Koloseanɛ 3:13 - Nyangbo New Testament

¹³ Nɔolũ agɔlɔ esi tɛ̀ nɔlɔkɔ ɔmɔpɔɛ ebui nɔnɔ gɛ ɔkpasɛ wɔnɔ ɛshiɛ otsye agɔlɔ. Nɔlɔkɔ tsye asɛ kana gɛ Apaleteɛ tsyɛ alɔkɔ etsye ɔnɔ ana.

Koloseanɛ 3:13 Referans Kwoze

Efesoanɛ 4:32

Nɔbhɛtɛ ɛyamɛ gbangbã tɛ nɔdɛmɛ nɔ nɛ̀ bagɔlɔ, nɔlɔkɔ kibui otsye agɔlɔ, asɛ kana gɛ ɔgana Kristo mɛɛ, Owusoso Akaa alɔkɔ etsye ɔnɔ.

Yakobo 2:13

ɔmɔsɛ babalɔkɔ ashagabui maɖimaɖi ekulu ebhu akɔ bagɛ etiɖi anɔ ashagabuiɛ. Yɛ pɔɔ, ashagabui ɖiɖi yɛenu yɛtɛtɔtɔ ɖɔ nɛ yɛebhu kukulu mɛ. Ashagabui ɖiɖi pɔ yɛaŋã abha nɛ yɛebhu kukulu mɛ.

Efesoanɛ 4:2

Nɔ ozhinì ishu esi tɛ nɔ nyanà ishu ovunɔ piapii, nɔdɔ fɔ̃ɔ, tɛ nɔmɔ̃ ɔtɔ mɛ kɔ agɔlɔ nɛ tɛdɛdɛmɛ nɔ mɛ.

Korintoanɛ 2 6:6

nɛ ekpeɖekpeɖe gbangbã mɛ, ebui esi lulũ, kitú esi lulu nɛ̀ ɛyamɛ gbangbã tɛbhɛbhɛtɛ mɛ, nɛ Ɔfɔfuĩa Gbangbã mɛ tɛzazã nɛ̀ tɛdɛdɛmɛ nɔ gidzuɔ mɛ̀,

Galatianɛ 6:2

Nɔplɛnɔ agɔlɔ nɛ bɔtɔ mɛ, kɛlɛ nɛ kidzo ɛlɛ nabhaa, nɔbɔ bhɛtɛ ɔtɔɖɔ Kristo yɛɔshaa nabha.

Korintoanɛ 2 2:10

Onupɛ nɔlɔkɔ tsye anɔ teliɛ, kɛlɛ mɛtsyɛ lɔkɔ tsye yɛ. Kɛlɛ kibui nɔnɔ gɛ ɛlɔkɔ tsyeɛ, onupɛ edzi asɛ kibui tili lɛ sɛ balɔkɔ etsye tsyɛ elo, ɛlɔkɔ kɛlɛ itsye nɛ Kristo amɛ nɛ wɔnɔ kɛtakpu so,

Petro 1 2:21

Kibui ɛlɛ shu so pɛ bekulu wɔnɔ, ɔmɔsɛ Kristo atɔ nɛ wɔnɔ ɛtakpu, kɛlɛ abhɛtɛ kɛlɛ akasɛ wɔnɔ, ɔsɛ tɛ̀ wɔnɔ tsyɛ ɔgã asɛ gɛ agã ana.

Romanɛ 15:7

Kliso nɔyɛkɛ bagɔlɔ asɛ kɛyɛkɛ gɛ Kristo tsyɛ ayɛkɛ ɔnɔɔ, tɛ kɛkpɛ Owusoso Akaa yɛinye nɛitití.

Koloseanɛ 3:12

Kliso asɛ banɔ gɛ Owusoso Akaa ebu elù, gɛ balɛishu dalɛ pɛ adɛmɛ nɛ alɛ ana, nɔlɔkɔ ashagabui ɖiɖi, ɛyamɛ gbangbã tɛbhɛbhɛtɛ, ishu esi zhizhini, ishu nyanyana ovunɔ nɛ̀ kitu esi lulu ɔkpɛ asɛ akpɛkpɛ.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.