Koloseanɛ 3:5 - Nyangbo New Testament

⁵ Klisoɔ nɔŋã kanɔ alɛ mɛ kɛka nyia ka idi gɛ kpasɛ ɔnɔ mɛ nabha. Gɛinu asɛ ɔmamɛdɛdɛ, atsɔ̃bui, ishumɛ tɛlɔlɔ nɛ adzɛ shu, ebui zizĩ tɛtɔtɔɖɔ, nɛ̀ mɛ ete tɛpɛpɛ̃ gɛinu ibudi ebui.

Koloseanɛ 3:5 Referans Kwoze

Romanɛ 8:13

Onupɛ nɔzã nɛ̀ ɛkpã nɛ kanɔ alɛ ɛkpã kpa ulũɔ, nobotsí, pɔ onupɛ nɔlɔkɔ Ɔfɔfuĩa nɔ oyí kanɔ mɛ ebui kpa gɛ nɔdɛmɛ nɔ nɔ̀ɔ, nɔbɔzã nɛ ɛkpã,

Galatianɛ 5:24

Bagɛ enu Kristo Yesu ayɛ xɔnɔ, bakpalà balɛ ebui kpa bhɛbhɛtɛ nɛ̀ kɛgɛ badɛmɛ nɔ nɛ̀ kɛgɛ bapɛ nɔ nɛ butsi osiɛ shu.

Romanɛ 6:13

Nɔtɛ shɛnɛ ahɔɛ nɛ wɔnɔ ishupiɛ shu ɔkɔ nanà ɔkɔ kibui kpa, asɛ kɛxɔ̃ɛwadɔ̃ ɔkɔ kɛtakpu mɛ gagalĩ ebui bhɛbhɛtɛ, pɔ nɔshɛnɛ ahɔɛ nɛ wɔnɔshu ɔkɔ Owusoso Akaa ɔmɔ asɛ banɔ gɛ bebu edenɔ butsí mɛ ɔmana ɛkpã mɛ ana, tɛ nɔshɛnɛ ahɔɛ nɛ wɔnɔ ishupiɛ shu ɔkɔ nyia ɔkɔ ɔkɔɛ, asɛ bɔxɔ̃ɛwɔadɔ̃ ɔkɔ kibui gbangbã tɛbhɛbhɛtɛ.

Petro 1 2:11

Ɛbhia gɛ ɛdɛmɛ nɔ, ɛɛkpalà wɔnɔ, wɔnɔ asɛ beefù ana nɛ̀ bafafala nɛ kanɔ nɔ̀ mɛ, sɛ tɛ̀ nɔobu wɔnɔ ishu oyinɔ odenɔ tɛdɛdɛmɛ nɔ ebui kpa, gɛ laatà keyù nɛ̀ wɔnɔ atɔwuiɛ.

Korintoanɛ 1 6:18

Nɔobu tɛtsɛɖɛ mɛ ɔshɛ nɛ kɛgɔlɔ ŋaŋã ebui shu. Ebui kpa ka nyia ka gɛ anɔ abhɛtɛ, abhɛtɛ alɛ nɛ ishupi niede, pɔ anunɔ gɛ abhɛtɛ kibui kpa odenɔ kɛgɔlɔ ŋaŋã mɛɛ xɔnɔɔ, abhɛtɛ kibui kpa nɛ yɛahɔɛ ishudzya shu.

Efesoanɛ 4:19

Gɛ bagɛ lɔkɔ kɛnanà nɛ ɛlɛ mɛ soɔ, balɔkɔ balɛishu akɔ kanɔ mɛ ɔdzyɛ, sɛ tɛ babhɛtɛ atsɔ̃bui ka nyia ka idi, pɛ betsiɖi ɛlɛ abha abhɛtɛ aplɛnɔ.

Korintoanɛ 2 12:21

Kifù yimɛ sɛ onupɛ ɛzɛba, mɛ Owusoso Akaa abakɔ mɛizhini mɛishu esi nɛ wɔnɔ amɛ, kɛlɛ ɛbàmɔ ɔwɔ̃nyɔnɔ denɔ banɔ gelee gɛ batɛ bhɛtɛ ebui kpa akpɛ otugbà pɛ begitsyina nɛ balɛ etúɔ mɛ odenɔ atsɔ̃bui bhɛbhɛtɛ mɛ, ebui asɛ ɔmamɛ dɛdɛ nɛ̀ bunu tibubuku ebui gɛ balɔkɔ balɛishu ashɔkpɛ mɛ.

