Koloseanɛ 3:15 - Nyangbo New Testament

¹⁵ Nɔkɔ Kristo ishu yɔyɔ ŋã wɔnɔ etúɔ nabha, ɔmɔsɛ asɛ banɔ gɛede ishupi tunikpo mɛ ana, bekulu ɔnɔ avɛnɔ ishu yɔyɔ mɛ. Kɛlɛ nɔlɔkɔ ahɔɛhuhu.

Koloseanɛ 3:15 Referans Kwoze

Romanɛ 15:13

Owusoso Akaa nabha gɛ nolu awɔ̃ akɔ asɛ tɛ same nɛ̀ ishu yɔyɔ yuku unɔ ɔgana Ɔfɔfuĩa Gbangbã ohumi nɔ mɛ.

Tesalonikanɛ 1 5:18

Nɔohu ahɔɛ nɛ ebui ka nyia ka mɛ, ɔmɔsɛ kɛlɛinu Owusoso Akaa tɛpɛpɛɛ ɔkɔ wɔnɔ nɛ Kristo Yesu mɛ.

Romanɛ 5:1

Kliso gɛ balɔkɔ ɔlɔ asɛ bunu banɔ gbangbã ɔgana tɛyɛyɛkɛŋã mɛɛ, ishu yɔyɔ lɛ ɔlɔ nɛ̀ Owusoso Akaa nɛishi, ɔgana bɔlɔ Apalete Yesu Kristo abha,

Koloseanɛ 3:17

Kɛlɛ kɛka nyia ka gɛ nɔbhɛtɛɛ tsyɛɛ, onupɛ kibui ɖɔɖɔ alo ebui bhɛbhɛtɛ mɛ tsyɛ elo, nɔbhɛtɛ alɛ petee nɛ Apalete Yesu inyèɛ mɛ, tɛ nɔlɔkɔ ahɔɛ huhu ɔkɔ Owusoso Akaa ɔganà yɛabha.

Efesoanɛ 5:20

tɛ nɔozohu Owusoso Akaa gɛ enu Akaa ahɔɛ kibe nyia ibe ɔkɔ kɛka nyia ka, nɛ bɔlɔ Apalete Yesu Kristo inyeɛ mɛ.

Korintoanɛ 2 9:11

Babà bhɛtɛ wɔnɔ nobodzì ehoeyielete nɛ kidzo ka nyia ka abha sɛ tɛ̀ wɔnɔ tsyɛ wɔnɔ ɛyamɛ pɛ̃ kibè nyia bè, kɛlɛ gana bɔlɔ abhaa, wɔnɔ bɔdɔ̃ kɔkɔ badzi ahɔɛhuhu akɔ Owusoso Akaa.

Efesoanɛ 4:4

Ishudzya tinikpo nɛ̀ Ɔfɔfuĩa tonikpo ɔlɔ lɛ, asɛ kana gɛ bekulu ɔnɔ akɔ kidzo mɛ ɖiɖi tinikpo nɛ kibeɛ gɛ bekulu ɔnɔ.

Romanɛ 14:17

Ɔmɔsɛ Owusoso Akaa bukusi ŋaŋãa, itinu bɔdɔ̃ ŋaŋã nɛ̀ bɔdɔ̃ wɔɛwɔɛ ibui, pɔ kinu tɛzazã piapii, ishu yɔyɔ nɛ̀ same mɔmɔ nɛ̀ Ɔfɔfuĩa Gbangbã mɛ ibui.

Timoteo 1 2:1

Putɔ nɔɔ, ɛkpalà wɔ ɔsɛ, kɛdɔ̃ bibisi, Owusoso Akaa tikukulu, pɛnɔsɛ tɛ̀ bekulu Owusoso Akaa ɔkɔ anɔ teli alo tɛ behu ahɔɛ, kɛlɛ sɛ babhɛtɛ alɛ akɔ anɔ ka nyia ka,

Koloseanɛ 2:7

nɔkpɛ̀ igu tɛ̀ nɔbhɔ tɔɖɔ kabha nɛ yɛ mɛ, nɔzã gagalĩ nɛ tɛyɛyɛkɛŋã mɛ asɛ kana gɛ bakasɛ ɔnɔ ana, tɛ̀ nɔkɔ ɔnɔ ahɔɛhuhu eyuku gbagbà.

