Koloseanɛ 3:11 - Nyangbo New Testament

¹¹ Nɛ ɛkɛlɛ Helaeyi alo Yudaeyi nanà ama, kɛhɔ̃a bhui bhui alo kɛhɔ̃a mabhui mabhui ma. Anɔ gɛ ehu buluhũ gɛ betielũ ɔlɛ mɛ tsyɛ ama, alo anɔ gɛ yɛ awuhũ agɛ kpà, anɔ dzidzì alo anɔ gɛ alɛ yɛishu ahɔɛ mɛ, pɔ tenikpo balɛ nɛ Kristo mɛ, kɛlɛ Kristo yɛalɛ alɛ petee mɛ.

Koloseanɛ 3:11 Referans Kwoze

Korintoanɛ 1 12:13

Ɔmɔsɛ Ɔfɔfuĩa tonikpo balɔkɔ akpɛ bulĩ akɔ bɔlɔ nɔ, edzì asɛ Yudaeyi alo Helaeyi, anɔ dzidzì alo anɔ gɛ alɛ yɛishu ahɔɛ mɛ tsyɛ elo, Ɔfɔfuĩa tonikpo ɔlɛ bakɔ bɔlɔ nyɔ̃ɔ ɔsɛ bɔwɔ̃ɛ.

Romanɛ 10:12

Ɔmɔsɛ Yudanɛ nɛ̀ bagɛ betinu Yudanɛ pete nɔ, tenikpo balɛ. Apalete tenikpo alɛ yɛenu Apaleteɛ akɔ balɛ petee, kɛlɛ yɛeyula tutu esi akɔ anɔ nyia anɔ gɛ akpɛ ɛtakpu esi akɔɛ,

Efesoanɛ 3:6

Kibui kpukpũ ɛlɛ kɛlɛinu ɔsɛ ɔgana kibui gbangbã nabha, bagɛ etinu Yudanɛ tsyɛ abamɔ̃ kaŋãsiɛ ɔplɛnɔ Israel, gɛ bebedzi banɔ tenikpo gɛede ishudzya tinikpo mɛ, nɛ̀ banɔ gɛ aba yɛkɛ ɔdɔ̃ itsù nɛ tɛtɔtɔɖɔ lu nulũ nɛ Kristo Yesu mɛ.

Efesoanɛ 1:23

gɛinu yɛishu dzyaa, nɛ̀ yɛishuɔ petee gɛ alɔkɔ eyuku kɛka nyia ka mɛ nɛ kidzo ka nyia ka abha.

Romanɛ 3:29

Owusoso Akaa pɔ, Yudanɛ ayɛ ete ko yɛenu dza? Anɛ bagɛ betinu Yudanɛ tsyɛ ayɛ yɛenuɔ dza? Ee, bagɛ betinu Yudanɛ tsyɛ ayɛ yɛenu.

Galatianɛ 5:6

Ɔmɔsɛ nɛ Kristoɔ Yesu mɛɛ, kɛnanà ma kɛhɔ̃a bhui bhui alo kɛhɔ̃a mabhui mabhui mɛ. Kɛgɛ ɛlɛ sɛ beɖiɛ kɛlɛinu tɛyɛyɛkɛŋã gɛibu ishu kasɛ ɔgana tɛdɛdɛmɛ nɔ mɛ.

Galatianɛ 2:20

Bakpalà mɛ ɔplɛnɔ Kristo nɛ butsi osiɛ shu kɛlɛ gɛnɛ mɛ kalɛ nɛkpã, pɔ Kristoɔ yɛakpasɛ mɛ mɛ̀. Ɛkpã gɛ ɛlɛ mɛidzinɔ nɛ ishudzya mɛɛ, idzi nɛ ɛlɛ nɛ tɛyɛyɛkɛŋã nɛ Owusoso Akaa Yɛeyianyɛ mɛ, anɔ gɛ adɛmɛ mɛibui pɛ alɔkɔ yɛishu akɔ nɛ mɛtakpu.

Korintoanɛ 1 7:19

Kɛhɔ̃a bhui bhui tinu kɛdɔ̃ nanà, kɛhɔ̃a gɛ begi bhui tsyɛ itinu kɛdɔ̃ nanà. Owusoso Akaa ɔshaa nabha tɛbhɛ bhɛtɛ kɛlɛinu kɛgɛ pɛ ɔdɛ.

