmã kɛnanà mɛ nɛ kanɔ alɛ mɛ pɛ banɔ etie ɖi akpɛ kɛnanà mɛ, nɛ̀ ebuiɛ gɛ legi yi kɛdɔ̃ nanàa, ebù ebuiɛ gɛalɛ eyinɔ,

Korintoanɛ 1 1:21

Nɛ Owusoso Akaa bubuti nulũ soɔ, kanɔ alɛ mɛ gana kalɛ bubutiɛ mɛ betinyi yɛ, bɔwɔaga kibuiɛ gɛ baɖɔ tɛ bebù bagɛ ayɛkɛ aŋã elu nɛkpã ku Owusoso Akaa nɔ awɔ ɔdɛ.

Korintoanɛ 1 4:10

Budzi baaga nɛ Kristo ɛtakpu, pɔ bebutinɛ nɔonu nɛ Kristo mɛ! Bubotsò, pɔ wɔnɔ xɔnɔ ɔgagalĩ. Baakpɛ wɔnɔ kinyè nɛitití, pɔ bɔlɔ xɔnɔ batɛ̀ɛ ɔlɔ lu esi!

Hebrianɛ 12:2

Nɔkɔ ɔlɔ awuhũ àzã Yesu abha, yɛ gɛ akpɛ ɛlɛ esi pɛ ewoese ɔlɔ tɛyɛyɛkɛŋãa, kɛlɛ gɛ enyi same nɔnɔ́ gɛ alɛ akɔɛ idegba soɔ, akpɛ emi nɛ butsí osiɛ abha zazã bɔtɔ mɛ, kɛlɛ butsí osi abha zazã gɛiku yɛiwũi nanà. Otsi alɛ ezhi azã Owusoso Akaa bukusiegbu nɛŋã mɛ.