Koloseanɛ 2:9 - Nyangbo New Testament

⁹ Ɔmɔsɛ Kristoɔ mɛ, Ɔfɔfuĩa nɔ ɔlɛ ɛkpã bazã nɛ ishudzya mɛ,

Koloseanɛ 2:9 Referans Kwoze

Koloseanɛ 1:19

Ɔmɔsɛ samè eku Owusoso akaa asɛ yɛakpasɛ yɛmɛ,

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.

Yohanes 1 5:20

Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.

Tito 2:13

nɛ kibeɛ gɛ buɖi kidzo mɛ ɔkɔ tiyuyula gɛ buɖi kidzo mɛ ɔkɔɔ, nɛ kibeɛ gɛ bupo tiyuyula ɛwuiɛ gɛ buɖi kidzo mɛ ɔkɔ nɛ Owusoso Akaa gbagbla yɛ tɛdadalɛ nɛ̀ Yesu Kristo gɛ ebu ɔlɔ tɛbaba nabha,

Korintoanɛ 2 5:19

sɛ Owusoso Akaa abhɛtɛ tenikpo nɛ kanɔ nɔ̀ mɛ ɔgana Kristo abha, gɛ atɛa kalà banɔdzyrame ebui kpa bhɛbhɛtɛ kɔ alɛ. Kɛlɛ asɛsɛ bɔlɔ kibuiɛ gɛ bamana tenikpo bhɛbhɛtɛ.

Yohanes 1 5:7

Ɔmɔsɛ banɔ edì tata balɛ aɖɔaɖɔ dalɛ kɛlɛishu,

Banɔkpɛkpɛ Axɔ̃ɛ 17:29

“Klisoɔ gɛ Owusoso Akaa mɛ bude koeyiɛ, kɛma ɔsɛ tɛ buziɖi ɔsɛ ɔfɔfuĩa mɛ anɔ nɔ̀ edzi asɛ sikãɛkpã, sikãfufu alo kɛklagbu ana, bɔdɔ̃ tata gɛ anɔdzyrame alɔkɔ yɛahɔɛ abhɛtɛ nɔ.