Efesoanɛ 5:1

Nɔkpasɛ Owusoso Akaa ɛkpã, asɛ bunuvɔɛ gɛ adɛmɛ nɔ ana,

Korintoanɛ 2 4:15

Kɛlɛ petee lɛ ɔkɔ wɔnɔ tɛpɛpɛ̃ so, sɛ tɛ tibhui bhuibuɔ bavɛ banɔ kpekpèɛ ɔkɔ gɛ bamana ahɔɛhuhu gɛbà yuku gbangbã Owusoso Akaa tɛdadalɛ.

Kibui Bubú Kasɛ 7:12

baɖɔ asɛ, “Amen! Kinye kpɛkpɛ nɛitití nɛ̀ ishu dadalɛ bubuiti, ahɔɛ huhú nɛ̀inye tɛkpɛkpɛ nɛitití ohumi nɛ̀ bupu onu bɔlɔ Owusoso Akaa yɛ denɔ otsiɛ ɔvɛnɔ tihɔɔ. Amen!”

Efesoanɛ 4:16

Odenɔ yɛ mɛɛ, ishudzya petee, tsà pɛ bazɛɛ anyanã ɛlɛ ovunɔ, pɛ bushè pɛ lɛbhɔ ishu utɔɖɔ nɛ tɛdɛdɛmɛ nɔ mɛ, asɛ kɛwɔa gɛ kawɔ̃pɛ ka nyia ka awɔa kɛlɛ axɔ̃ɛ ana.

Koloseanɛ 1:12

ahɔɛ nɛ̀ same, anɔ gɛ akɔ nɔ shɔnɔ sɛ nɔmɔ tili odenɔ banɔ dadalɛ kaŋãsiɛ gɛalɛ bukusi ɔŋãkɔ gɛ dalɛ.

Hebrianɛ 13:15

Kliso gana Yesu abhaa, nɔkɔ bɔzɛ lɔkɔ kitití kpɛkpɛ gɛlɛ asɛ bɔdɔ̃ pɔpɔɛ anaa zɛkɔ Owusoso Akaa- gɛenu ebuiɛ gɛ baɖɔ adalɛ yɛinyeɛ shu nɔ.

Korintoanɛ 1 7:15

Pɔ onupɛ anunɔ gɛ agɛ yɛkɛ aŋã pɛ asɛ ashɛɛ, nɔkɔ yɛagavɛ. Ɔsha gɛ nyã anyɛ nɛ adzɛ nɔnɔ gɛ ayɛkɛ aŋã nɛ ebui alɛ nɛidi mɛ, Owusoso Akaa ekulu lɔ́ sɛ tɛ bɔzã nɛishu yɔyɔ mɛ.

Romanɛ 1:21

Gɛ benyii ɔmɔ asɛ Owusoso Akaa tsyɛ elo, batɛkpɛ yɛinye nɛ itití alo pɛ behu yɛahɔɛ, balɛ ekpeɖekpeɖe mɛ bhɛbhɛtɛ edzi kɛlɛ́, kɛlɛ balɛ bɔga dɔdɔ etúɔ mɛ eku otumũ.

Korintoanɛ 1 10:17

Ɔmɔsɛ gɛ bùkpèe, pɛ kifufulũ tenikpo pɔ kɛlɛ lɛɛ, so budzi ishupi tunikpo, pɛ bɔlɔ petee tã kifufulũ tinikpo alɛ.

Timoteo 1 6:12

Bu tɛyɛyɛkɛŋã tɛtsɛɖɛ gbangbã mɛ. Nyana kanɔ tihɔɔ ɛkpã mɛ ovunɔ, agɛ alɛ shu bekulu wɔ nɛ kibeɛ gɛ ɔdalɛ ishumɛ nɛ banɔ kpekpèɛ gɛ bazã mɔ ebuiɛ namɛ.