Korintoanɛ 1 1:2 - Nyangbo New Testament

² Ɛfɔnɔ kalɛ sɛsɛ Owusoso Akaa ɔha gɛalɛ Korinto, nɛ̀ bagɛ badalɛ balɛishu nɛ Yesu Kristo mɛ pɛ balɛishu dalɛ, ɔlɔkɔ plɛnɔ bagɛ balɛ ɔkɔ nyia ɔkɔ pɛ beekulu Apalete Yesu Kristoɔ inyeɛ, anɔ gɛenu balɛ Apaleteɛ nɛ̀ bɔlɔ ayɛ.

Korintoanɛ 1 1:2 Referans Kwoze

Romanɛ 1:7

Wɔnɔ banɔ dadalɛ pete nɛ Roma gɛ bekulu, pɛ Owusoso Akaa adɛmɛ nɔɔ, Tibhui bhuibu nɛ̀ ishuyɔyɔ odenɔ bɔlɔ Owusoso Akaa nɛ̀ Apalete Yesu Kristo ɔkɔ kɔ wɔnɔ.

Korintoanɛ 1 1:30

Yɛ sopɛ nɔkpasɛ Yesu Kristo mɛ, anɔ gɛ yɛakɔ ɔlɔ bubuti odenɔ Owusoso Akaa ɔkɔ, gɛ kɛlɛinù bɔlɔ tɛzazã piapii, ishudadalɛ nɛ̀ bɔlɔ tibubuyinɔ odenɔ ebui kpa bhɛbhɛtɛ mɛ.

Banɔkpɛkpɛ Axɔ̃ɛ 26:18

tɛ̀ ɔkpà balɛ awuhũɔ, tɛ̀ otsyinà alɛ odenɔ otumũ mɛ̀, ɔmana kanɔ dadalɛ mɛ̀, nɛ̀ odenɔ Satana yɛohumi ahɔɛ mɛ̀, ɔmana Owusoso Akaa ɔkɔ. Sɛ tɛ̀ balɔkɔ ebui kpa etsye alɛ, tɛ̀ bamɔ ɔzãkɔ nɛ bagɛ badalɛ balɛ ishu ɔganà mɛabha tɛyɛyɛkɛŋã mɛ.’

Hebrianɛ 13:12

Nɛidzo ɛlɛ nabhaa, Yesu tsyɛ amɔ̃ bɔtɔ nɛ ɔma ɔlɛ kakãdeɛ ɔsɛ tɛ alɔkɔ yɛdzyosu nɔ adalɛ banɔ shu nɔ.

Tesalonikanɛ 1 4:7

Ɔmɔsɛ Owusoso Akaa egi kulu bɔlɔ asɛ bututru shu, pɔ tɛ bɔza nɛ ɛkpã gɛ ɛlɛ shu dalɛ.

Hebrianɛ 10:10

Kɛlɛ gana kibui tɔtɔɖɔ ɛlɛ mɛɛ, Owusoso Akaa abhɛtɛ ɔlɔ budzi banɔ dadalɛ ɔgana Yesu Kristo yɛishu tɛlɔlɔkɔ ɔkɔ nɛ ebeɛ pete ulũ.

Korintoanɛ 2 4:5

Ɔmɔsɛ anɛ bɔlɔ shu kibui bɔɖɔ, pɔ Yesu Kristoɔ bɔlɔ Apaleteɛ shu bɔɖɔ kaɖɔɔ, kɛlɛ budzi asɛ baxɔ̃ɛdɛ akɔ Yesu ana.

Banɔkpɛkpɛ Axɔ̃ɛ 9:14

Kɛlɛ aba ɛkɛlɛ nɛ̀ ohumi edenɔ banɔlũazazã agbagbla ɔkɔ asɛ tɛ ebevũ anɔ ka nyia ka gɛekulu wɔɛnyeɛ.”

Kibui Bubú Kasɛ 19:16

Bafɔnɔ kinye ɛlɛ nɛ yɛakpɛkpɛ dzlolo nɛ̀ ɛtsrɛta nabha asɛ, BEKUSI ABHA EKUSI NƐ̀ BAPALETE ABHA APALETE.

Yuda 1:1

Mɛ Yuda, Yesu Kristo yɛaxɔ̃ɛdɛ nɛ̀ Yakobo yɛadza ɔkɔ. Mɛfɔnɔ keplukpa alɛ ɛsɛsɛ bagɛ bekulu pɛ Owusoso Akaa adɛmɛ nɔ pɛ Yesu Kristo abalɛ alɛ elúɔ.

