Koloseanɛ 2:4 - Nyangbo New Testament

⁴ Itseɖe ɔnɔ kibui ɛlɛ sɛ tɛ ananà atɛ bawɔɛ ɔnɔ, nɛ̀ ebui wawlɔakɛ gɛ lawɔ̃ɛ asɛ lapɛ̃ɛ.

Koloseanɛ 2:4 Referans Kwoze

Yohanes 1 4:1

Mɛadzya alɛ gɛ ɛdɛmɛ nɔ, nɔtɛ yɛkɛ ɛfɔfuĩa ka nyia ka abha ɔŋã, pɔ nɔolũ awɔ̃ oɖi ɛfɔfuĩa nɔ tɛ̀ nɔmɔ ɔsɛ̀ Owusoso Akaa ɔkɔ lide, ɔmɔsɛ asɛnɛ ebuiɖɔluanɔ kpekpèɛ etsoku kanɔ nɔ̀ mɛ.

Efesoanɛ 4:14

Kɛlɛ bɔza kazã asɛ bunuvɔɛ ana, pɛ kɛlɛ́ɛ mɛɔdɔ̃ kakasɛ ka nyia ka ɛdi bazi fù ɔlɔ falanɔ ɔvɛnɔ ɛkɛlɛ ɔmana ɛkɛlɛ̀ nɛ̀ banɔdzyrame bɔshɛ nɛ̀ banɔ wɔɛwɔɛ edzoɔ gɛ batɔɖɔ eluɔ shu.

Yohanes 2 1:7

Asɛnɛ elete gelee, gɛ bagɛ mɔ̃ Yesu Kristo sɛ̀ aba nɛ ishudzya mɛ, betsoku kanɔ nɔ̀ mɛ. Anɔ alɛ nɛidì enu anɔ gɛ awɔɛ anɔ nɛ̀ asɛnɛ kristoelete.

Kibui Bubú Kasɛ 20:8

kɛlɛ azabavɛ adɛwɔɛ ɛmadiɛ nɛ kesiakpa idekrekpu tɛlɛ nabha, gɛenu Gɔg nɛ̀ Magɔg tɛ edi shogò alɛ akɔ keyu tatá. Balɛ tikpekpè mɛ lɛ asɛ aƒutɔ̃ ayisɛ ana.

Timoteo 2 3:13

kɛlɛ banɔ kpa nɛ̀ bagɛ abhɛtɛ ishu asɛ bapɛ xɔnɔ ebèzĩ atɔɖɔ, babawɔɛ banɔ kɛlɛ babawɔɛ alɛ tsyɛ.

Timoteo 2 2:16

Yɔlɔ kaɖɔɔ gɛetinu Owusoso Akaa shu ebuiɛ tɛɖɔɖɔ, ɔmɔsɛ banɔ nɔ gɛ balɔkɔ ishu akpɛ kaɖɔ alɛ nɛidi mɛɛ, bebe zĩ atɔɖɔ adɛ nɛ Owusoso Akaa shu.

Efesoanɛ 5:6

Nɔtɛkɔ ananà awɔɛ ɔnɔ nɛ ebui gɛ lama alɛ mɛ shu, ɔmɔsɛ ebui alɛ nɛidi shu Owusoso Akaa ɔmɔpɔɛ ɔba bagɛ etielũ atɔ̃ nabha.

Banɔkpɛkpɛ Axɔ̃ɛ 20:30

Nɛ wɔnɔ mɛ tsyɛɛ, banɔ abalɔ́ pɛ babàsɛ asɛnɛ tɛ̀ badɔkpasɛanɛ etsyina tɔnɔ alɛ.

Kibui Bubú Kasɛ 20:3

Awɔanyã yɛatɛ akpɛ ozĩ dzudzuɔ mɛ, adã ɔlɛ pɛ edere ɔlɛ ulũ akpii, sɛ tɛ atɛ mɔ idzo nanà tɛ ewlui azawɔɛ ɛmadiɛ, ɔvɛnɔ agɔ ohotu zɛzɛ̀ ede flogo. Nɛ agɔ alɛ niedeɛ, bebebui gɛ azabazã nɛ kibe gulũi mɛ.

Kibui Bubú Kasɛ 13:8

Kesiakpa abha anɛ pete abakpɛ ɛtakpu esi akɔ agãhoeɛ, bagɛ alɛ enye bagɛ fɔnɔ akpɛ ɛkpã eplukpa gɛenu Obhoshieyiɛ gɛ beyiɛ ayɛ mɛ, denɔ kanɔ mɛ esi kpɛkpɛ mɛ.

