Koloseanɛ 3:4 - Nyangbo New Testament

⁴ Onupɛ Kristoɔ gɛenu ɔnɔ ɛkpã ebe koeyiɛ, kɛlɛ wɔnɔ tsyɛ obokoeyì ɔplɛnii nɛ ishu dadalɛ mɛ.

Koloseanɛ 3:4 Referans Kwoze

Yohanes 1 3:2

Mɛadzya alɛ gɛ ɛdɛmɛ nɔɔ, otsi alɛ bunu Owusoso Akaa yɛeyi alɛ, kɛlɛ bekebu kɛgɛ bɔbà dziɛ kasɛ. Pɔ bunyi sɛ onupɛ ebekoeyìɛ, bɔbà zã asɛ yɛanà, ɔmɔsɛ bɔbà mɔ yɛ asɛ kana gɛ alɛɛ ana.

Galatianɛ 2:20

Bakpalà mɛ ɔplɛnɔ Kristo nɛ butsi osiɛ shu kɛlɛ gɛnɛ mɛ kalɛ nɛkpã, pɔ Kristoɔ yɛakpasɛ mɛ mɛ̀. Ɛkpã gɛ ɛlɛ mɛidzinɔ nɛ ishudzya mɛɛ, idzi nɛ ɛlɛ nɛ tɛyɛyɛkɛŋã nɛ Owusoso Akaa Yɛeyianyɛ mɛ, anɔ gɛ adɛmɛ mɛibui pɛ alɔkɔ yɛishu akɔ nɛ mɛtakpu.

Petro 1 1:13

Klisoɔ, nɔ balɛ wɔnɔ ekpeɖekpeɖeɛ ɔkɔ kɛxɔ̃ɛ wɔawɔa, nɔŋã wɔnɔ shu abha tɛ nozoɖì kidzo mɛ ɔkɔ tibhui bhuibuɔ gɛ babà kɔ wɔnɔ gɛ onupɛ Yesu Kristo ebè ekoeyìɛ.

Filipianɛ 3:21

anɔ gɛ, ohumi ɔlɛ yɛahɔɛ, pɛ alɔkɔ agbanà kɛka nyia ka ɔkpɛ yɛesi nɔ, ebè tsyina ɔlɔ ishudzya ɛlɛ gɛ ma kɛnanà mɛɛ tɛ bɔzã asɛ yɛɔyɛ dadalɛ.

Petro 1 5:4

Kɛlɛ onupɛ Ibhoshiɛ Agbagbana Ekusiɛ ebekoeyìɛ, nɔbɔ yɛkɛ ishu dadalɛ ɛkpã kikutuɔ gɛ ɛtɛbà zĩ ɖiɛ.

Yohanes 1 2:28

Mɛeyi alɛ gɛ ɛdɛmɛ nɔ, otsiɛ nɔ, nɔzã yɛmɛ, sɛ tɛ̀ onupɛ ebekoeyìɛ, bɔbàmɔ awɔ̃ lulu kɛlɛ kiwũi tɛbàyì bɔlɔ nɛ yɛamɛ nɛ kibeɛ gɛ ebekuɔ.

Hebrianɛ 9:28

kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.

Kibui Bubú Kasɛ 22:14

Beyulà banunɔ gɛ beplu balɛ akpɛkpɛ dzloloɔ, sɛ tɛ bakɔ alɛ idzo nɛ busiɛ gɛ akɔ ɛkpãa shu, kɛlɛ tɛ bamɔ idzo agã afala nɛ budulũɔ tɛ betsoku ɔma mɛ.

Korintoanɛ 1 15:43

baɖa ɛlɛ nɛ awuĩ mɛ, kɛlɛ befeke ɛlɛ nɛ ishudadalɛ mɛ, baɖa ɛlɛ nɛ tibobotsò mɛ, kɛlɛ befeke ɛlɛ nɛ ohumi mɛ,

Kibui Bubú Kasɛ 22:1

Kɛlɛ axɔ̃ɛdɛ akasɛ mɛ kelĩkekpuɔ gɛ kalɛ mɛ ulĩ kɔ ɛkpãa. Bulĩɛ mɛ dalɛ ɔmɔ asɛ ahuhɔ̃ɛ ana, kɛlɛ bɔkpɛ odenɔ Owusoso Akaa nɛ̀ Obhoshieyiɛ ekusiegbuɔ mɛ.

