Korintoanɛ 1 1:20 - Nyangbo New Testament

²⁰ Fakɔ ebutinɛ alɛ? Fakɔ buplukpaeleteɛ alɛ. Fakɔ bagɛ apɛɛ obo kanɔ nɔ̀ bubutì idzoɔ alɛ dza? Owusoso Akaa egitsyina kanɔ alɛ mɛ bubutiɛ budzi bɔga dɔdɔ dza?

Korintoanɛ 1 1:20 Referans Kwoze

Romanɛ 1:22

Beɖi asɛ bebuitinɛ benu, pɔ bebedzi baga,

Korintoanɛ 1 3:19

Ɔmɔsɛ kanɔ mɛ bubuti ɛlɛ nu bɔga dɔdɔ nɛ Owusoso Akaa namɛ. Asɛ gɛ bafɔnɔ elú asɛ, “Eevũ bagɛ eɖi asɛ benyi kibuiɛ nɛ balɛ bɔshɛ̃ ebui bhɛbhɛtɛ mɛ”

Korintoanɛ 1 1:19

Ɔmɔsɛ bafɔnɔ elú asɛ, Ɛbazĩ bebuti eleteɛ balɛ bubutiɛ, ɛba futsù bagɛ eɖi asɛ bubutì lɛ balɛ ahɔɛ mɛ balɛ bubutiɛ mɛ kpɛ.”

Korintoanɛ 1 2:6

Bɔkaaɖɔ bubuti ebui alɛ nɛ bagɛ batɛ kpɛ iguɔ nɛishi, pɔ gɛnɛ obo kanɔ alɛ mɛ bubuti alo bagɛ baaŋã bukusì nɛ kalɛ mɛ, gɛ beti bedzi kɛdɔ̃ nanà.

Banɔkpɛkpɛ Axɔ̃ɛ 17:18

Epikoroanɛ teli gɛ beshogò ishu ɔplɛnɔ Stoanɛ teli gɛenu bebutìnɛ abakpà kibui wlɔãkɛ nɛ̀ Paulo. Balɛ mɛ beteli ezebisi yɛasɛ, “Kinuvɔ ibui ɖuwoe idi yɛaɖɔ ana?” Bagɔgɔɔ tsyɛ aɖɔ asɛ, “Abhɛtɛ asɛ aɖɔaɖɔ tɛ alɔkɔ ebu amadi bhlatɔ ibudi ulũ nɔ.” Baɖɔ kibui ɛlɛ ɔmɔsɛ Paulo azaɖɔ kibui gbangbã nɛ Yesu shu, nɛ̀ tɛlɔlɔ odenɔ bekpuɔ mɛ shu.

Romanɛ 1:20

Denɔ kanɔ mɛ esi kpɛkpɛ mɛ keɛ, Owusoso Akaa tɛzazã gbangbã gɛlɛ tikpukpũ mɛ, nɛ̀ yɛohumi tihɔɔ nɛ̀ yɛ ɔfɔfuĩa nɔ tɛzazã mɛɛ, bɔmɔ alɛ mɛ tɛdadalɛ, kɛlɛ esi lulũ alɛ akɔ ebuiɛ odenɔ kɛgɛ babhɛtɛ mɛ, kliso kɛtakpu kɔkɔ ma ɔkɔ anɔ nanà sɛ etinyi ebuiɛ.

Korintoanɛ 1 1:26

Mɛele alɛ mɔ, nɔbakà kɛzã gɛ nɔzã flogo pɛ bekulu wɔnɔ. Gɛnɛ wɔnɔ banɔ kpekpèɛ balɛ edzi bebutinɛ nɛ banɔdzyrame bɔdɔ̃ mɔmɔ ulũ, gɛnɛ banɔ gelee gɛazã wɔnɔɛshiɛ balɛ edzì bagɛ eku banɔ awɔ, gɛnɛ wɔnɔ banɔ gelee balɛ ede baapã gbangbã mɛ.

Korintoanɛ 1 1:27

Pɔɔ Owusoso Akaa alɔkɔ bɔga dɔdɔ ebuiɛ nɛ kanɔ nɔ̀ mɛ sɛ tɛ̀ alɔkɔ akpɛ bebutinɛ nawuĩ nɔ. Owusoso Akaa alɔkɔ bɔdɔ̃ gɛ bubotsoɔ akpɛ bɔgagalĩ nawuĩ nɔ.

Korintoanɛ 1 1:28

Alɔkɔ bɔdɔ̃ gɛmã kɛnanà mɛ nɛ kanɔ alɛ mɛ pɛ banɔ etie ɖi akpɛ kɛnanà mɛ, nɛ̀ ebuiɛ gɛ legi yi kɛdɔ̃ nanàa, ebù ebuiɛ gɛalɛ eyinɔ,

Korintoanɛ 1 2:8

Kanɔ alɛ mɛ beekusi nanà egilũ bɔlɛ esi, ɔmɔsɛ pɛ otɛ ɔsɛ belũ bɔlɛ kesiɛ tsyɛ alo, bagɛ takpalà Apaleteɛ gɛ yɛishu dalɛ nɛ butsi osiɛ shu.

Korintoanɛ 1 3:18

Nɔtɛ̀ wɔɛ wɔnɔshu. Onupɛ abhɛtɛ wɔnɔ mɛ anɔ teli asɛ enyi kibui nɛ obo kanɔ alɛ mɛ bubutì ulũɔ, etsyina edzì “awɔaga” sɛ tɛ̀ ebedzi ebutinɛ.

Korintoanɛ 1 6:2

Nɔotinyi ɔsɛ bagɛ enu bayɛyɛkɛŋã balɛ ebekulu kebhu nɛ kanɔ mɛ banɔ nɔɔ dza? Kɛlɛ onupɛ wɔnɔ obokulu kebhu nɛ̀ kanɔ nɔ̀ mɛ, nɔgɛ ná sɛ tɛ nokulu bubhu bhlui bhlui lɛ nɛidiɛ dza?

Korintoanɛ 1 11:32

Onupɛ Apaleteɛ ekulu kebhu nɛ bɔlɔ, apɔ́ batɔ̃ akɔ bɔlɔ sɛ tɛ̀ beti bebu bɔlɔ ɛpɔ ɔplɛnɔ kanɔ nɔ̀.

Yakobo 4:4

Wɔnɔ ɔmamɛ dɛdɛelete, notinyi ɔsɛ nɔɔŋã ɛbhia nɛ̀ kanɔ alɛ mɛɛ, kɛlɛ notsyina odzi banɔ gɛ banyana Owusoso Akaa akpɛ ɛya mɛɛ dza? Anɔ nyia anɔ gɛ edzi ɔbhia ɔkɔ kanɔ alɛɛ, kɛlɛ etsyina edzi anunɔ gɛ agɛ dɛmɛ nɛ Owusoso Akaa.