Kibui Bubú Kasɛ 21:8

Pɔ kifusisíelete, bagɛ agɛyɛkɛ aŋã, atsɔ̃bui abhɛbhɛtɛelete, bagɛ beyì anɔ, aglɔŋaŋãelete, behuinɛ, ibudielete nɛ̀ asɛnɛ sɛsɛelete peteɛ xɔ̃nɔɔ-balɛ ɔzãkɔ obodzi kifu gɛtã nɛ̀ aklagbuifu ɔɖɛklɛmɛ nɔ mɛ. Kɛlinu butsi bhalàa.”

Romanɛ 7:23

pɔ iwlui mɔ ɔsha bhlatɔ gɛ lɔwɔa axɔ̃ɛ nɛ mɛishu udzyaa mɛ, gɛ lɔlɔkɔ keyu nɛ mɛekpeɖekpeɖe mɛ bhɛbhɛtɛ shu, kɛlɛ lɔkpɛ mɛ ɔɖavũ anɔ ɔkɔ ɔsha kpa gɛ ɔwɔa axɔ̃ɛ nɛ mɛishu udzya mɛ.

Kibui Bubú Kasɛ 22:15

Bagɛ babàwɔ kevudeɛ, balɛ enu beebu, behuinɛ, bagɛ baaŋã agɔlɔ, bagɛ beyi anɔ, ibudielete nɛ̀ anɔ ka nyia ka gɛ adɛmɛ asɛnɛ sɛsɛ ebui pɛ asɛɔsɛ.

Yakobo 4:1

Kiɖe gɛ mana ekpli tatá nɛ̀ ebala nɛ wɔnɔɛishi? Pɛnɔsɛ anɛ ebuiɛ gɛ lakpasɛ ɔnɔ mɛ pɛ latɛ eyu nɛ ɔnɔ mɛɛ ledeɛ dza?

Korintoanɛ 1 6:13

“Bɔŋaŋã lɛ kɔ kevũɔ, kɛlɛ kevũɔ tsyɛ alɛ kɔ́ bɔŋaŋã,” pɔ Owusoso Akaa ebezĩ balɛ taabha. Bagɛ bhɛtɛ ishudzyaa kɔ́ kɛgɔlɔ ŋaŋã ebui, pɔ Apaleteɛ babhɛtɛ ɛlɛ akɔ, kɛlɛ babhɛtɛ Apaleteɛ tsyɛ akɔ ishudzya.

Romanɛ 6:6

Ɔmɔsɛ bunyi sɛ bakpala bɔlɔ ɛkpã kukuɔ nɛ̀ Kristo tɛ kɛkɔ ɔsɛ bɔshɛnɛ ahɔɛ nɛ ishupiɛ gɛ dɛmɛ ebui kpa bhɛbhɛtɛ shu lu, sɛ tɛ bɔtadzi banɔ dzidzi ɔkɔ ebui kpa-

Hebrianɛ 13:4

Wɔnɔ badzɛenyine nɛ̀ banyɛedziniɛ, nɔkpɛ ɛtakpu esi ɔkɛ bagɔlɔ shu nɛ̀ wɔnɔ ɔwɔ̃sɔkɔ tsyɛ, ɔmɔsɛ Owusoso Akaa ebekulu ebhu nɛ̀ agɛ adɛ ɔma mɛ nɛ̀ bagɛ baŋã agɔlɔ.

Hebrianɛ 12:16

Nɔnyana ishu piapii sɛ tɛ anɔ nanà etidzi ɔmamɛadɛdɛ elete alo anɔ gɛ akaa ɔfɔfuĩa nɔ ma yɛmɛ asɛ Esau ana, gɛ atsrakɛ yɛeyianyɛ ukusi ɔzãkɔ nɛ̀ kɛŋaŋã esugba tienikpo nɔ ana.

