Korintoanɛ 1 1:18 - Nyangbo New Testament

¹⁸ Butsi osiɛ shu ebuiɛ enu bɔga ebui ɔkɔ bagɛ bayalàa, pɔ bɔlɔ bagɛ baayɛkɛ elu nɛkpã xɔnɔɔ, lɛenu Owusoso Akaa ohumi ɔkɔ bɔlɔ.

Korintoanɛ 1 1:18 Referans Kwoze

Korintoanɛ 1 2:14

Anunɔ gɛ Ɔfɔfuĩa nɔ ma yɛmɛɛ, atɛyɛkɛ ebuiɛ gɛ alɛ ede Owusoso Akaa Ɔfɔfuĩa nɔ mɛ, ɔmɔsɛ lenu kɛwɔaga ibui ɔkɔɛ, kɛlɛ atɛ balà elũ alɛ esi ɔmɔsɛ ɔfɔfuĩa balɔkɔ elũ alɛ esi nɔ.

Romanɛ 1:16

Ɔmɔsɛ Kibui Gbangbã tinu kiwuĩbui ɔkɔ mɛ, ɔmɔsɛ kinu Owusoso Akaa yɛohumi ɔkɔ, anɔ nyia anɔ gɛ ayɛkɛ aŋãa yɛtibubu. Putɔ nɔɔ, ɔkɔ Yudanɛ flogo pɛ bagɛ betinu Yudanɛ.

Tesalonikanɛ 2 2:10

nɛ ebui kpa ka nyia ka ɛdi gɛ lawɔɛ bagɛ ayalaa. Bayala ɔmɔsɛ bagɛ dɛmɛ kibuiɛ gɛlɛ ɛlɛ ɔzãkɔ nɛibui sɛ tɛ bebu alɛ.

Korintoanɛ 2 4:3

Kɛlɛ onupɛ kidzi asɛ badã kibui gbangbã nɔdɔ̃ tsyɛ elo, badã kɛlɛ bɔdɔ̃ ɔkɔ bagɛ balɛ ɛkpã yalaa.

Korintoanɛ 1 1:21

Nɛ Owusoso Akaa bubuti nulũ soɔ, kanɔ alɛ mɛ gana kalɛ bubutiɛ mɛ betinyi yɛ, bɔwɔaga kibuiɛ gɛ baɖɔ tɛ bebù bagɛ ayɛkɛ aŋã elu nɛkpã ku Owusoso Akaa nɔ awɔ ɔdɛ.

Korintoanɛ 1 3:19

Ɔmɔsɛ kanɔ mɛ bubuti ɛlɛ nu bɔga dɔdɔ nɛ Owusoso Akaa namɛ. Asɛ gɛ bafɔnɔ elú asɛ, “Eevũ bagɛ eɖi asɛ benyi kibuiɛ nɛ balɛ bɔshɛ̃ ebui bhɛbhɛtɛ mɛ”

Tesalonikanɛ 1 1:5

ɔmɔsɛ bɔlɔ ibui gbangbã ba wɔnɔ ɔkɔ anɛ nɛ kaɖɔ bhlui ete, pɔ nɛ̀ ohumi, ɔlɔkɔ plɛnɔ Ɔfɔfuĩa Gbangbã nɛ̀ ebuesilulũ gɛ alɛ mɛ edzuɔ. Nonyi kanà gɛ bɔzã wɔnɔɛshi nɛ wɔnɔ ɛtakpu.

Korintoanɛ 1 2:2

Ɔmɔsɛ gɛzã wɔnɔ ɛshiɛ, ɛbhɛtɛ mɛishu asɛ itinyí kɛnanà ɔdɛ Yesu Kristo, nɛ̀ kana gɛ bakpalà yɛ nɛ butsi osiɛ shu.

