Koloseanɛ 2:6 - Nyangbo New Testament

⁶ Klisoɔ, asɛ kana gɛ nɔ yɛkɛ Yesu Kristo asɛ Apalete ana, nɔvɛ̀ ɛlɛ abha tɛ̀ nɔzã yɛ mɛ,

Koloseanɛ 2:6 Referans Kwoze

Koloseanɛ 1:10

Kɛlɛ bukulù Owusoso Akaa sɛ tɛ̀ nɔzã nɛkpã gɛ ɛshɔ̃ ɔkɔ Apaleteɛ pɛ lɛbàku yɛawɔ̃ nɛ kidzo ka nyia ka abha, tɛ̀ nɔoyu eyuyù nɛ kɛxɔ̃ɛ gbangbã ka nyia ka wɔawɔa mɛ̀, tɛ̀ nɔoshè nɛ Owusoso Akaa kibuititìɛ mɛ,

Yohanes 1 2:6

Anunɔ gɛ aɖɔ asɛ akpasɛ yɛmɛɛ, kɛlɛ sɛ agã asɛ Yesu anà tsyɛ.

Tesalonikanɛ 1 4:1

Otsi alɛ mɛ adzya alɛ mɔ, bɔkɔ wɔnɔ ɔsha nɛ kana gɛ nɔbɔzã nɛ̀ ɛkpã pɛ lɛba shɔnɔ Owusoso Akaa, asɛ ɛkpã gɛ nodzinɔ. Otsi nɔ bubisi denɔ wɔnɔ ahɔɛ mɛ kɛlɛ bɔkpalà wɔnɔ nɛ Apaleteɛ Yesu mɛ tɛ nɔbhɛtɛ kana odzinɔ bhɛtɛ.

Galatianɛ 2:20

Bakpalà mɛ ɔplɛnɔ Kristo nɛ butsi osiɛ shu kɛlɛ gɛnɛ mɛ kalɛ nɛkpã, pɔ Kristoɔ yɛakpasɛ mɛ mɛ̀. Ɛkpã gɛ ɛlɛ mɛidzinɔ nɛ ishudzya mɛɛ, idzi nɛ ɛlɛ nɛ tɛyɛyɛkɛŋã nɛ Owusoso Akaa Yɛeyianyɛ mɛ, anɔ gɛ adɛmɛ mɛibui pɛ alɔkɔ yɛishu akɔ nɛ mɛtakpu.

Korintoanɛ 2 5:7

Tɛyɛyɛkɛŋã mɛ bɔlɔkɔ dzi nɛ ɛkpã nɔ, anɛ nɛ kɛdɔ̃ ɖiɖi ulũ.

Koloseanɛ 3:17

Kɛlɛ kɛka nyia ka gɛ nɔbhɛtɛɛ tsyɛɛ, onupɛ kibui ɖɔɖɔ alo ebui bhɛbhɛtɛ mɛ tsyɛ elo, nɔbhɛtɛ alɛ petee nɛ Apalete Yesu inyèɛ mɛ, tɛ nɔlɔkɔ ahɔɛ huhu ɔkɔ Owusoso Akaa ɔganà yɛabha.

Yuda 1:3

Mɛbhia alɛ gɛ ɛdɛmɛ nɔ, gɛ kinù mɛ same ɔsɛ tɛ̀ mɛ fɔnɔ keplukpa akɔ ɔnɔ nɛ tibubuɔ gɛ bɔmɔ̃ shu tsyɛɛ, ɛmɔsɛ kɛlɛ ɔsɛ mɛ fɔnɔ keplukpa akɔ wɔnɔ tɛ̀ ɛlɔkɔ kpalà wɔnɔ ɔsɛ tɛ nɔkɔ tɛyɛyɛkɛŋã gɛ balɔkɔ akpɛ ahɔɛ akɔ bayɛyɛkɛŋã ku balɛ awɔ̃.

Yohanes 1 5:20

Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.

Filipianɛ 1:27

Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã

Hebrianɛ 3:14

Bɔbá sɛ tɛ bɔmɔ ɔtɔ plɛnɔ Yesu onupɛ bɔnyana kidzo mɛ ɖiɖi ebuiɛ gɛtɛ zã ɔlɔ ahɔɛ bafala nɔ mɛ vunɔ gagalĩ ɔvɛnɔ ewuiɛ gɔgɔɛ nɔ.

Efesoanɛ 4:1

Asɛ ɔɖavũ mɛ azazã ɔkɔ Apaleteɛ anaa, ɛkpalà ɔnɔ sɛ tɛ nɔzã nɛ ɛkpã nɔnɔ gɛ shɔnɔ tikukuluɔ gɛ nɔyɛkɛ nulũ.

Korintoanɛ 1 1:30

Yɛ sopɛ nɔkpasɛ Yesu Kristo mɛ, anɔ gɛ yɛakɔ ɔlɔ bubuti odenɔ Owusoso Akaa ɔkɔ, gɛ kɛlɛinù bɔlɔ tɛzazã piapii, ishudadalɛ nɛ̀ bɔlɔ tibubuyinɔ odenɔ ebui kpa bhɛbhɛtɛ mɛ.

Galatianɛ 3:26

Beyì wɔnɔ petee onu ɔkɔ Owusoso Akaa ɔgana tɛyɛyɛkɛŋã gɛ ɛlɛ Kristo Yesu mɛ,