Koloseanɛ 2:2 - Nyangbo New Testament

² Kɛgɛ ɛtɔɖɔ kɛlɛinu ɔsɛ tɛ̀ bamɔ̃ kemikpɛkpɛ nɛ alɛ etúɔ mɛ tɛ̀ babhɛtɛ tenikpo nɛ tɛdɛdɛmɛ nɔ mɛ, sɛ tɛ bamɔ ehoeyi ɔdɔ̃ petee nɛ ebui esi lulũ mɛ, sɛ tɛ̀ betì Owusoso Akaa ebui kpukpũɔ gɛ bekulu asɛ Kristoɔ,

Koloseanɛ 2:2 Referans Kwoze

Koloseanɛ 1:27

Balɛ Owusoso Akaa ebu elu asɛ bakɔ bagɛ etinu Yudanɛ etì nɛ ehoeyi ɔdɔ̃ dadalɛ gɛlɛ ebui kpukpũ alɛ shu, gɛenu Kristoɔ gɛ akpasɛ ɔnɔ mɛ, yɛabha bulũ awɔ̃ akɔ ebui dadalɛ.

Koloseanɛ 4:8

Ɛsɛsɛ yɛ nɛ wɔnɔ ɔkɔ, sɛ tɛ akɔ wɔnɔ tititì nɛ bɔlɔ ɔtɔ shu tɛ alɔkɔ akpɛ wɔnɔ etúɔ emi nɔ.

Efesoanɛ 6:22

Kibui ɛlɛ shu mɛ lɔkɔ yɛ sɛsɛ ɔnɔ, sɛ tɛ nɔotì kana gɛ bɔlɛɛ, sɛ tɛ akpɛ ɔnɔ emi.

Koloseanɛ 3:14

Nɛ ebui piapi alɛ nyɔ̃ɔ edeɛ, nɔlɔkɔ tɛdɛdɛmɛ nɔ gɛ ɛlɛ nyanà ebuiɛ petee ovunɔ nɛ tenikpo bhɛbhɛtɛ gɛ apɛ̃ mɛ.

Romanɛ 16:25

Anunɔ gɛ yɛalà ayɛkɛ wɔnɔ edzu nɛ ɛkpã ɔgana Kibui Gbangbã gɛ ɛkasɛ ɔnɔ mɛ nɛ Yesu Kristo shu, nɛ̀ kibu gɛ bebu ebui kpukpũɔ gɛ lalɛ alɛ ɔzãkɔ odenɔ kuku ibeɛ,

Filipianɛ 3:8

Kɛgɛ zɛdɛɛ, ɛlɔkɔ ɛlɛ sɛ ɛgɛ mɔ̃ kɛnanà odenɔ kɛxɔ̃ɛ ɛlɛ mɛ, nɛ gɛinu kibui hohoe ɔdɛ ɔkɔmɛ sɛ ɛmɔ̃ Kristo Yesu gɛenu mɛ Apaleteɛ gɛ yɛ shu so pɛ ɛga mɔ̃ kɛdɔ̃ nanà nɔ. Ɛmɔ ebui alɛ sɛ tɛwɔnɔ̃ ete lenu sɛ tɛ ɛmɔ̃ Kristo

Filipianɛ 2:1

Onupɛ nɔmɔ̃ kemì kpɛkpɛ tieli odenɔ tenikpo bhɛbhɛtɛ nɛ Kristoɔ, onupɛ nɔmɔ ishumɛ yɔyɔ tili tsyɛ odenɔ yɛ tɛdɛdɛmɛ nɔ mɛ, onupɛ bɔkpɛ ɔha nɛ Ɔfɔfuĩa nɔ, onupɛ bɔbhɛtɛ ɛyamɛ yɔyɔ ebui pɛ buɖi banɔ ashagabui,

Petro 2 1:3

Yɛohumi nɔ ɔkɔ ɔlɔ kɛka nyia ka gɛ bɔɔpɛ ɔkɔ ɔlɔ ɛkpã nɛ̀ Akaa mɛ tɛzazã, ɔganà kanà gɛ bɔbatì yɛ gɛ ekulu ɔlɔ amanà yɛishu dadalɛ nɛ̀ yɛebui gbangbã mɛ.

Romanɛ 15:13

Owusoso Akaa nabha gɛ nolu awɔ̃ akɔ asɛ tɛ same nɛ̀ ishu yɔyɔ yuku unɔ ɔgana Ɔfɔfuĩa Gbangbã ohumi nɔ mɛ.