Banɔkpɛkpɛ Axɔ̃ɛ 13:41

“ ‘Ɖimɔ, wɔnɔ bagɛ nozĩ banɔ shu, nɔkanà tɛ notsí, ɔmɔsɛ ɛba bhɛtɛ kibui tili nɛ wɔnɔ kibe ɛlɛ mɛ gɛ nɔtɛ bɔyɛkɛ ɔŋã oɖi, gɛ onupɛ anɔ teli yɛetseɖe wɔ tsyɛ.’ ”

Hebrianɛ 4:12

Ɔmɔsɛ Owusoso Akaa ibuiɛ lɛ nɛ ɛkpã, gɛ kɛwɔa axɔ̃ɛ. Kibuiɛ lɔŋã ɔdɛ bɛtɛɛ̀ ilugbũ tɛbha- ka nyia ka. Ashɔ banɔ kɛlɛ ayɛ kɛtɔwui, ɔfɔfuĩa, axɔa ɔtsyɔakɔ nɛ̀ axɔamɛɔbɔ mɛ. Kɛlɛ ekulu ebhu nɛ anɔ ekpeɖekpeɖe nɛ̀ yɛetú mɛ ebui bhɛbhɛtɛ.

Korintoanɛ 2 10:4

Keyuta ɔdɔ̃ gɛ bɔɔtà keyuɔ nɔɔ butinu kanɔ mɛ keyuta ɔdɔ̃. Nɛ kidzo bhlatɔ abhaa, ɔfɔfuĩa mɛ ohumi ɔlɛ balɛ ahɔɛ ɔsɛ tɛ balɔkɔ ayɛɛ ɔfɔfuĩa mɛ ebui gagalĩ nɔ.

Korintoanɛ 1 15:2

Ɔgana kibui gbangbã ɛlɛ mɛ bebú wɔnɔ ɛkpã, gɛ onupɛ nɔnyanã kibuiɛ gɛ itseɖe wɔnɔ mɛ vunɔ gagalĩ. Onu gɛnanaa, wɔnɔ tɛyɛyɛkɛŋã ma kɛnanà mɛ.

Banɔkpɛkpɛ Axɔ̃ɛ 17:32

Gɛ belũ kibuiɛ odenɔ bekpuɔ tɛlɔlɔ shuɔ, beteli amɔ̃ɛ yɛ, pɔ bagɔgɔ xɔnɔ aɖɔ asɛ, “Bɔpɛ ɔsɛ buwlui lũ wɔ kaɖɔ ɖɔɖɔ nɛ kibui ɛlɛ shu kidegba.”

Banɔkpɛkpɛ Axɔ̃ɛ 17:18

Epikoroanɛ teli gɛ beshogò ishu ɔplɛnɔ Stoanɛ teli gɛenu bebutìnɛ abakpà kibui wlɔãkɛ nɛ̀ Paulo. Balɛ mɛ beteli ezebisi yɛasɛ, “Kinuvɔ ibui ɖuwoe idi yɛaɖɔ ana?” Bagɔgɔɔ tsyɛ aɖɔ asɛ, “Abhɛtɛ asɛ aɖɔaɖɔ tɛ alɔkɔ ebu amadi bhlatɔ ibudi ulũ nɔ.” Baɖɔ kibui ɛlɛ ɔmɔsɛ Paulo azaɖɔ kibui gbangbã nɛ Yesu shu, nɛ̀ tɛlɔlɔ odenɔ bekpuɔ mɛ shu.

Banɔkpɛkpɛ Axɔ̃ɛ 2:47

pɛ bazakpɛ Owusoso Akaa nɛinyè nɛitití kɛlɛ balɛ ebuiɛ ezeku banunɔ petee awɔ̃. Kɛlɛ Apaleteɛ akɔ bagɛ ayɛkɛ elú nɛkpã abaplɛnɔ balɛ bekpè atɔɖɔ kiwui nyia wui.

Korintoanɛ 1 4:10

Budzi baaga nɛ Kristo ɛtakpu, pɔ bebutinɛ nɔonu nɛ Kristo mɛ! Bubotsò, pɔ wɔnɔ xɔnɔ ɔgagalĩ. Baakpɛ wɔnɔ kinyè nɛitití, pɔ bɔlɔ xɔnɔ batɛ̀ɛ ɔlɔ lu esi!

Hebrianɛ 12:2

Nɔkɔ ɔlɔ awuhũ àzã Yesu abha, yɛ gɛ akpɛ ɛlɛ esi pɛ ewoese ɔlɔ tɛyɛyɛkɛŋãa, kɛlɛ gɛ enyi same nɔnɔ́ gɛ alɛ akɔɛ idegba soɔ, akpɛ emi nɛ butsí osiɛ abha zazã bɔtɔ mɛ, kɛlɛ butsí osi abha zazã gɛiku yɛiwũi nanà. Otsi alɛ ezhi azã Owusoso Akaa bukusiegbu nɛŋã mɛ.