Koloseanɛ 3:16 - Nyangbo New Testament

¹⁶ Nɔkɔ Kristo ibuiɛ zã wɔnɔ mɛ nɛ kedzi yɛyɛkɛ mɛ nɛ kibeɛ gɛ nɔkasɛ ɔdɔ̃ pɛ nohu buluhũ ɔkɔ agɔlɔ nɛ bubutì petee mɛ, nɛ kibeɛ gɛ nɔɔkalà ɛdzɛ zhazhã eplukpa pɛ nɔzhã ɛfɔfuĩa mɛ ɛdzɛɛ nɛ̀ ahɔɛhuhu nɛ wɔnɔ etúɔ mɛ ɔkɔ Owusoso Akaa.

Koloseanɛ 3:16 Referans Kwoze

Efesoanɛ 5:19

Nɔɖɔ kaɖɔ kpɛ agɔlɔ ɔkɔ nɛ̀ ɛdzɛ zhazhã nɛ̀ ɔfɔfuĩa mɛ ɛdzɛ zhazhã. Nɔzhã ɛdzɛ odenɔ ɔnɔ etúɔ mɛ ɔkɔ Apaleteɛ,

Romanɛ 10:17

Klisoɔ, odenɔ kibuiɛ tilulũ mɛ tɛyɛyɛkɛŋã koeyi, kɛlɛ kibui ɛlɛ bulũ odenɔ Kristo yɛibuiɛ mɛ.

Yohanes 1 2:24

Nɔoɖi kɛlɛ ɔkɔ ɔsɛ kɛgɛ nɔolũ odenɔ kesiɛ ɔkpɛkɔɔ zã wɔnɔ mɛ. Onupɛ kɛzãa ana, wɔnɔ tsyɛ ɔbɔzã Eyianyɛ nɛ̀ Akaa mɛ.

Efesoanɛ 1:17

Itsiɖi ɛlɛ abha bisi sɛ tɛ bɔlɔ Apalete Yesu Kristoɔ, Akaa gɛ yɛishu dalɛ, sɛ akɔ ɔnɔ Ɔfɔfuĩa mɛ bubutiɛ nɛ̀ kibui bubu kasɛ, sɛ tɛ nɔoti yɛ piapii ɔdɛ.

Yakobo 3:17

Bubutiɛ gɛide kititíɛ pɔɔ, putɔ nɔɔ, bɔlɛishu dalɛ, gɛ bɔdɛmɛ nɛ anɔ nɛishu yɔyɔ mɛ, ɔhagbo esi tilulũ, ishu esi tizhizhinɔ, gɛ ashagabui ɖiɖi nɛ̀ eyuyu gbangbã akpasɛ, banɔ amɛ maɖimaɖi nɛ̀ ebui mɛ dadalɛ alɛ.

Yohanes 2 1:2

ɔmɔsɛ kibui gbã kpasɛ bɔlɔ mɛ̀ kɛlɛ kɛkpasɛ ɔlɔ mɛ ɖaa.

Timoteo 2 3:15

kɛlɛ nɛ kana gɛ onyi Owusoso Akaa kibui odenɔ kinuvɔbe soɔ, kibui gɛ bhɛtɛ wɔ pɛ odzì ebuitinɛ ɔkɔ wɔ tibubu ɔgana tɛyɛyɛkɛŋã nɛ Kristo Yesu abha.

Koloseanɛ 1:9

Nɛ kibui ɛlɛ shu soɔ, odenɔ kiwuiɛ gɛ kɛlɛ abha bulũ wɔnɔ ɔdɔ̃ɔ, bɔkà yɔlɔ Owusoso Akaa tikukulu kɔ ɔnɔ pɛ bubisi Owusoso Akaa sɛ eyuku ɔnɔ mɛ nɛ̀ kibuititì nɛ yɛ tɛpɛpɛ ulũ ɔganà ɔfɔfuĩa mɛ bubuti nɛ̀ ebui esi lulũɔ petee mɛ.

Kibui Bubú Kasɛ 5:9

Kɛlɛ bazhã ɔdzɛ vɔvɔ asɛ, “Wonu anunɔ gɛ ɔshɔnɔ ɔsɛ tɛ bɔlɔkɔ eplukpa kɔ tɛ ɔdalɛ kalɛ adadã, Ɔmɔsɛ wɔ bebhui, kɛlɛ wɔdzyosu nɔ, wɔlɔkɔ odzi banunɔ ɔkɔ Owusoso Akaa odenɔ egbogboɔ nyɔ̃ɔ mɛ, beluhũ, banɔdzyrameeyi nɛ̀ ɛmadi.

