Koloseanɛ 3:22 - Nyangbo New Testament

²² Banɔ dzidziɛ, nɔolũ atɔ̃ ɔkɔ wɔnɔ kesiakpa abha apaleteɛ nɛ kɛka nyia ka mɛ, nɔtɛ bhɛtɛ ɛlɛ sɛ gɛ balɛ awuhũɔ etsiɖi wɔnɔ abha tɛ nɔoku alɛ awɔ̃ so, pɔ nɔbhɛtɛ ɛlɛ odenɔ ɛyamɛ nɛ̀ kitu gbangbã mɛ tɛ nɔlɔkɔ ɔkpɛ kɛtakpu esi ɔkɔ Apaleteɛ nɔ.

Koloseanɛ 3:22 Referans Kwoze

Galatianɛ 1:10

Banɔ mɛpɛ otsiɛ ɔsɛ baɖɔ atɔɖɔ mɛibuiɛ nabha pɛnɔsɛ Owusoso Akaa dza? Pɛnɔsɛ banɔ mɛpɛ ɔsɛ tɛ mɛiku alɛ awɔ̃ dza? Onupɛ ɛka pɛ ɔsɛ tɛ mɛiku banɔ awɔ̃ɔ, kɛlɛ ɛtɛ balà dzi axɔ̃ɛdɛ ɔkɔ Kristo.

Tesalonikanɛ 1 2:4

Nɛ kidzo bhlatɔ abhaa, bɔɖɔ kaɖɔ asɛ banyɛ gɛ Owusoso Akaa atɔɖɔ ahɔɛ nɛ bɔlɔ abha pɛ alɔkɔ yɛibuiɛ akpɛ bɔlɔ ahɔɛ. Bɔtɛ pɛɛ sɛ tɛ buku banɔdzyrame awɔ̃ pɔ Owusoso Akaa boŋ gɛ efeke bɔlɔ etúɔ mɛ eɖiɛ.

Koloseanɛ 3:20

Bunuvɔɛ nɔ, nɔolũ atɔ̃ ɔkɔ wɔnɔ elĩ nɛ̀ wɔnɔ akaalɛ nɛ kɛka nyia ka mɛ, ɔmɔsɛ kɛlɛ ku Apalete nawɔ̃.

Filimon 1:16

ezeke dzi anɔ dzidzì, pɔ aba pɛ adɛ anɔ dzidzi, kɛlɛ abazã asɛ adzya ana gɛ ɔdɛmɛnɔ. Ɛdɛmɛ yɛibui, kɛlɛ ɔbɔ dɛmɛ yɛibui ɔdɛ mɛ asɛ anyɛ nɛ̀ adzya gɛ akpasɛ Apaleteɛ mɛ.

Korintoanɛ 2 7:1

Mɛ ɔbhia alɛ gɛ ɛdɛmɛnɔ, gɛ batɔɖɔ ebui alɛ elú akɔ bɔlɔ soɔ, nɔkɔ bɔdalɛ bɔlɔ shu odenɔ kɛka nyia ka gɛ kɛkpɛ̀ kibò nɛ bɔlɔ ishudzya nɛ̀ ɔfɔfuĩa nɔ shu, tɛ bɔlɔ shu dalɛ tɔɖɔ nɛ kɛtakpu esi kpɛkpɛ ɔkɔ Owusoso Akaa mɛ.

Banɔkpɛkpɛ Axɔ̃ɛ 2:46

Bazatɔ̃ kɛtakpu nɛ Owusoso Akaavũɔ shu kibe nyia be. Bazaŋã bɔdɔ̃ nɛ kesugba tienikpo mɛ nɛ balɛ bapãmɛ nɛ same nɛ̀ etú dadalɛ mɛ,