Koloseanɛ 3:14 - Nyangbo New Testament

¹⁴ Nɛ ebui piapi alɛ nyɔ̃ɔ edeɛ, nɔlɔkɔ tɛdɛdɛmɛ nɔ gɛ ɛlɛ nyanà ebuiɛ petee ovunɔ nɛ tenikpo bhɛbhɛtɛ gɛ apɛ̃ mɛ.

Koloseanɛ 3:14 Referans Kwoze

Petro 1 4:8

Kɛgɛ dɛ alɛ peteɛ, nu ɔsɛ nɔdɛmɛ nɔ nɛ̀ bagɔlɔ piapii, ɔmɔsɛ tɛdɛdɛmɛ nɔ dã ebui kpa bhɛbhɛtɛ gelee ulũ.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Koloseanɛ 2:2

Kɛgɛ ɛtɔɖɔ kɛlɛinu ɔsɛ tɛ̀ bamɔ̃ kemikpɛkpɛ nɛ alɛ etúɔ mɛ tɛ̀ babhɛtɛ tenikpo nɛ tɛdɛdɛmɛ nɔ mɛ, sɛ tɛ bamɔ ehoeyi ɔdɔ̃ petee nɛ ebui esi lulũ mɛ, sɛ tɛ̀ betì Owusoso Akaa ebui kpukpũɔ gɛ bekulu asɛ Kristoɔ,

Romanɛ 13:8

Nɔtɛkɔ ɛbhɛ na nà zã ɔnɔ shu, ɔdɛ tɛdɛdɛmɛ nɔ nɛ bagɔlɔ ete ko, ɔmɔsɛ anunɔ gɛ adɛmɛ nɔ nɛ yɛɔhagbo nɔɔ, kɛlɛ abhɛtɛ nɛ ɔsha pete abha.

Efesoanɛ 4:3

Nɔgã kidzo ka nyia ka abha tɛ nɔzã tenikpo nɛ Ɔfɔfuĩa nɔ mɛ ɔgana ishu yɔyɔ gɛ nyanà ɔnɔ ovunɔɔ mɛ.

Yohanes 1 4:21

Kɛlɛ akɔ ɔlɔ ɔsha ɔlɛ asɛ, kɛlɛ sɛ anɔ nyia anɔ gɛ adɛmɛnɔ nɛ̀ Owusoso Akaa, tɛ adɛmɛ nɛ̀ yɛadzya tsyɛ.

Petro 2 1:7

tɛ̀ Akaa mɛ tɛzaã plɛnɔ ɛyamɛ gbangbã bhɛbhɛtɛ ɔkɔ adzya, tɛ̀ ɛyamɛ gbangbã ɔkɔ adzya plɛnɔ tɛdɛdɛmɛ nɔ nɛ̀ anɔ.

Timoteo 1 1:5

Kɛgɛ kɛlɛishu bakpɛ ɔsha ɔlɛ kɛlɛinu tɛdɛdɛmɛ nɔ, gɛide kitúɔ gɛ dalɛ nɛ̀ ekpeɖekpeɖeɛ gɛ yɛmɛ adalɛ ɔplɛnɔ tɛyɛyɛkɛŋã gbangbã.

Tesalonikanɛ 1 4:9

Otsi nɛ adzya tɛdɛdɛmɛ nɔ shuɔ, kɛga shɔnɔ ɔsɛ bɔfɔnɔ kɔ wɔnɔ, ɔmɔsɛ Owusoso Akaa atɛ kasɛ wɔnɔ sɛ nɔdɛmɛ nɛ bagɔlɔ.

Yohanes 1 3:23

Kɛlɛ yɛɔsha ɔlɛ onu ɔsɛ, tɛ̀ bɔyɛkɛ Yɛeyianyɛ Yesu Kristo abha ŋã, nɛ̀ tɛ bɔdɛmɛ nɛ bagɔlɔ asɛ gɛ ɔkpɛ ɔshà akɔ ɔlɔ ana.

Hebrianɛ 6:1

Kliso nɔkɔ bɔshɛnɛ ahɔɛ nɛ kesi kpɛkpɛ ɔdɔ̃ kakasɛ nɛ Kristo shuɔ lu, tɛ bushe tɔɖɔ. Nɔtɛ ɔkɔ buwlui zɛkasɛ ɔdɔ̃ nɛ kitú mɛ tsyitsyina ebuiɛ gɛ lagbana anɔ akpɛ butsí mɛɛ shu, nɛ̀ ɔdɔ̃ kakasɛ vɔvɔ nɛ kɛyɛkɛ gɛ bɔba yɛkɛ Owusoso Akaa nabha ɔŋã shu,

Efesoanɛ 1:4

Ɔmɔsɛ yɛebu ɔlɔ sɛ bɔzã yɛ mɛ, flogo pɛ kanɔ nɔ̀ aba kpɛ esi, tɛ bɔlɔ shu dalɛ tɛ batɛ mɔ ibui zizĩ nanà nɛ ɔlɔ shu nɛ yɛamɛ. Nɛ̀ tɛdɛdɛmɛ nɔ mɛɛ,

Yohanes 1 3:10

Kidzo ɛlɛ abha bɔgã pɛ buuti bagɛ enu Owusoso Akaa yɛeyi alɛ nɛ̀ bagɛ enu abosam yɛeyi alɛ tsyɛ. Anɔ nyia anɔ gɛ atɛ abhɛtɛ kibui gɛlɛ ɛlɛ ɔzakɔ etinu Owusoso Akaa yɛeyi, kana anɔ yia anɔ gɛ atɛ adɛmɛ nɔ nɛ yɛadzya tsyɛ alɛ.