Koloseanɛ 4:7 - Nyangbo New Testament

⁷ Tikikus ebètseɖɔ wɔnɔ ebuiɛ petee mɛ gɛ ɛgã. Enu adzya gbangbã, axɔ̃ɛwɔa gɛ ayɛkɛ aŋã pɛ aɖɔ kibui gbã pɛ ewlui enu axɔ̃ɛdɛ ɔplɛnɔ ɔlɔ nɛ Apaleteɛ mɛ.

Koloseanɛ 4:7 Referans Kwoze

Timoteo 2 4:12

Ɛsɛsɛ Tixiko nɛ Efeso.

Banɔkpɛkpɛ Axɔ̃ɛ 20:4

Soparte, Piro gɛede Beroa yɛeyianyɛ azã yiede, nɛ̀ Aristaxo nɛ̀ Sekundo gɛede Tesalonika, Gayo gɛede Derbe nɛ̀ Timoteo, nɛ̀ Tixiko nɛ̀ Trofimo gɛede Asia bɔdɔ̃ mɛ.

Tito 3:12

Kibè nɔnɔ gɛ ɛnya sɛsɛ Artena alo Tixiko nɛ wɔkɔ koɔ, kpɛ emi tɛ̀ ɔba mɛɔbha nɛ Nikopolis, ɔmɔsɛ ɛtɔɖɔ ɛlɛ sɛ ɛbazã ɛkɛlɛ nɛ ekukù mɛ.

Koloseanɛ 4:9

Yɛ nɛ̀ Onesimo balɛ aba. Bɔlɔ adzya gbangbã nɛ tɛyɛyɛkɛŋã mɛ pɛ enu wɔnɔ mɛ anɔ tenikpo nɔ. Bebè tseɖe wɔnɔ kɛka nyia ka gɛ ba ɛlɛ mɛ nɛ ɛkɛlɛ̀.

Koloseanɛ 4:12

Epafrodito gɛenu Kristo Yesu yɛaxɔ̃ɛdɛ pɛ ede wɔnɔ mɛ tsyɛ asɛnɛ wɔnɔ. Alɔkɔ kemi kpɛkpɛ ekulu Owusoso Akaa nɛ wɔnɔ ɛtakpu kibe nyia be, sɛ tɛ nɔzã gagalĩ nɛ Owusoso Akaa tɛpɛpɛ ulũ, asɛ anɔ gɛ nɔoshè pɛ bayɛkɛ ɔnɔ abha aŋã ana.

Filipianɛ 2:25

Pɔ ɛmɔ sɛ kɛpɛ̃ ɔsɛ mɛidzini Epafrodito gɛenu mɛadzya sɛsɛ, nɛ̀ mɛ ɔhagbo xɔ̃ɛwa nɛ keyu atata pɛ enu wɔnɔ axɔ̃ɛdɛ gɛ nɔsɛsɛ ɔsɛ ezeɖi mɛabhaa.

Koloseanɛ 1:7

Nɔ kpasɛ ɛlɛ odenɔ Epafro bɔlɔ adzya gɛ aadɛ axɔ̃ɛ aplɛnɔ ɔlɔ ɔkɔ, anɔ gɛ aɖɔ tɛyɛyɛkɛŋã ebui nɛ ɔlɔ ɛtakpu,