Yohanes 1 2:27

Wɔnɔ xɔnɔɔ, bɔbɔ sasara gɛ nɔyɛkɛ odenɔ yɛ mɛɛ kakpasɛ wɔnɔ mɛ. Nɔgɛ pɛ ananà tɛ akasɛ wɔnɔ ɔdɔ̃. Pɔ gɛ yɛɔbɔ sasara kasɛ wɔnɔ bɔdɔ̃ nɛ ebuiɛ petee shu pɛ butinu asɛnɛ bɔdɔ̃ kakasɛɛ, bɔdɔ̃ gɛ bɔbɔ sasara kasɛ wɔnɔɔ, nɔzã yɛ mɛ ana.

Koloseanɛ 4:6

Nɔkɔ ɔnɔ kaɖɔ ɖɔɖɔ akasɛ sɛ bebhui ɔnɔ ebu, kaɖɔ gɛ bɔmɔɛ kpasɛ alɛ mɛ, sɛ tɛ̀ nɔotì kana gɛ nɔ obobù kibui ulũ ɔkɔ aka nyia aka.

Efesoanɛ 5:17

Klisoɔ nɔotidzì bawɔaga, pɔ nɔolũ kɛgɛ Apaleteɛ apɛɛ asɛ ɔbhɛtɛ.

Yakobo 5:13

Bɔtɔ bá ɔnɔ mɛ teli abhaa, ekulu itití ayɛ. Anɔ teli amɔ sameɛ, azhã same ɛdzɛ tɛ akpɛ Akaa nɛinye nɛitití.

Tito 3:6

ɔfɔfuĩa nɔ gɛ alɔkɔ ɛyamɛ gbangbã abalɛ̀ bɔlɔ abha ɔgana Yesu Kristoɔ gɛ ebu ɔlɔ nabha,

Korintoanɛ 1 14:26

Mɛadzya alɛ mɔ, kiɖe buwlui zɛbaɖɔ dza? Onupɛ nobo shogòɔ, ɔdzɛ zhazhã ɔlɛ aka nyia aka ahɔɛ alo kibui gɛ balɔkɔ akpalà anɔ, kibui bubu kasɛ, beluhũ vɔvɔ tihuhu nɛ̀ bɔlɛ esi bubu lɛ aka nyia aka ahɔɛ. Kɛlɛ sɛ babhɛtɛ alɛ nyɔ̃ɔ tɛ ledzi ohumi kpɛkpɛ ɔkɔ ɔhaa.

Yakobo 1:5

Onupɛ bubutì ma wɔnɔ ɔmayɛmɛ teli ahɔɛɛ, ebisi Owusoso Akaa gɛ àkɔ anɔ nyɔ̃ɔ ɔdɔ̃ nɛ̀ ɛyamɛ fãa nɔ, pɛ etiɖi ibui kpa nɛ anɔ shu flogo nɔ, kɛlɛ abalɔkɔ akɔɛ.

Koloseanɛ 1:28

Bɔɖɔ yɛebuiɛ ɔkanà, kɛlɛ bɔlɔkɔ bubutì petee kpalà anɔ pɛ bɔkasɛ alɛ ɔdɔ̃, sɛ tɛ̀ bɔkɔ aka nyia aka ana nɛ Kristo mɛ.

Kibui Bubú Kasɛ 15:3

kɛlɛ bazazhã Owusoso Akaa axɔ̃ɛdɛ Mose nɛ̀ Obhoshieyiɛ ɔdzɛ asɛ, “Wɔebui bhɛbhɛtɛ egbogblo kɛlɛ labhɛtɛ ibi, Apalete Owusoso Akaa Ohumielete wɔebuiɛ alɛ àlɛ ɔzãkɔ kɛlɛ wɔedzoɔ enu ebui gbã, Wonu Ekusi galɛ odenɔ kuku ibe.

Yohanes 1 2:14

Ɛfɔnɔ ebui alɛ kɔ wɔnɔ beyiakaa, ɔmɔsɛ nɔonyi anunɔ gɛenu odenɔ kesiɛ ɔkpɛkɔɔ. Ɛfɔnɔ ebui alɛ kɔ wɔnɔ bayisɔ̃, ɔmɔsɛ nɔgagalĩ, kɛlɛ Owusoso Akaa nibuiɛ kpasɛ wɔnɔ mɛ, kɛlɛ nɔŋã anɔ zizĩɛ nabha.

