Biblia Todo Logo
Bib sou entènèt

- Piblisite -




Koloseanɛ 2:19 - Nyangbo New Testament

19 Ayala idzoɔ gɛ kpasɛ yɛ nɛ agɛ yɛenu Kɛtakpuɔ nɛishi, anunɔ gɛ yɛ mɛ ishudzya petee nyana agɔlɔ ovunɔ pɛ lɛkpɛ tsà nɛ̀ tɛzɛ̃ɛ, pɛ lishe asɛ kana gɛ Owusoso Akaa abhɛtɛ asɛ lisheɛ.

Gade chapit la Kopi




Koloseanɛ 2:19
33 Referans Kwoze  

Pɔ nɔzã ɛlɛ tɛ nozoshè nɛ tibhui bhuibuɔ nɛ̀ bubutiɛ gɛ Apaleteɛ Yesu Kristo gɛ ayɛkɛ akɔ bɔlɔ mɛ. Yɛ bakɔ ishu dadalɛ odenɔ otsiɛ, ɔvɛnɔ tihɔɔ! Amen.


Gɔgɔɛ nɔ mɔ, wɔnɔ petee, nɔzã tenikpo nɛ̀ bagɔlɔ, nɔobì ɔkɔ bagɔlɔ, nɔdɛmɛ nɛ̀ anɔ asɛ baadzya ana, nɔoɖi ashagabui tɛ nɔozhinì wɔnɔ ishu esi.


Kɛgɛ ɛtɔɖɔ kɛlɛinu ɔsɛ tɛ̀ bamɔ̃ kemikpɛkpɛ nɛ alɛ etúɔ mɛ tɛ̀ babhɛtɛ tenikpo nɛ tɛdɛdɛmɛ nɔ mɛ, sɛ tɛ bamɔ ehoeyi ɔdɔ̃ petee nɛ ebui esi lulũ mɛ, sɛ tɛ̀ betì Owusoso Akaa ebui kpukpũɔ gɛ bekulu asɛ Kristoɔ,


Kɛlɛ nɛ kibui gbã mɛɛ, nɔdɛmɛ nɛ baadzya petee nɛ Makedonia. Mɛ adzya alɛ, pɔ bɔkà kpalà wɔnɔ sɛ tɛ nɔbhɛtɛ kana odzi nɔ bhɛtɛ.


Tɛ̀ Apaleteɛ akɔ wɔnɔ tɛdɛdɛmɛ nɔ wlui kpè tɔɖɔ tɛ kiyuku balɛ̀ ɔkɔ bagɔlɔ nɛ̀ anɔ nyia anɔ tsyɛ, asɛ gɛ bɔlɔ ɛyɛ bhɛtɛ kɔ wɔnɔ.


Mɛadzya alɛ mɔ, kɛlɛ sɛ tɛ buhu Owusoso Akaa ahɔɛ kibe nyia be ɔkɔ wɔnɔ, kɛpɛ ana, ɔmɔsɛ gɛ wɔnɔ tɛyɛyɛkɛŋã kpe tɔɖɔ soɔ, tɛdɛdɛmɛ nɔ gɛ kpasɛ wɔnɔ mɛ ɔkɔ bagɔlɔ tsyɛ kpe tɔɖɔ.


Kɛlɛ yɛenu kɛtakpu akɔ ishudzyaa nɛ̀ ɔhaa, yɛenu kesi kpɛkpɛ nɛ̀ eyi gɛiputɔ gɛ bamɔ̃ pɛ ede bekpuɔ mɛ aba, sɛ tɛ̀ nɛ kɛka nyia ka mɛɛ, yɛabà amɔ̃ ohumi adɛ.


Kɛlɛ bukulù Owusoso Akaa sɛ tɛ̀ nɔzã nɛkpã gɛ ɛshɔ̃ ɔkɔ Apaleteɛ pɛ lɛbàku yɛawɔ̃ nɛ kidzo ka nyia ka abha, tɛ̀ nɔoyu eyuyù nɛ kɛxɔ̃ɛ gbangbã ka nyia ka wɔawɔa mɛ̀, tɛ̀ nɔoshè nɛ Owusoso Akaa kibuititìɛ mɛ,


Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã


nɛ alɛ petee edeɛ, ananà aka nyanà yɛishupiɛ akpɛ ɛyamɛ eɖi, pɔ akɔ yɛishu bɔŋaŋã pɛ eɖi ɔlɛ abha, asɛ kana gɛ kristo tsyɛ abhɛtɛ ɔhaa,


Nɔgã kidzo ka nyia ka abha tɛ nɔzã tenikpo nɛ Ɔfɔfuĩa nɔ mɛ ɔgana ishu yɔyɔ gɛ nyanà ɔnɔ ovunɔɔ mɛ.


Kɛlɛ Owusoso Akaa alɔkɔ kɛka nyia ka akpɛ yɛtsɛɖɛ esi, kɛlɛ ebú yɛ sɛ tɛ edzi kɛtakpu akɔ ɔhaa, ɔlɛ kɛka nyia ka


Mɛɖa bɔdɔ̃eyiɛ, Apolo yɛakpɛ bulĩ nɛ bɔlɛ shu, pɔ Owusoso Akaa yɛakɔ bushè.


Mɛelé alɛ mɔ, ɛkɔɔ wɔnɔ kɛtakpu nɛ bɔlɔ Apalete Yesu Kristo yɛinye mɛ sɛ tɛ̀ wɔnɔ nyɔ̃ɔ nɔ ozolũ bagɔlɔ esi, tɛ̀ ɔtɔbubu nanà ɔtɔzã wɔnɔɛshi, tɛ̀ nɔbhɛtɛ tenikpo piapii nɛ ekpeɖekpeɖe nɛ̀ ebui tɔtɔɖɔ mɛ.


Onupɛ bebhui bɔshɛ nɔ tuli pɛ balɔkɔ wɔnɔ bagɛ notinu Yudanɛ, pɛ nɔlɛ asɛ kifutù mɛ besi ana, pɛ bebhui wɔnɔ bɔshɛ nɔ atɔɖɔ besidzudzu nulũɔ, kɛlɛ wɔnɔ tsyɛ nɔmɔ̃ bɔŋaŋã gɛide besidzudzuɔ balɛ iguɔ mɛ̀.


Bayɛyɛkɛŋã pete azã tenikpo nɛ kitú nɛ̀ ekpeɖekpeɖe mɛ. Balɛ ɔmayɛmɛ ananà agɛ lɔkɔ yahɔɛmɛ kɛdɔ̃ asɛ yɛ kɛdɔ̃ kinu, pɔ beebu kɛka nyia ka gɛzã balɛ ahɔɛ mɛ akɔ bagɔlɔ.


Otsiɛnɔ, ɛpɛ sɛ nɔoti ɔsɛ̀ anɔnyɛ yɛ kɛtakpuɔ kɛlɛinu Kristo, kɛlɛ anɔdzɛ yɛ kɛtakpuɔ kɛlɛinu anɔnyɛ, kɛlɛ Kristoɔ tsyɛ yɛtakpúɔ kɛlɛinu Owusoso Akaa.


gɛinu yɛishu dzyaa, nɛ̀ yɛishuɔ petee gɛ alɔkɔ eyuku kɛka nyia ka mɛ nɛ kidzo ka nyia ka abha.


Yɛabha babhɔ buvũɔ atɔ̃ atsà, pɛ buwu kabha pɛ bɔba dzì Akaavũɔ gɛ bɔlɛ shu dalɛ nɛ Apaleteɛ mɛ.


Swiv nou:

Piblisite


Piblisite