Hebrianɛ 10:22

nɔkɔ butso ɔplɛnɔ Owusoso Akaa nɛ̀ etúɔ gɛ akpɛ igu nɛ tɛyɛyɛkɛŋã gagalĩi mɛ, etúɔ gɛ beplu alɛ mɛ ebui zizĩ eyinɔ nɛ bɔlɔ ishupiɛ gɛ bewulu nɔ piapii nɛ̀ bulĩ dadalɛ.

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.

Hebrianɛ 6:11

Bɔpɛ sɛ tɛ wɔnɔ mɛ aka nyia aka avɛ emi kpɛkpɛ alɛ nɛidi abha ɔvɛnɔ kibe gɔgɔ̃, sɛ tɛ nɔmɔ kɛgɛ ɛlɛ idzo mɛ noɖiɛ.

Koloseanɛ 1:9

Nɛ kibui ɛlɛ shu soɔ, odenɔ kiwuiɛ gɛ kɛlɛ abha bulũ wɔnɔ ɔdɔ̃ɔ, bɔkà yɔlɔ Owusoso Akaa tikukulu kɔ ɔnɔ pɛ bubisi Owusoso Akaa sɛ eyuku ɔnɔ mɛ nɛ̀ kibuititì nɛ yɛ tɛpɛpɛ ulũ ɔganà ɔfɔfuĩa mɛ bubuti nɛ̀ ebui esi lulũɔ petee mɛ.

Galatianɛ 3:28

Yudaeyi alo Helaeyi nanà abha ma, anɔ dzidzi alo anɔ gɛ alɛ yɛishu ahɔɛ mɛ, anyɛ alo adzɛ abha ma, ɔmɔsɛ wɔnɔ petee odzi tenikpo nɛ Kristo Yesu mɛ.

Korintoanɛ 1 2:12

Gɛnɛ ɔfɔfuĩa nɔ gɛode kanɔ nɔ̀ mɛ bɔyɛkɛ, pɔ ɔfɔfuĩa nɔ gɛode Owusoso Akaa ɔkɔ bɔyɛkɛ, sɛ tɛ̀ bulũ kɛgɛ Owusoso Akaa akɔ bɔlɔ kɛbhɛ mabuia mabuia niesi.

Yohanes 1 5:7

Ɔmɔsɛ banɔ edì tata balɛ aɖɔaɖɔ dalɛ kɛlɛishu,

Yohanes 1 3:19

Alɛ abha bɔbà gã pɛ bɔbà tisɛ bɔkpasɛ kibui gbã mɛ, nɛ̀ kana gɛ bɔlɔkɔ bɔlɔ etúɔ lu awɔ̃ nɛ yɛabha

Petro 2 3:18

Pɔ nɔzã ɛlɛ tɛ nozoshè nɛ tibhui bhuibuɔ nɛ̀ bubutiɛ gɛ Apaleteɛ Yesu Kristo gɛ ayɛkɛ akɔ bɔlɔ mɛ. Yɛ bakɔ ishu dadalɛ odenɔ otsiɛ, ɔvɛnɔ tihɔɔ! Amen.

Petro 2 1:10

Klisoɔ, mɛadzya alɛ mɔ, nɔ owlui ɔkpɛ emi gagalĩ tɛ kɛkasɛ ɔsɛ wɔnɔ tikukuluɔ nɛ̀ tibubuɔ lɛ ɛlɛ ɔzakɔ. Ɔmɔsɛ onupɛ nɔbhɛtɛ̀ ana, nɔtɛ bɔdɔ̃ oboe oɖi,

Tesalonikanɛ 1 5:14

Bɔlɔ adzya alɛ mɔ, bɔkpalà ɔnɔ sɛ tɛ notseɖe nɔ nɛ̀ bagɛ benu banɔ zhɔzhɔrɛ, nɔkpɛ bagɛ kitu bhui balɛ ohuiɛ kemi, nɔplɛnɔ bagɛ ebotsoɔ, tɛ̀ nɔdɔ fɔ̃ɔ ɔkɔ anɔ ka nyia ka.