Tesalonikanɛ 1 4:3

Kinu Owusoso Akaa tɛpɛpɛ sɛ tɛ wɔnɔ shu dalɛ, sɛ tɛ nɔyɔlɔ ɔmamɛdɛdɛ,

Korintoanɛ 1 5:1

Bakɔ bɔlɔ tititì nɛ wɔnɔ shu sɛ kɛgɔlɔ ŋaŋã ebui akpasɛ wɔnɔ mɛ, kibui gɛ ibudi elete tsyɛ atɛ abhɛtɛ. Anyɛ teli ayɛkɛ yɛakaa edzini.

Romanɛ 7:5

Nɛ kibe ɛlɛ gɛ kanɔ mɛ ebuiɛ azagbana ɔlɔɔ, ebui nɔnɔ gɛ agbanà anɔ akpɛ ebui kpa mɛ nɛ ɔsha nulũɔ azã ɔlɔ mɛ, kɛlɛ agɛ bɔbhɛtɛ pete agbana ɔlɔ ɔkpɛ butsí mɛ.

Romanɛ 1:29

Banunɔ mɛ eyuku nɛ̀ atakpu mɛ gagalĩ, ebui zizĩ, mɛete ɛyɛ tɛpɛpɛ̃ nɛ̀ banɔ tidzyidzyini ɔkpɛ, alɛ ayɛkɛ alɛ mɛ. Ebui kpa bhlatɔ enu awuhũ dzadzã nɛ banɔ shu, banɔ yiyí, ebla pɛpɛ, banɔ wɔɛwɔ̀ɛ nɛ̀ ɔhagbo shu tizizĩ. Benu olugbũedzi agagã anɔ,

Romanɛ 1:26

Nɛ alɛ shu soɔ Owusoso Akaa ashɛnɛ ahɔɛ nɛ balɛishu akɔ awuĩ ebui gɛ badɛmɛ nɔ. Balɛ adzɛ etsyina awɔsɔ̃ nɛ bagɔlɔ, gɛ kitinu agɛ ebu alɛ tɛtɔtɔɖɔ flogo.

Tesalonikanɛ 1 4:5

gɛnɛ sɛ tɛ tɛwɔwɔsɔ̃ nɛ̀ bagɔlɔ zɛlɔ̀ nɛ wɔnɔ shu mɛ asɛ bagɛ bakpɛ kɛtakpu esi akɔ ibudi gɛ betinyi Owusoso Akaa,

Korintoanɛ 1 6:11

Ebui alɛ wɔnɔ mɛ banɔ teli aza abhɛtɛ. Pɔ beplu wɔnɔ ishu, badalɛ wɔnɔ shu, kɛlɛ bebhui bɔtyɔa akɔ wɔnɔ nɛ Apalete Yesu Kristoɔ nɛ Owusoso Akaa Ɔfɔfuĩa nɛinyeɛ mɛ.

Koloseanɛ 2:11

Yɛmɛ bebhui kɛhɔ̃a akɔ ɔnɔ, gɛ nɔ shɛnɛ ahɔɛ nɛ wɔnɔ ebui kpa bhɛbhɛtɛ shu, gɛnɛ kɛhɔ̃a gɛ bebhui nɛ̀ banɔdzyrame ahɔɛ, pɔ kɛhɔ̃a gɛ Kristo ebhui,

Timoteo 1 6:10

Ɔmɔsɛ ehoeyi tɛdɛdɛmɛ nɔ alɛenu iguɔ ɔkɔ ebui kpa bhɛbhɛtɛ petee. Banɔ teli gɛ bapɛ asɛ tɛ bamɔ ehoeyiɛ, betsyina nɛ tɛyɛyɛkɛŋã shu kɛlɛ bakpɛ balɛishu apɔ̃ nɛ̀ ɔwɔ̃nyɔnɔ gelee.

Hebrianɛ 13:5

Tɛdɛdɛmɛ nɔ nɛ̀ ehoeyi pɛpɛ ɔfala nɛifu tɛzã ɔnɔ mɛ, pɔ nɔkɔ kɛgɛ ɛlɛ wɔnɔ ahɔɛ ku wɔnɔ awɔ̃, ɔmɔsɛ Owusoso Akaa aɖɔ asɛ, “Ɛtɛba shɛnɛ ahɔɛ nɛ wɔshu alo tɛ mɛshɛ̃ yɔlɔ wɔ ɖa.”