Kibui Bubú Kasɛ 12:9

Balɔkɔ kɛtsɔpɛ hohoeɛ awɔanyã akpɛ esiakpa, eblidzya alɛ gɛ bekulu asɛ Abosam alo Satana pɛ agbana kanɔ nɔ̀ pete aganà kidzo kpa abhaa, balɔkɔ yɛ nɛ̀ yɛaxɔ̃ɛdɛ awɔanyã akpɛ esiakpa.

Yohanes 1 2:26

Ɛfɔnɔ ebui alɛ kɔ wɔnɔ nɛ bagɛ bapɛ asɛ agbanà wɔnɔ atsaɖakɛ kidzoɔ shu.

Yohanes 1 2:18

Mɛeyi alɛ gɛ ɛdɛmɛ nɔ, ɔɖà tata gɔgɔɛ nɔ nɔlɛ, nɛ̀ asɛ kana gɛ notilũ ɔsɛ asɛnɛ kristoelete abaa, otsiɛ nɔ tsyɛ asɛnɛ kristoeleteɛ atɛba eku. Kana bɔlɔkɔ tì ɔsɛ ɔɖà tata gɔgɔɛ nɔ nɔlɛ.

Koloseanɛ 2:18

Nɔtɛkɔ anɔ nanà gɛ adɛmɛ ezhini ishu esi nɛ asɛnɛ mɛ, pɛ aakpɛ kɛtakpu esi ɔkɔ baxɔ̃ɛdɛ abhɛtɛ akɔ nɔtɛ mɔ kɛbhɛ̃ babuia nɔ. Anɔ alɛ nɛidiɛ anyɔ̃ ebui mɛ nɛ ebuiɛ gɛ amɔ̃ shu, kɛlɛ yɛ ekpeɖekpeɖeɛ gɛ ama ɔfɔfuĩa nɔ mɛ akɔ efeke yɛishu nɛ kɛgɛ ma kɛnanà mɛ shu.

Koloseanɛ 2:8

Nɔoɖi ɛlɛ ɔkɔ sɛ ananà agɛmɔ idzo nanà pɛ alɔkɔ asɛnɛ bubuti ebui alɔkɔ awɔɛ wɔnɔ nɔ, ebui gɛ lakpà plɛnɔ banɔdzyrame ɛkɔɔ nɛ̀ kanɔ mɛ ɛkpã zazãna ebui ɔdɛ Kritoɔ.

Galatianɛ 2:4

Kibui ɛlɛ bayì ɔmɔsɛ asɛnɛ badzya teli aba afala eku bɔlɔ ɛzãkɔɔ tɛ belu awɔ̃ eɖi ɔlɔ ishuahɔɛmɛ zazã gɛ lɛ ɔlɔ ahɔɛ nɛ Kristo mɛ, tɛ̀ betsyina ɔlɔ budzì banɔ dzidzi.

Korintoanɛ 2 11:3

Pɔ kifu yimɛ sɛ asɛ kana gɛ eblidzya alɔkɔ bɔshɛ edzo awɔɛ Eva nɔ, babà tsyina wɔnɔ tsyɛ ekpeɖekpeɖe mɛ ashɛnɛ nɛ wɔnɔ kibui gbangbã tɛbhɛbhɛtɛ nɛ̀ wɔnɔ ishu tɛlɔlɔkɔ ɔkɔ Kristoɔ shu.

Korintoanɛ 1 2:4

Mɛ ebuiɛ gɛ ɛɖɔ nɛ Owusoso Akaa shuɔ, etinu bubutì nɛ̀ ebui gɛ batɛ elũ alɛ esi, pɔ lenu ebui gɛ Owusoso Akaa Ɔfɔfuĩa nɔ ohumi nɔ obu ɔkasɛ,

Efesoanɛ 4:17

Kliso itseɖe ɔnɔ ibui ɛlɛ, pɛ ɛɛtɔɖɔ̀ ɛklagbu nɛ ɛlɛ abha nɛ Apaleteɛ mɛ ɔsɛ, nɔtɛɔkɔ zã nɛkpã asɛ bagɛ etinu Yudanɛ, nɛ balɛ ekpeɖekpeɖeɛ gɛ ama kɛnanà mɛ.