Koloseanɛ 4:12 - Nyangbo New Testament

¹² Epafrodito gɛenu Kristo Yesu yɛaxɔ̃ɛdɛ pɛ ede wɔnɔ mɛ tsyɛ asɛnɛ wɔnɔ. Alɔkɔ kemi kpɛkpɛ ekulu Owusoso Akaa nɛ wɔnɔ ɛtakpu kibe nyia be, sɛ tɛ nɔzã gagalĩ nɛ Owusoso Akaa tɛpɛpɛ ulũ, asɛ anɔ gɛ nɔoshè pɛ bayɛkɛ ɔnɔ abha aŋã ana.

Koloseanɛ 4:12 Referans Kwoze

Romanɛ 15:30

Mɛelɛ alɛ mɔ, ɛkpalà ɔnɔ ɔgana Apalete Yesu Kristo abha, nɛ̀ Yɛɔfɔfuĩa nɔ tɛdɛdɛmɛ nɔ nɛ̀ banɔ mɛɛ, tɛ nɔplɛnɔ mɛ nɛ ɛxɔ̃ɛ gagalĩ lɛ mɛ, tɛ nokulu Owusoso Akaa nɛ mɛtakpu.

Koloseanɛ 1:9

Nɛ kibui ɛlɛ shu soɔ, odenɔ kiwuiɛ gɛ kɛlɛ abha bulũ wɔnɔ ɔdɔ̃ɔ, bɔkà yɔlɔ Owusoso Akaa tikukulu kɔ ɔnɔ pɛ bubisi Owusoso Akaa sɛ eyuku ɔnɔ mɛ nɛ̀ kibuititì nɛ yɛ tɛpɛpɛ ulũ ɔganà ɔfɔfuĩa mɛ bubuti nɛ̀ ebui esi lulũɔ petee mɛ.

Filimon 1:23

Epafra anɔ gɛ akpasɛ ɔɖavũmɛ aplɛnɔ mɛ nɛ Yesu Kristo mɛ asɛnɛ wɔ.

Koloseanɛ 1:28

Bɔɖɔ yɛebuiɛ ɔkanà, kɛlɛ bɔlɔkɔ bubutì petee kpalà anɔ pɛ bɔkasɛ alɛ ɔdɔ̃, sɛ tɛ̀ bɔkɔ aka nyia aka ana nɛ Kristo mɛ.

Koloseanɛ 1:7

Nɔ kpasɛ ɛlɛ odenɔ Epafro bɔlɔ adzya gɛ aadɛ axɔ̃ɛ aplɛnɔ ɔlɔ ɔkɔ, anɔ gɛ aɖɔ tɛyɛyɛkɛŋã ebui nɛ ɔlɔ ɛtakpu,

Petro 2 1:1

Mɛ Simon Petro, gɛinu Yesu Kristo yɛaxɔ̃ɛdɛ nɛ̀ anɔkpɛkpɛ, Mɛ fɔnɔ keplukpa alɛ sɛsɛ, bagɛ ɔganà ebui gbangbã bhɛbhɛtɛ mɛ ɔkɔ bɔlɔ Owusoso Akaa nɛ̀ Yesu Kristoɔ gɛebu ɔlɔ bayɛkɛ tɛyɛyɛkɛŋã ɛlɛ gɛ yɛkɛ edzi asɛ bɔlɔ ɛyɛ ana.

Galatianɛ 4:19

Mɛeyi alɛ gɛ ɛdɛmɛ nɔɔ, gɛ wɔnɔ shu so pɛ ɛya ɛlɛ katã mɛ odiyinɔ kibeɛ gɛ Kristo afala eku wɔnɔ mɛ flogo,

Galatianɛ 1:10

Banɔ mɛpɛ otsiɛ ɔsɛ baɖɔ atɔɖɔ mɛibuiɛ nabha pɛnɔsɛ Owusoso Akaa dza? Pɛnɔsɛ banɔ mɛpɛ ɔsɛ tɛ mɛiku alɛ awɔ̃ dza? Onupɛ ɛka pɛ ɔsɛ tɛ mɛiku banɔ awɔ̃ɔ, kɛlɛ ɛtɛ balà dzi axɔ̃ɛdɛ ɔkɔ Kristo.

Romanɛ 15:14

Mɛelɛ alɛ mɔ, ɛmɔ kɛlɛ idenɔ mɛishu mɛ ɔsɛ, nodzi banɔ gbangbã nɛ bubuti mɛ, kɛlɛ nɔna gɛ nɔbɔlà kasɛ bagɔlɔ ɔdɔ̃.

Yuda 1:24

Ishu dadalɛ ɔkɔ anunɔ gɛ yɛakɔ asɛ tɛ̀ nɔtɛ dɔ oboe, sɛ tɛ̀ alɔkɔ ɔnɔ elù anɔ dadalɛ amɛ tɛ̀ kibui kpa tɛzã wɔnɔ shu pɔ nɛ same mɛɛ,

Hebrianɛ 5:14

Banɔ sheshè balɛ aŋã kɛŋaŋã gagalĩ, gɛ bakpala alɛ aganà ebui gelee mɛ soɔ benyi ibui gbangbã nɛ̀ kizizĩ.