Tesalonikanɛ 1 3:2

Bɔsɛsɛ Timoteo, gɛenu bɔlɔ adzya nɛ̀ Owusoso Akaa axɔ̃ɛwɔa ɔkɔ Kristo yɛibuiɛ tɛkakanà, sɛ tɛ akpɛ wɔnɔ ohumi nɛ̀ tɛ̀ akpɛ wɔnɔ kemi nɛ wɔnɔ tɛyɛyɛkɛŋã mɛ,

Tesalonikanɛ 1 1:5

ɔmɔsɛ bɔlɔ ibui gbangbã ba wɔnɔ ɔkɔ anɛ nɛ kaɖɔ bhlui ete, pɔ nɛ̀ ohumi, ɔlɔkɔ plɛnɔ Ɔfɔfuĩa Gbangbã nɛ̀ ebuesilulũ gɛ alɛ mɛ edzuɔ. Nonyi kanà gɛ bɔzã wɔnɔɛshi nɛ wɔnɔ ɛtakpu.

Banɔkpɛkpɛ Axɔ̃ɛ 4:32

Bayɛyɛkɛŋã pete azã tenikpo nɛ kitú nɛ̀ ekpeɖekpeɖe mɛ. Balɛ ɔmayɛmɛ ananà agɛ lɔkɔ yahɔɛmɛ kɛdɔ̃ asɛ yɛ kɛdɔ̃ kinu, pɔ beebu kɛka nyia ka gɛzã balɛ ahɔɛ mɛ akɔ bagɔlɔ.

Romanɛ 2:4

Pɛnɔsɛ mabomabo nɔlɔkɔ ɔkɔɛ nɛ yɛyamɛ gbangbã tɛbhɛbhɛtɛ, yɛemi kpɛkpɛ nɛ̀ yɛtɛdɔdɔ fɔ̃ɔ ɔkɔ ɔnɔɔ shu, pɔ nɔtɛ ɔmɔsɛ yɛyamɛ gbangbã gɛ abhɛtɛɛ kɛkɔ ɔsɛ notsyina etú mɛɛ dza?

Korintoanɛ 1 14:31

Ɔmɔsɛ wɔnɔ nyɔ̃ɔ ɔbɔlà ɖɔ kibui olu, sɛ tɛ̀ aka nyia aka amɔ kibui denɔ kɛlɛ mɛ plɛnɔ kemikpɛkpɛ.

Efesoanɛ 1:7

Nɛ yɛ mɛɛ, bebu ɔlɔ ɔgana yɛ dzyosu nɔ mɛ, ebui kpa tɛlɔlɔkɔ tsye, nɛ Owusoso Akaa ehoeyi udɔ̃ gɛ alɔkɔ ebhui ɔlɔ ebuɔ mɛ

Efesoanɛ 3:3

gɛ kɛlɛinu, kibui kpukpũɔ gɛ bebu akasɛ mɛ, asɛ gɛ ɛtɛ fɔnɔ lu gulũi nɔ.

Efesoanɛ 3:16

Ikulu Owusoso Akaa asɛ odenɔ yɛ ehoeyi ɔdɔ̃ dadalɛ mɛɛ, tɛ akɔ nɔ gagalĩ nɛ̀ yɛohumi nɔ ɔgana yɛ Ɔfɔfuĩa nɔ gɛ ɔlɛ ɔnɔ mɛ,

Koloseanɛ 1:26

gɛenu ebui kpukpũɔ gɛ balɔkɔ ekpũ agɔ kpekpè nɛ alɛ pɛ bɔmɔ̃ gelee bafala, pɔ otsi bebu ɛlɛ akasɛ banɔ dadalɛ.

Koloseanɛ 2:19

Ayala idzoɔ gɛ kpasɛ yɛ nɛ agɛ yɛenu Kɛtakpuɔ nɛishi, anunɔ gɛ yɛ mɛ ishudzya petee nyana agɔlɔ ovunɔ pɛ lɛkpɛ tsà nɛ̀ tɛzɛ̃ɛ, pɛ lishe asɛ kana gɛ Owusoso Akaa abhɛtɛ asɛ lisheɛ.

Koloseanɛ 4:3

Kɛlɛ nɔ okulu Owusoso Akaa nɛ bɔlɔ tsyɛ ɛtakpu, sɛ tɛ̀ Owusoso Akaa adalɛ kedulũ ɔkɔ kibuiɛ gɛ bɔɖɔɔ, sɛ tɛ̀ bɔɖɔ Kristo yɛebui kpukpũɔ ɔkanà, kibuiɛ gɛ ɛlɛ shu mɛ kpasɛ ɛɖahuiɛ mɛ.