Banɔkpɛkpɛ Axɔ̃ɛ 15:17

ɔsɛ tɛ banɔ gɔgɔɛ nɔ tsyɛ atɔnɔ Apaleteɛ niede, ɔplɛnɔ bagɛ etinu Yudanɛ petee gɛ mɛinyeɛ lɛ balɛishuɔ. kana Apaleteɛ gɛ abhɛtɛ ebui alɛ aɖɔ,

Koloseanɛ 2:10

kɛlɛ balɔkɔ Kristo akɔ ɔnɔ petee, anɔ gɛ yɛenu kɛtakpu akɔ ohumi nɛ̀ ɔsha kɔkɔ ka nyia ka.

Romanɛ 1:14

Kɛxɔ̃ɛ kinu ɔkɔ mɛ sɛ tɛ ibu Helanɛ nɛ̀ bagɛ betinu Helanɛ, bebuitinɛ nɛ̀ bagɛ betinyi ibui.

Banɔkpɛkpɛ Axɔ̃ɛ 28:4

Gɛ banunɔ gɛ betsiɖi aƒumɛ ketukpɔ nabha amɔ eblidza gɛ akpɛ asɔ̃ nɛ yɛahɔkpɔɔ, betseɖe bagɔlɔ asɛ, “Anyɛ alɛ ebedzì anɔ gɛ eyianɔ, ɔmɔsɛ gɛ ebu yɛkpã eyinɔ nɛ aƒuɔ mɛ ebeke tsyɛɛ, beke kulu kebhu nɛ yɛ asɛ tɛ̀ atɛzã nɛkpã.”

Banɔkpɛkpɛ Axɔ̃ɛ 28:2

Banunɔ gɛ alɛ aƒumɛ ketukpɔ alɛ nabha abhɛtɛ ɛyamɛ gbangbã akɔ ɔlɔ. Bakpɛ kifú kɛlɛ bekulu bɔlɔ ɔsɛ bɔbaŋãlɛ ɛlɛ ɔmɔsɛ subha adɔ kɛlɛ bɔbɔlɔ zã.

Yohanes 2 1:9

Anunɔ gɛ atɛ fala eputɔ pɛ agɛ akasɛ ɔdɔ̃ nɛ Kristo yɛɔdɔ̃ kakasɛ nabhaa, Owusoso Akaa ama yɛmɛ, pɔ anunɔ gɛ etsiɖì ɛlɛ abha pɛ akasɛ Kristo ɔdɔ̃ɔ, yɛahɔɛ Akaa nɛ̀ Eyiɛ pete alɛ.

Yohanes 1 5:20

Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.

Efesoanɛ 6:8

ɔmɔsɛ nɔonyi ɔsɛ Apaleteɛ aba buia kɛbhɛ̃ akɔ aka nyia aka ɔkɔ kɛgbangbã ka nyia ka ɛdi gɛ abhɛtɛɛ, gɛ onu ɔnɔ dzidzi alo ishu ahɔɛmɛ azazã elete yɛenu tsyɛ.

Efesoanɛ 3:17

sɛ tɛ Kristo azã wɔnɔ etúɔ mɛ ɔgana tɛyɛyɛkɛŋã mɛ. Kɛlɛ ikulu Owusoso Akaa sɛ tɛ nɔkpɛ igu tɛ wɔnɔ tɛdɛdɛmɛ nɔ gagalĩ,

Korintoanɛ 1 14:11

Klisoɔ onupɛ igilũ kibui tili esi gɛ anɔ teli aɖɔɔ, efu ete mɛinu ɔkɔ agɛ yɛaɖɔaɖɔ, kɛlɛ yɛtsyɛ enu efu akɔ mɛ ana.

Romanɛ 3:22

Anɔ gbangbã dzidzi alɛ, Owusoso Akaa ɔkɔ kide ɔgana Yesu Kristo abha tɛyɛyɛkɛŋã mɛ ɔkɔ bagɛ ayɛkɛ aŋã petee. Egibu ananà ɔtɔ,

Efesoanɛ 2:14

Ɔmɔsɛ yɛenu ɔlɔ ishu yɔyɔɔ, gɛ abhɛtɛ ɔlɔ ediɛ taabha budzi tenikpo kɛlɛ ezĩ kɛgi bhui bɔlɔ ishiɛɛ, gɛinu kigiliɛ gɛ mana kishi zizĩɛ,

Efesoanɛ 2:15

nɛ kibeɛ gɛ ebu ɔsha gɛ ɔlɛ mɛ yɛazã nɛ ishudzyaa mɛ nɛ̀ ɔlɛ ɛkɔɔ eyinɔ. Yɛ tɛtɔtɔɖɔ kɛlɛinu sɛ tɛ abhɛtɛ akɔ yɛishu anɔ vɔvɔ tenikpo odenɔ banɔ taabha mɛ, sɛ tɛ amana ishu yɔyɔ,