Hebrianɛ 2:11

Anunɔ gɛ yɛakɔ banɔ tɛdadalɛ, nɛ̀ bagɛ babhɛtɛ asɛ tɛ badalɛ pete nɔɔ, bede kishopo tinikpo mɛ. Kliso kiti nu kiwuĩ ibui ɔkɔ Yesu asɛ tɛ ekulu alɛ asɛ yɛadzya alɛ.

Timoteo 2 1:9

anɔ gɛ yɛebu ɔlɔ pɛ ekulu bɔlɔ amana ɛkpã gɛ ɛlishu dalɛ mɛ, gɛnɛ kɛnanà gɛ bɔbhɛtɛ shu so, pɔ nɛ yɛ tɛtɔtɔɖɔ nɛ̀ tibhui bhuibuɔ shu so. Bakɔ ɔlɔ tibhui bhuibu ɛlɛ nɛ Kristo Yesu mɛ flogo pɛ kanɔ alɛ mɛ abakpɛ esi,

Timoteo 1 3:15

onupɛ ɛbawɔ kideɛ, obotì kana gɛ kɛlɛ sɛ anɔ azã nɛ̀ ɛkpã nɛ Owusoso Akaa bɔpã mɛ, ɔhaa gɛenu Owusoso Akaa enunuɔ ɔyɛ, kɛgɛ inu bubhi asha, nɛ̀ buvũ esi kpɛkpɛ ɛklagbuɔ ɔkɔ kibui gbã.

Tesalonikanɛ 2 1:1

Paulo, Silvano Nɛ̀ Timoteo, bɔlɔ sɛsɛ ɔhaa nɛ Tesalonika gɛ akpasɛ Owusoso Akaa gɛenu bɔlɔ Akaa nɛ̀ Apalete Yesu Kristo mɛ keplukpa alɛ,

Tesalonikanɛ 1 1:1

Paulo, Silvano Nɛ̀ Timoteo, balɔkɔ keplukpa alɛ asɛsɛ Tesalonika ɔhaa nɛ Owusoso Akaa gɛenu bɔlɔ Akaa nɛ̀ Apalete Yesu Kristo balɛ inyeɛ mɛ, tibhui bhuibu nɛ̀ ishu yɔyɔ zã ɔplɛnɔ wɔnɔ.

Efesoanɛ 5:26

sɛ tɛ abhɛtɛ tɛ ɔlɛ ishuɔ dalɛ nɛ tipuplu nɛ̀ ɔlɛ tiwuwulu nɔ nɛ̀ bulĩ ɔganà kibuiɛ mɛ,

Korintoanɛ 2 1:1

Paulo gɛedzi anɔkpɛkpɛ akɔ Yesu Kristo nɛ Owusoso Akaa tɛpɛpɛ ulũɔ, nɛ̀ Timoteo gɛenu bɔlɔ adzyaa, Mɛ sɛsɛ Korintoanɛ ɔhaa keplukpa alɛ ɔlɔkɔ plɛnɔ bagɛ bayɛkɛ aŋã nɛ Axaya petee asɛ,

Korintoanɛ 1 8:6

pɔ nɛ bɔlɔkɔ xɔnɔ, Owusoso Akaa tenikpo yɛalɛ, Akaa, gɛ denɔ yɛabha kɛka nyia ka de koeyì, pɛ yɛ bɔlɛ nɛ ɛkpã ɔkɔɔ, pɛ kana Apalete tenikpo tsyɛ yɛalɛ gɛenu Yesu Kristo, gɛ gana yɛabha kɛka nyia ka de koeyì pɛ ganà yɛabha bɔlɛ nɛ ɛkpã.

Romanɛ 10:12

Ɔmɔsɛ Yudanɛ nɛ̀ bagɛ betinu Yudanɛ pete nɔ, tenikpo balɛ. Apalete tenikpo alɛ yɛenu Apaleteɛ akɔ balɛ petee, kɛlɛ yɛeyula tutu esi akɔ anɔ nyia anɔ gɛ akpɛ ɛtakpu esi akɔɛ,

Romanɛ 3:22

Anɔ gbangbã dzidzi alɛ, Owusoso Akaa ɔkɔ kide ɔgana Yesu Kristo abha tɛyɛyɛkɛŋã mɛ ɔkɔ bagɛ ayɛkɛ aŋã petee. Egibu ananà ɔtɔ,

Banɔkpɛkpɛ Axɔ̃ɛ 22:16

Kɛlɛ otsiɛ nɔpɔ, kiɖe woko opoɔ dza? Lɔ, kɔ bakpɛ bulĩ akɔwɔ nɛ kɛtakpu tɛ̀ beplu wɔ ebui kpa atɛ́ɛ gana yɛinyeɛ tikukulu mɛ.’