Yuda 1:24

Ishu dadalɛ ɔkɔ anunɔ gɛ yɛakɔ asɛ tɛ̀ nɔtɛ dɔ oboe, sɛ tɛ̀ alɔkɔ ɔnɔ elù anɔ dadalɛ amɛ tɛ̀ kibui kpa tɛzã wɔnɔ shu pɔ nɛ same mɛɛ,

Yohanes 1 5:12

Anɔ nyia anɔ gɛ ayɛkɛ Eyiɛ nabha ŋã ɛkpã lɛ yɛahɔɛ, kɛlɛ ɛkpã ma anunɔ gɛ agɛ yɛkɛ Owusoso Akaa yɛeyi nabha mɛ.

Tito 2:13

nɛ kibeɛ gɛ buɖi kidzo mɛ ɔkɔ tiyuyula gɛ buɖi kidzo mɛ ɔkɔɔ, nɛ kibeɛ gɛ bupo tiyuyula ɛwuiɛ gɛ buɖi kidzo mɛ ɔkɔ nɛ Owusoso Akaa gbagbla yɛ tɛdadalɛ nɛ̀ Yesu Kristo gɛ ebu ɔlɔ tɛbaba nabha,

Timoteo 2 4:8

Otsi alɛ xɔnɔ, balɔkɔ kibui gbangbã tɛbhɛbhɛtɛ kikutuɔ abalɛ elu akɔ mɛ, kɛgɛ Apalete gɛenu kebhu gbangbã kukulu eleteɛ, abalɔkɔ akɔ mɛ nɛ kiwui ɛlɛ nabhaa, kɛlɛ gɛnɛ mɛ ete yɛabakɔ, pɔ abakɔ bagɛ eɖi yɛ tɛbaba idzo mɛ tsyɛ.

Korintoanɛ 2 4:17

Ɔmɔsɛ bɔlɔ bɔtɔ lɛ gidzi foele pɛ bɔfalà gulũi nɔ, bakɔ bɔlɔ̀ tɛdadalɛ gɛbazã tihɔɔ gɛ dɛ kɛka nyia ka.

Timoteo 2 1:1

Paulo, gɛenu Yesu Kristo yɛanɔkpɛkpɛ nɛ Owusoso Akaa tɛpɛpɛ ulũ, nɛ tɛtɔtɔɖɔ olu ɔkɔ ɛkpã zazãna gɛlɛ Kristo Yesu mɛ,

Tesalonikanɛ 1 4:17

Nɛ kɛlɛ́ niedeɛ, bɔlɔ bagɛ kalɛ nɛ̀ ɛkpã bebè feke ɔlɔ ewunɔ kitsù nɛ alɛ nɛ ɔmɔlɔ nɔ mɛ tɛ̀ bɔtsyanà Apaleteɛ nɛ kɛlɛ́ɛ nɔ mɛ. Klisoɔ, bɔbaza plɛnɔ Apaleteɛ tihɔɔ.

Korintoanɛ 1 1:7

Klisoɔ, nɔtɛ ɔpɛɛ ɔfɔfuĩa mɛ kɛdɔ̃ kɔkɔ nanà gɛ noɖì kidzo mɛ gagalĩi ɔkɔ bɔlɔ Apalete Yesu Kristo yɛ tibubu kasɛɛ.

Kibui Bubú Kasɛ 2:7

Anunɔ gɛ batɔ̃ alɛ yɛ, tɛ elũ ibuiɛ gɛ Ɔfɔfuĩa nɔ ɔɖɔ otseɖe baháa. Kɛlɛ anɔ gɛ aŋã abhaa, ɛbakɔ yɛidzo yɛaŋã busiɛ gɛ ɛkɔ ɛkpã, pɛ lɛlɛ Owusoso Akaa Bɔkã mɛɛ.

Timoteo 1 6:14

ɔsɛ tɛ ɔnyana ɔsha mɛ ovunɔ tɛ kihututũ alo kɛpɔ bubu nanà tɛ ba kɔ wɔ ɔvɛnɔ kibeɛ gɛ Apalete Yesu Kristo ebetsyina aba,

Banɔkpɛkpɛ Axɔ̃ɛ 3:15

Noyi anɔ nɔ gɛ akɔ banɔ ɛkpaã, pɔ Owusoso Akaa efeke yɛ edenɔ bekpu nɛishi. Bɔzã mɔ kibui ɛlɛ.

Romanɛ 8:18

Nɛ mɛɔdɔ̃ mɔmɔ lũɔ, kibe ɛlɛ ɔtɔ tinu kɛdɔ̃ gɛ babalà alɔkɔ ashɔnɔ ishu dadalɛ gɛ bebebu akasɛ nɛ ɔlɔ mɛɛ.

Romanɛ 8:19

Kanɔ mɛ bɔdɔ̃ bhɛbhɛtɛ pete epo nɛ̀ awuhũ dzadzã ɔkɔ Owusoso Akaa yɛeyi alɛ tibubu kasɛ.