Timoteo 1 6:17

Kpɛ obo kanɔ alɛ mɛ ehoeyi eleteɛ ɔsha tɛ betifeke ishu alo tɛ balɔkɔ otugbà mɛ tiɖiɖiɛ atɔɖɔ ehoeyi mɔmɔ abha, gɛ betinyi kɛgɛ baba, pɔ balɔkɔ balɛ otugbà mɛ tiɖiɖiɛ atɔɖɔ Owusoso Akaa nabha, anɔ gɛ yɛakɔ bɔlɔ ehoeyi nɛ̀ kɛka nyia ka ɔkɔ bɔlɔ samɛ mɔmɔ.

Tesalonikanɛ 2 3:15

Pɔ nɔtɛ lɔkɔ yɛasɛ anɔ gɛ nɔtɔɖɔ olú ana, pɔ notseɖe nii asɛ adzya ana.

Tesalonikanɛ 1 4:18

Klisoɔ nɔkpɛ bagɔlɔ kemi nɛ̀ ebui alɛ.

Korintoanɛ 1 14:15

Kliso kiɖe mɛbabhɛtɛ dza? Ɛbalɔkɔ mɛ ɔfɔfuĩa nɔ kulu Owusoso Akaa nɔ, kɛlɛ iwlui bakulù Owusoso Akaa nɛ̀ mɛ ekpeɖekpeɖeɛ tsyɛ, ɛbazhã ɔdzɛ nɛ̀ mɛ ɔfɔfuĩa nɔ, kɛlɛ iwlui bazhã ɔdzɛ nɛ̀ mɛ ekpeɖekpeɖeɛ tsyɛ.

Romanɛ 15:14

Mɛelɛ alɛ mɔ, ɛmɔ kɛlɛ idenɔ mɛishu mɛ ɔsɛ, nodzi banɔ gbangbã nɛ bubuti mɛ, kɛlɛ nɔna gɛ nɔbɔlà kasɛ bagɔlɔ ɔdɔ̃.

Kibui Bubú Kasɛ 19:10

Nɛ yɛibui ɛlɛ shuɔ, idzu ekluisi esi sɛ tɛ mɛkpɛ ɛtakpu esi kɔɛ, pɔ etseɖe mɛasɛ, “Tɛbhɛtɛ ibui ɛlɛ! Wɔhagbo axɔ̃ɛdɛ mɛinu plɛnɔ wɔ, ɔlɔkɔ ɔplɛnɔ wɔadzya alɛ gɛ baɖɔaɖɔ adalɛ Yesu shuɔ. Kpɛ ɛtakpu esi ɔkɔ Owusoso Akaa! Ɔmɔsɛ ebuiɛ gɛ baɖɔ adalɛ Yesu shuɔ alɛ enu ɔfɔfuĩa mɛ ebui gɛ baɖɔ eluɔ.”

Kibui Bubú Kasɛ 14:3

Kɛlɛ bazhã ɔdzɛ̃ vɔvɔ nɛ ekusiegbuɔ, bagã talɛ nɛ̀ banɔ sheshèɛ otugbà. Anɔ nanà agɛlà akpasɛ ɔdzɛ̃ ɔdɛ banɔ ohotu ikpã zɛzɛ̃ nɛ̀ afɛtalɛ nɛ̀ talɛ ete ko, gɛ balɛ enu bagɛ bebhui ebu nɛ esiakpa nabha.

Efesoanɛ 5:26

sɛ tɛ abhɛtɛ tɛ ɔlɛ ishuɔ dalɛ nɛ tipuplu nɛ̀ ɔlɛ tiwuwulu nɔ nɛ̀ bulĩ ɔganà kibuiɛ mɛ,

Tesalonikanɛ 1 1:8

Apaleteɛ nɛibuiɛ gɛiku wɔnɔ batɔ̃ mɛ̀ nɛ Makedonia nɛ̀ Axaya ete, bebetì wɔnɔ tɛyɛyɛkɛŋã nɛ Owusoso Akaa nabha nɛ ɔkɔ nyia ɔkɔ. Klisoɔ kɛbha ma ɔsɛ tɛ bɔkaɖɔ kibui nyiɛ bui nɛ kɛlɛ shu,