Banɔkpɛkpɛ Axɔ̃ɛ 18:1

Nɛ kibui ɛlɛ niedeɛ, Paulo ashɛ nɛ Atene avɛ Korinto.

Banɔkpɛkpɛ Axɔ̃ɛ 15:9

Egibu ɔtɔ nanà nɛ bɔlɔ nɛ̀ balɛishi, pɔ adalɛ balɛ etúɔ mɛ ɔgana tɛyɛyɛkɛŋã mɛ.

Banɔkpɛkpɛ Axɔ̃ɛ 10:36

Nonyi kibuiɛ gɛ Owusoso Akaa asɛsɛ Israelanɛ, asɛ tɛ baɖɔ ishu yɔyɔ kibui gbangbã ɔgana Yesu Kristo abha gɛenu Apalete akɔ kɛka nyia ka.

Banɔkpɛkpɛ Axɔ̃ɛ 9:21

Kɛbhɛtɛ banunɔ gɛ bazataatɔ̃ elũ yɛebuiɛ petee nɛibi kɛlɛ bebisi asɛ, “Gɛnɛ anyɛ alɛ yɛaza atɔɖɔ kɛtakpu mɛ̀ zizĩ nɛ banunɔ gɛ beze kulu Yesu kinye ɛlɛ dza? Pɔ gɛnɛ yɛazaba ɛkɛlɛ̀ ebeevũ banunɔ pɛ azagbanà alɛ avɛnɔ banɔlũazazã gbagbla ɔkɔ asɛ ɔɖavũmɛ azazãa dza?”

Timoteo 2 2:22

Bu tɛtsɛɖɛ mɛ ɔshɛ nɛ bɔyisɔ̃ mɛ ebui zizĩ tɛpɛpɛ shu, tɛ ɔtɔnɔ ebuiɛ gɛ alɛishu adalɛ, gɛenu tɛyɛyɛkɛŋã, tɛdɛdɛmɛ nɔ nɛ̀ ishu yɔyɔ ede, ɔlɔkɔ plɛnɔ bagɛ bekulu Apaleteɛ odenɔ kitúɔ gɛ dalɛ mɛ.

Galatianɛ 1:2

nɛ̀ ɔhamɛ anunɔ petee gɛ alɛ mɛɔbhaa, Bɔlɔ sɛsɛ keplukpa alɛ nɛ Galatia ɔha mɛ.

Banɔkpɛkpɛ Axɔ̃ɛ 9:13

Anania ebuiliulũ asɛ, “Apalete, bakɔ mɛ tititì gelee nɛ anyɛ alɛ shu, nɛ̀ bɔdɔ̃ gɛ ezĩ nɛ banɔ dadalɛ shu nɛ Yerusalemuɔ.

Romanɛ 8:28

Bunyi nɛ kɛka nyia ka mɛɛ ɔsɛ, Owusoso Akaa abhɛtɛ ɛlɛ kidzi kɛgbangbã ɔkɔ bagɛ adɛmɛ nɛ yɛ, bagɛ alɛ yɛekulu nɛ yɛtɛtɔtɔɖɔ ɔluɔ.

Korintoanɛ 1 10:32

Nɔtɛ kɔ sɛ anɔ nanà akpatà bɔdɔ̃, edzi asɛ Yudanɛ o, Helanɛ, pɛnɔsɛ Owusoso Akaa yɔhaa

Korintoanɛ 1 12:27

Otsiɛnɔ wɔnɔ onu Ishupiɛ ɔkɔ Kristoɔ, kɛlɛ wɔnɔ petee onu kawɔ̃pɛ tieli ɔkɔ ɛlɛ.

Timoteo 1 2:8

Ɛpɛ sɛ banɔ gɛede ɔkɔ nyia ɔkɔ efeke balɛ ahɔɛ dadalɛ nɛitití ɔkɔ Owusoso Akaa tikukulu, tɛ̀ ɔmɔpɔɛ alo kibui wɔawlɔãkɛ tɛzã ɛlɛ mɛ.

Timoteo 2 2:19

Pɔ, Owusoso Akaa uvũ esi kpɛkpɛ klagbuɔ xɔnɔ dzi gɛ ɛtɛbà hɔa, pɛ badã ɛlɛ ɔdɔ̃ nɛ̀ kibui fɔfɔnɔ ɛlɛ ɔsɛ, “Apaleteɛ enyi bagɛ enu yɛayɛ, kɛlɛ anɔ ka nyia ka gɛ adalɛ Apaleteɛ nɛinye shuɔ, kɛlɛ sɛ eyidè nɛ kɛtakpu mɛ gagalĩ ebui shu.”