Hebrianɛ 5:7

Nɛ kibeɛ gɛ Yesu azã kanɔ nɔ̀ mɛɛ, ekulu Owusoso Akaa pɛ akɔ yɛtakpu ɔgana ozĩ kpɛkpɛ ɔplɛnɔ ɛwɔ̃mɛ bibi mɛ ɔkɔ anunɔ gɛ abalà yɛebu edenɔ butsí mɛɛ. Elũ yɛtikukuluɔ, nɛ yɛishu esi zhizhinɔ gbangbã mɛ so.

Koloseanɛ 1:22

Pɔ otsiɛ xɔnɔ, abhɛtɛ̀ ɔnɔ tenikpo nɛ̀ Kristo ishudzya ɔganà butsi mɛ, tɛ̀ abhɛtɛ wɔnɔ ishu lɛ dalɛ nɛ yɛamɛ, tɛ̀ batɛmɔ kihututũ nanà nɛ ɔnɔ shu tɛ̀ noboli odenɔ kɛpɔ bubu mɛ,

Korintoanɛ 2 13:11

Otsi alɛ mɛ adzya alɛ, ɛshɛ mɔ̃ o. Nɔoɖi kɛgɛ bakɔ nɔbɔ pɛ ɔtɔɖɔ ɔkɔ, nɔolũ mɛibuiɛ gɛ ibisi denɔ wɔnɔ ɔkɔ, nɔzã ekpeɖekpeɖe tenikpo mɛ, nɔzã ishu yɔyɔ mɛ. Kɛlɛ Owusoso Akaa gɛ alɛ ɔkɔ tɛdɛdɛmɛ nɔ nɛ̀ ishu yɔyɔ mɛɛ abazã plɛnɔ wɔnɔ.

Korintoanɛ 1 14:20

Mɛadzya alɛ, nɔyɔlɔ ekpeɖekpeɖe mɛ tɛbhɛbhɛtɛ asɛ bunuvɔɛ ana. Nɛ ebui kpa tɛbhɛbhɛtɛ shu xɔnɔ, nɔzã asɛ bunuvɔɛ ana, pɔ nɛ wɔnɔ ekpeɖekpeɖe bhɛbhɛtɛ mɛ xɔnɔ nɔzã asɛ banɔ sheshè ana.

Korintoanɛ 1 2:6

Bɔkaaɖɔ bubuti ebui alɛ nɛ bagɛ batɛ kpɛ iguɔ nɛishi, pɔ gɛnɛ obo kanɔ alɛ mɛ bubuti alo bagɛ baaŋã bukusì nɛ kalɛ mɛ, gɛ beti bedzi kɛdɔ̃ nanà.

Yakobo 5:16

Kliso nɔdalɛ ɔnɔ ebui kpa mɛ ɔkɔ bagɔlɔ, tɛ nokulu Owusoso Akaa ɔkɔ bagɔlɔ tɛ kɛkɔ ɔsɛ nɔmɔ ishu mɛ gagalĩ. Bupu lɛ anɔ gbangbã yɛ Akaa tikukulu mɛ kɛlɛ kɛwɔa axɔ̃ɛ tsyɛ popopo.

Yakobo 1:1

Keplukpa alɛ kede mɛ Yakobo, Owusoso Akaa nɛ̀ Apalete Yesu Kristo yɛaxɔ̃ɛdɛ ɔkɔ. Ɛfɔnɔ alɛ sɛsɛ egbogbo lɔfɔ nɛ̀ taabha gɛ apɔɛ afalanɔ pɛ bakpasɛ ɛmadi bhlatɔ mɛ. Nɔyɛkɛ mɛ ɔsɛsɛnɔo.

Tesalonikanɛ 1 5:23

Owusoso Akaa, yɛahɔɛ ishu yɔyɔ, dalɛ wɔnɔ shu tɛ̀ edzinɔ adalɛ. Tɛ̀ Wɔnɔ ɔfɔfuĩa nɔ petee, kɛtɔwuiɛ nɛ̀ ishudzyaa zã kɛpɔ mabu mabu nɛ Apalete Yesu Kristo tɛbabaa shu.

Koloseanɛ 1:29

Ɔvɛnɔ kibui ɛlɛ ɔgɔgɔɛ ɔkɔɔ mɛɛtɔ, pɛ ɛwlɔ̃akɛ nɛ̀ yɛohumi nɔ petee, gɛ lɔwɔa axɔ̃ɛ gagalĩi nɛ mɛ mɛ̀.

Koloseanɛ 4:9

Yɛ nɛ̀ Onesimo balɛ aba. Bɔlɔ adzya gbangbã nɛ tɛyɛyɛkɛŋã mɛ pɛ enu wɔnɔ mɛ anɔ tenikpo nɔ. Bebè tseɖe wɔnɔ kɛka nyia ka gɛ ba ɛlɛ mɛ nɛ ɛkɛlɛ̀.

Yakobo 1:4

Nɔkɔ wɔnɔ emi kpɛkpɛ azã wɔnɔ ɛkpã mɛ ɔdɛtɔ̃, tɛ nodzi banɔ gɛ eshe, pɛ nɔna nɛ kɛka nyia ka mɛ, gɛ nɔtɛ bɔpɛ ɛdɔ̃ nanà.